من قصة سنين عمري

[راكان بن فيصل الحثلين]

بسم الله الرحمن الرحيم ...وبعد...؟
سنين عمري
للكاتبة:الأخت ورود الحب

الجزء الأول
"بكيتك لين ملتني عيوني"
مسح الدمعه الي نزلت على خده وتنهد :أأأأأأأأأأأأأأأاه لمتى بس .............

واقف على كاسر الامواج وهذه حالته من 3 سنين كل يوم وفي نفس الوقت لازم ايي ويوقف ويشوف البحر لأنه الشي الوحيد الي يقدر بخفف عنه حزن فراقها واحساسه بالذنب

انتبه على صوت آذان المغرب وشاف انه لازم يروح وقال في نفسه:أوه أكيد أمي الحين منقعه التلفون من الاتصلات خلني أروح أصلي وبعدين أروح البيت

في البيت:

أم مبارك تطالع ولدها بحزن:يا امي ليش اتأخرت انت وعدتني اتي بعد صلاة العصر عسب تودني بيت خالتك وين رحت والله اني استهميت عليك

مبارك:امايه انا بخير وأنا أسف اني ماييت اخذج وأديج بيت خالتي سرقني الوقت وأنا واقف على البحر اذا زاهبه يالله انروح الحين بوديج

أم مبارك:لا خلاص انت الحين روح بدل اثيابك وريح لين أذان العشاء انت من يوم الظهر وانت طالع يالله روح الله يرضى عليك.

"مبارك هو البجر وعمره23 يدير شركتهم الي ورثوه عن أبوهم وبعده أي سيف يدرس في كلية زايد وعلى نهاية هذه السنه بيتخرج وهذا أكبر خقاق ومغزلتجي وبعده اتي نوره هاديه وطيبه واهي ثانويه عامه وبعدها أي ناصر ثالث اعدادي وبعده اتي لولوه ثاني اعدادي واهي وناصر مثل توم وجيري دووم يتضاربون"

على العشا:
أم مبارك :لولوه الله يرضى عليج روحي قوممي أخوج ييصلي واي يتعشى فاتته صلاة العشا نظر عيني ماهان علي أقومه يوم شفته تعبان .

لولوه :انزين أمايه .......وراحت لولو وعت مبارك ورجعت لأمها ....... الحين ياي بروح يصلي أول

ومبعد ما سلم مبارك على أمه وأخوانه قعد...

ناصر بنقمه:لولوه يقولون عاطنكم الشهادات اليوم

غصت لولوه بالقمه:كح كح كح

أم مبارك: يومه بنيتي خذي شربي ماي بلاج مستلغثه على الأكل مابيطير

لولوه من بعد مارتاحت صدت على ناصر بغيض : منو قالك هذه اشاعه مغرضه

ناصر :الحين هندو بنت عمي مب في صفج هاكي عندها شهاده الا قولي انج....

يقطع كلامه مبارك ويصد صوب لولوه: صج لولوه الكلام الي يقوله ناصر؟؟؟!!!!!!!

لولو ه وهي مستحيه ومب قادره اطالع أخوها :هيه

مبارك :انزين وين الشهاده ؟؟؟ وليش ما عطيتيها حقي ؟؟؟؟؟

سكتت لولوه وماردت على أخوها وفي خاطرها تقول شا راويك من زينها الدرجات أهوووووووو الحين بيذبحني يوم بيشوفني راسبه بالانجليزي أووووويه الله يعين

مبارك :ليش ماتردين ؟؟؟؟.....أوكي بعد العشا هاتيها حقي أكيد فيها سواد ويه.....
ناصر يطالع لولوه ويضحك عليها وهي تأشره وتقوله براويك يا نصووووور الدعله..............

وفي جهة أخرى في مدينة العين كانت شما بنت عم لولوه قاعده مع يدها وهويحكي لها عن أيام أول كيف كانو عايشين وعن حريم أوول كيف الحمه تشيل البيت بروحا يوم ريلها يروح الغوص وكيف تربي عيالها ويقولها مب جيلكم كله مبزاي البنت ماتخل المطبخ خير شر والطباخ والبيت كله على روس هالخدمات

شما :يدي عاد زمنكم غير زمنا الحين احنا الحمدلله في خير ونعمه وكله بفضل الله وبفضل بابا زايد الله يطول بعمره ويحفظه

اليد:الله يحفظه ....... بس مافكرتي يابنتي لو فيوم لا قدر الله راح هالخير لان النعمه زواله وماراح تظل على طول شو راح تسوون؟؟؟؟؟؟؟؟؟

شما :صح والله تدري يدي أنا ما فكرت بهالشي من اليوم بروح أتعلم لي شي ينفعني بدال القعده على الكمبيوتر الي مامن وراه فايده

اليد:شميم روحي شوفي أمج مب ناويه تعشين اليوم والا شووووووو وابوج وينه وأخوانج بموتونا يوع اليوم

شما:ايخسى اليوع يدي الحين بروح طيران....

شما عمرها 20 سنه وهي في الجامعه سنه ثالثه تخصصها لغه عربيه واهي البنت الوحيده من بين أخوانها. أكبر أخوانه سلطان وعمره 25 وصار له سنه متزوج من ينت خاله حصه وعندهم بنت اسمها شيخه شهرين وبتكمل سنه والي بعده حمدان عمره 23 هذا هو ومبارك ربع من يوم اصغار ما يتفرقون بس من ثلاث سنوات واهم مقاطعين بعض من بعد الي صار ...وبعده اتي شما وبعدها أي هزاع وهو جد ناصر ....

ياترى ليش كان ناصر يبكي وشو سبب احساسه بالذنب ؟؟؟؟؟؟؟؟؟
وشو الي صار بين حمدان ومبارك خلا هم يفترقون؟؟؟؟؟


الجزء الثاني

كان منسدح على السرير ماله يريح ورجع بذاكرته لقبل ثلاث

سنوات يوم كان عمره 19 سنه لما كان رايح بيت عمه

الي في العين لأنه كان متواعد ويا حمدان ولد عمه


يروحون ويا بعض المول .....

مبارك:هود هود يا أهل البيت ..

أم سلطان: هدا هدا ولدي مبارك محد غريب ادخل

دخل مبارك الصاله وسلم عليهم وباس يده فوق راسه

الي هزبه أول ما شافه بسبب انه مايي يسلم عليه

مبارك وهوقافط : يدي والله تدري امتحانات ودراسه اشو
أسوي بعد .السموحه منك يالغالي لك علي كل ما

أشوف عمري فاضي بيي أزورك كله ولا زعلك .

اليد:هيه هيه قص علي بهالكلامولا منشووووفك الا على الحول
مبارك :ههههههههههههه يدي
في هالوقت شما كانت نازله تبغي تروح المطبخ تشرب

ماي وطبعا ماكانت لابسه وقايه وفاتحه شعرها الي يوصل

لين ظهرها والحبيبه نازله على الدري ركيض ماتبغي

ضيع وقت

ام سلطان :شموووووووووووه شو من المذهب هذا حد ينزل من على الدري جي بتتكسرين

شما وهي تصد على أمها: أمايه. . بعدين بعدين ماشي وقت بروووووح................

. وتتفاجأ بولد عمه وتتذكر انها مالابسه وقايه وترد ركض على الدري تبا تروح حجرتها

أم سلطان: أشهد انها استخفت مب امتحانات ثانويه هاي تخلي الواحد يضيع العقل

مبارك عاد حالته حاله لما شاف شما ويقول فخاطره هذه شما الي كنت دوم أطفر بها يالله كيف كبرت وحلوت من خمس سنين ما شفتها مع اني أي البيت بس ماأشوفها هههه طبعها الظاهر للحين ماغيرته دحيحه ياحبها للمذاكره . ..أووووووووف صدق الشاعر "مابقى للزين في خلي محل"


ينتبه مبارك لصوت دق على باب حجرته ويرجع الى أرض الواقع
مبارك بضيق: منووووووووو

لولوه بصوت واطي : هذه أناا

مبارك :دخلي لولوه ... دخلت لولوه. بلاج جي منكسه الراس عطيني الشهاده بشوف

لولوه فخاطرها ياويلي الحين بنذبح خلني أتشهد أوووووووويه ماكتبت وصيتي ونصور أكيد الحين بياخذ البلي ستيشن حقه وانتبهت لأخوها وشافت ويهه وقالت لا اااااااا خلااص قربت نهايتي

مبارك:لولوه شووه ها الدرجات الزفته انتي ليش ماتهتمي بمذاكرتج أنا بشو مقصر عليج فيه؟؟؟؟؟.... أي شي تبينه أيبه حقج... واذا انتي جي كسلانه بالاجليزي ليش ماقلتيلي على الأشياء الي ماتفهمينها عسب أفهمها حقج؟؟؟؟؟؟؟؟............ سكت شوي بعدين رد بعصبيه أكثر من الأول..... تدرين أنا ماراح أضربج ولاأعاقبج وأمنع عن شي ماراح أكلمج ولا أرد عليج الا لين أشوف درجاتج كلها اعتدلت ووارتفعت .والحين يالله طلعي وسكري الباب وراج . ولف بويه عنها

وطول الوقت لولوه ساكته وتبكي وطلعت من الحجره وراحت حجرتها .........لولوه تعتبر مبارك مثل أبوها وتحبه وايد رغم عصبيته الا انه حنووون وايد وطيب وما يرفض لها طلب وهذه أول مره اتشوفه جي معصب و واجعها جي .

وصلت حجرتها وفتحت منا أول مره مبار ك يزعق علي
ويزعل مني أدري اني غلطانه بس شوو أسوي بنفسي يوم هذه أبلة الانجليزي ماتفهمنا زين وكله تطردني من الصف . الحين صج ماراح يكلمني لا أكيد ماراح أهون عليه أنا دلوعته بعد شوي راح أي يراضيني..

وفي اليوم الثاني الصبح على الريوق الكل ساكت على غير العاده

ام مبارك :بلاكم جي ساكتين مب من عوايدكم.لولوه أمي فيج شي تعبانه بلاهم عيوناتج منفخات جنج صايحه أحد من أخوانج زعلج.............
لولوه:......................
ام مبارك:انتي زعلانه عشان الشهاده ولا يهمج ان شاء الله بترفعينهم درجاتج .يالله اكلي ولا تهتمي


نوره :يالله يا ام مبارك محد بضيعها غير دلعج
ناصر :يالله يالبزى الي فيها انتي من كم يوم يايبه الشهاده وعارفه انج راسبه اوشهيتج ما شاء الله ماوقفت اشمعنى اليوووووم مبوزه وحالتج حاله
لولوه صدت عليه بطرف عينها وزعقت فيه: انت مايخصك زين
ناصر:ول ول مشتطه كبريت...........


ونروح العين لبيت شما الي كانت قاعده ويا مرت أخوها قبل ماتروح الجامعه اليوم محاظرتها 11 وتلاعب شواخي بنت أخوها أخوها سلطان
شما: شواخي قولي عمووووووووه فديتها قمر تشبه عموتها يالله قوولي عمووووووووووو...........

حصه اطالع شما وسرحانه ............الله ينولج ياشما الي في بالج وتتزوجين الي تحبينه ويرزقج بالذريه.انتبهت حصه على شما وهي قاعده تناديها

شما:حوووووووووو حصوووووووووه وين وصلتي حبيب القلب توه رايح عنج لحقتي تتولهين عليه وتفكرين فيه ههههههههه

حصه:ههههههههههههه لا والله خل عنج هالمسه وطالعي الساعه بتفوتج المحاظره

شما اطالع الساعه وشهقت:وابيييييييييييييييييييييييييييييه خيبتني بحطيني أبسنت وركضت..........
حصه :ههههههههههههههه

في الجامعه


شما دخلت الكلاس وحمدت ربها ان الاشتاذ بعده ماوصل انتبهت على رفيجتها مها وهي تناديها


مها:شموووه بلااج جي مصطنه عند البااب تعالي قبل ماي الدكتور
شما: وييييييييييه الحمدلله انه بعده ما وصل والله اني يايه ركض ...كيف حالك يامها؟؟

مها :بخير والحمدلله أشقح وأنطح .وماذا عنك أنت ان شاء الله تمااااام

شما: عنلاتج من بنيه بتصيرين مدرسة عربي وجي ترمسين الله يعين التلاميذ بس

مها :هههههههههههههههه

ودخل الاستاذ واعتذر عن تأخير وبدا بالمحاضره لما خلصت المحاضره طلعو شما ومها رايحن على الكافتيريا

شما:مهوي تعالي اليوم بيتنا حاسه اني ضايجه وأبغي أرمس مع حد وانتي من زمان مايتي بيتنا
مها: مادري والله اذا امي رضت بتصل حقج بس ماضنها ترضى
شما : والله مهووووي تحاوليييييييييين
مها حست انه انه صج شما مضايقه ومحتاجه حقها بس شو بتسوي في اهلها الي كل شي ممنووووووووع بس عشان خاطر ها بتحاااول وحبت تغير الجوووووو فقامت تغني
مها: والله أحتاجك أنا .خلك بجنبي قريب .أنا من بعد أتوووووووه عالمي بعدك يضيع
شما :ههههههههههههه مهووووووووي يلا عااااااااد

مها :ههه يلا ثموود
شما:اووووووووووووووو صج ماصخه
مها:ههههههههههه اوكي بحاول.كرمال عيونك بس كم شما عندنا........


الجزء الثالث

محتاجلك ماهي مثل كل مره*** هالمره اكبر من سهر ليل واحساس

يالي غيابك عن عيوني مضره *** عندي حظورك فرحة مالها قياس


.........:يا أهل البيت وين راحوووو هذيل ...أمااااااااااااااااااايه.نووووروووووووووه نصووووووووووووووور لوووووووووووووووووووووووولوه

تطلع الام ويظهرون وراها نوره ولولو يشوووفون من الي قاعد يصارخ ويناديهم

أم مبااااارك :سيفووووووووووه عنلاتك من ولد خرعتني ههههههه ...... ...ويييييييه فديت ولدي تولهت عليك وركضت تلوي عليه وتبوووووسه


سيف:هههههههههههههه امايه هالكبر والحين بتخرج من الكليه وتقوليلي سيفوووووه .ولد..... عيل شو خليتي حق نصوووووووووور ههههههه


أم مبارك:هههه ترى انت الله يهداك خرعتنا وانت تزاقر جي ..........يالله ياوليدي شهر لا شفناك ولا سمعنا صووووووووتك وقعدت تيكي من الفرح

نوروه:هههه يمه خلينا نسلم عليه حاظنته جي

وركضت نوره تلوي عليه وتبوسه وبعده ركظت لولوه

وقعدوير مسون بعدين يا ناصر الي امه هزبته لأنه طالع الظهر وقالها انه

كان بيت عمه وسلم على أخوووه .أذن العصر وراح ناصر وسيف المسيد يصلون ورجع سيف يرقد
وصاهم يوعونه يوم بأذن المغرب (سيف مثل ماقلت في كلية زايد وكانو حاجزينه شهر واليوم رجع)

في هالوقت مبارك كالعاده قاعد على البحر ويسترجع الذكريات الأليمه

مبارك من بعد ماشاف شما هذاك اليوم ما خازت لحظه عن باله وظل

يفكر فيها وابتسم وهو يتذكر ذاك اليوم الي كان رايح فيه لبيت عمه في

الاجازه وكان يايب اهله لأنهم بروحو المزرعه ويا بعض من بعد ماد خلوا

الحريم داخل وسلمو على أهل البيت سيده ركبو السياره مره ثانيه وراحو ويا بعض المزرعه


في المزرعه

كانت شما تتمشى ويا وضحه أخت مبارك وايد كانو ربع ومايخبون عن

بعض شي وشما تعتبرها مثل أختها لأنها ماعندها خوات (وضحه أخت

مبارك من الابو وهي أصغر عنه بسنه أمها متوفيه) لكن في عيون كانت

تراقب شما وين ماتروووووح وتراقب ضحكتها ورمستها ويقول فخاطره

يارب على عيونها ذبحتني أأأأأأأأأأأأأأأأأه ياشما لو تحسين فيني

حمدان يدز مبااااااارك:حووووووووووووووووه أييييييييييييييه وين وصلت صارلي ساعه أرمسك في شو سرحااااااان


مبارك:اه ووولا شي مب سرحان أنا بس كنت قاعد أفكر بشي

هزاع وناصر ولولوه قاعدين يلعبووووووو وشوي يتظارب ناصر ويا هزاع

وقعدت لولوه تبكي خيفانه ركظت شما ويا وضحه يشو فون شو صاير

بعدوهم عن بعض واهزبوهم بس لولوه للحين تبكي قعدت شما تهديها

وتقولها ماصار شي سكتت لولو شوي كل هذا يصير ومبارك بعده يراقب شما ويقووول يالله كيف طيبه وحنووووونه أأأأأأأأأخ ياقلبي حمدان مل

منه من زود ما كان قاعد يكلمه وهو مب منتبه فقال أحسن له يروح يطلع الدرجات ويركبها انتبه له مبار ك وراح وياه عسب يتسابقون بالدرجات


ركبو الدراجات وفي السباق مبارك كان وايد يسرع فجأة نقز ت الدراجه

على فوووق بسبة حجر وتقلب مبارك الكل صرخ وركضو يشوفون شو

صار له ولما تقربو منه قام حمدان ينادي على مبارك بس مبارك كان

مغمى عليه يابو ماي ورشو على ويهه قام مبارك
حمدان: بلاك مبارك شي يعورك تكلم


مبارك:أأأاااااه لاااااااااا مافيني شي

حمدان ":كيف مافيك شي وانت مب قادر تفتح عيونك وتتويع قوم قوم خلني أخذك المستشفى
مبارك: أأأااه لاا لااا مايحتاي مستشفى الحين بقوم مافيني شي


في هالوقت يات أم مبارك وأبوه يشوفون شو صاير

أم مبارك: ياويييلي مبارك شو فيك شي يعورك انا كم مره قايلتك تودر هالخبل يوم بتسووق الدراجات . وانتو اشعنه واقفين جي قومو ودوه المستشفى

مبارك: أمايه أأأأأأأأأاه مافيني شي الحين بقوم .ولما حاول مبارك يقووووم زعق زعقه من الألم فأصرو عليه ياخذونه وداه حمدان المستشفى وراح وياه أبوووووووه


وأمه قعدت تبكي وضحه وشما وأمةحمدان يحاولون يهدونها ويقولون لها ماصار عليه شي الحين بي

ومبارك كثر ما كان يتالم كثر ماكان فرحان لما شاف نظرة الخوف في عيون شما وقال في خاطره وااااي فديتها أكيد تخاف علي


انتبه مبارك على أذان العصر وراح يصلي بعدين راح البيت وعرف انه سيف وصل بس راح ينام قعد شويه ويا أمه بعدين راح ينام لين المغرب ..............


في بيت شما
كانت قاعده ادخن الميلس بعد مااتصلت فيها مها وقالت لها انها بتي ليها

وشوي أي على باال شماطيف انسان عمرها مانسته بس حاولت تنساه وقعدت تتحسب على الظروف الي فرقت من بينها وبينه وتذكرت أول

مره شافته من يوم كبرت وضحكت على عمرها هذاك اليوم يوم كانت تبغي تروح تشرب ماي بس خيفانه على الوقت لا يضيع منها فقالت

بتركض عسب تختصر الوقت وييوم شافته قدامها تصنمت وردت تركض من صوب مايت وقعدت تقووول :ياوييييييييلي ياهي فشله الحين شو بقول عني أكيد بقول هذه بنتهم خبله بلاها تراكض .ياوييلي بس منو هذا الي مدخلينه الصاله أكيد يقرب لنا أنا مشبهه علييه بس منووووووو ..... . وصدت على كتابها ويييه أنا شو أبغي فيه خلني أخلص كتابي أحسن


ودزها مها:شمووووووووووووووووووووه بلاج شي قاعده تتبسمييييييييين خبله شووووووووووووووو

شما :بسم الله انتي متى يتي ؟؟؟؟؟؟؟؟؟؟وكيف دخلتي ؟؟؟ومنوووو دخلج؟؟؟
مها:خيبه خيبه كلها الاسئله تحقيق شووووو دقيت الباب ودخلتني الخدامه ....لا ضيعين الموضووع ليش كنت تتبسمين في منو تفكرين ؟؟؟؟

شما:أأأأأأأأأأأأأأأأأأأأأأأأأأأأأأأأأأأأأأأاه

مها:ويه كل هاي تنهيده ياله طلعي الي في قلبج يالله قووووووووولي أطربيني

شما بحزن: انتي عارفه شو فيني ليش تسألييين

مها:انتي لين الحين تفكرييين فيه
شما ودموع في عينه :حد ينسى روحه حياته قلبه مهووي مبارك كل شي في حياتي ما أقدر أنساه وبعدين الي صار مبارك ماله ذنب فيه الله راد هالشي لاتفتكرين اني انا مب حزينه على وضحه بالعكس انا أكثر وحده اتأذت من الي صار بس أنا عارفه ان هاشي قضاء وقدر محد لي دخل فيه بس الله يهداه أخوي حمدان
مها:لا تلومينه انتي أكثر وحده تعرف اشكثر حمدان يحب وضحه ويموت فيها الي صار مب شوي عليه

شما وهي خلاص مب قادره تحبس دمعتها:أدري والله أدري بس شو أسوي من حر مافيني ما أقدر أفضفض حق حد غيرج
وخلتها تبكي عشان ترتاح بعدين قالت لها عشان تغير جووو
مها:شموووووووووووووووه كل هذا عسب ماتيبيلي شي أكله يالبخيله يايبتني تيوعيني
شماتضكك غصب عنها:هههههههههههه اسمحيلي والله خذتنا السوالف ونسيت أيب لج تتفاولين
مها:أدريبج زطيه بخبر عليج أمج وبقولها تي تشووف بنتها شو تسوي مع ضيفتها
شما:ههههههه مهووووي يالدبه

وتروح شما المطبخ تيب حق مها الفواله ....وفي هالوقت ايي حمدان

يبي يروووح الميلس ناسي بوكه ومفتاح السياره ودخل الميلس اتفاجأ

بوحده قاعده داخل وأول ما شافته تغشت طلع بسرعه وقف بره وهوو

مصدوووووم حمدان وهو يكلم نفسه :معقوووووووووله مستحيل تكووون اهي مستحيييييييييييييييل اهي راحت ومابترجع

بس كيف منو هاي أكيد انا أتخيل ومافي حد داخل

يت شما وشافت حمدان واقف عدال الميلس فمشت بسرعه

شما:حمدااااااااان انت شو اتسوي هني ربيعتي داخل
حمدان تأكد انه الي شافه صج مب خيال :انزييين روحي يبيلي مفتاح السياره والبوك ناسيهم داخل الميلس يلا بسرعه.


طلع حمدان من البيت وشوفته لمها قلبت عليه جروح وألام ياما حاول ينساه وفي الطريق وهو راح لين ربعه خذته الذكريات لأول مره يشوف فيها حب حياته من بعد ما كبروا هذاك اليوم في المزرعه كان يبغي شما تحطله الغدا ياي يوعان من بعد مايابو مبارك من المستشفى الي طلعت ريوله فيها كسر وجبروه ليه وشاف وحده واقفه عدال المطبخ عباله شما قال بيخرها تقرب منها
حمدان :"بوووووووووووووو شوووو تسوييييين هااااا


.......... يمه بسم الله
حمدان قفط:السموووووووحه علبالي شما
وضحه وهي مستحيه لان هذه أول مره تشوف فيها حمدان :لااا عااادي بغيت شي
حمدان اذا ماعليج أماره ممكن تنادين شما وتخبرينها تحطلي غدا
وضحه:أوكي
حمداااان خلاااص مب قادر يستوعب الي شافه معقوله هذه وضحه ياربي شووووو هالجمااااااااااااال كله ولا العيووووون الناعسااااااات
يفز حمدان من ذكرياته ويحاااااااا ول يلزم برييييييييييك ...........

الجزء الرابع:

فدوة عيونك لوغدت روح مغليك
وش عاد لو راحت لعينك عشاير

مها كانت قاعده منصدمه و قافطه من الموقف الي صار لها حتى ما انتبهت لشما لما دخلت وطلعت ........ياربي شو هالموقف منو هذا .لا يكون حمدان أخوو شمووووووووووه يالله كيف وسيم بس ليج وقف يطالعني بهذه النظره

شما:مهووووووووووووووووه وصمخ
مها:شوووووووووو شو صار
شما:ههههههههه بلاج جي فزيتي........ .مهوووووووووي فمنو كنتي تفكرييييين هااااا
مها :هاا لا ولاشي بس جي .أقول مب كأني تأخرت بتهزبني أمايه بعدين

شما:لاااا شو تروحين بعدنا ما قعدنا وما تفاولتي يلا مهووي قعدي

مها:أوكي بخاطر وبقعد ربع ساعه .ماتهونين عليه أكسر بخاطرج

شما:فديت مهوي أنا الي ماتبغي تكسر بخاطري

مها:خلج من التقردين وقوليلي ليش كنتي متضايقه وتبغيني أي .ولا تقوليلي سالفة مبارك لأن هذا الموضوع مر عليه ثلاث سنين

تنهدت شما بحزن :شو أقولج يامها بس
مها :الظاهر السالفه جايده ..
شما والدموع في عينها :ولد خالتي ياي خطبني واخوي حمدان مصر اني أوافق ..........
مهاوبتردد:ليش ماتوافقين

شما:انتي يامها تسألين هالسؤال وانتي أكثر وحده عارفه اشكثر أحب مبار ك
مها:انزين لين متى راح تنتظرين...الي صاير من بين مبارك وحمدان ماأظن ينحل بهذه السهوله
شما:ان شاء الله لين أمووت راح أترياه.بعدين كيف تبغيني أخذ ولد خالتي وأنا أحب غيره هو مايستاهل مني هالشي

مها:انزين أبوج وين ويدج قوليلهم انج مب موافقه وما أعتقد انهم راح يغصبونج
شما: أبوووي اذا راح أقوله راح يسألني ليش ما أبغي أوافق والريال زين ومايتعيب ولازم أقدم له مبرر وأنا ماعندي شي ضده ويدي نفس الشي

مها :انزين صلي استخاره سوي الشي الي راح ترتاحين له يمكن الله مب كاتب لج انج تتزوجين مبارك

تمت شما ساكته وشكلها اقتنعت بكلام مها


في بيت مبارك
قاعدين كلهم في الصاله ومبارك قاعد يتخبر سيف عن الكليه ومتى بيتخرج

سيف:الحمدلله كل شي تماام وبنتخرج بعد اسبوعين

مبارك :وشو أخبار سعيد وعبيد وخالد أكيد معاك بيتخرجون

سيف:الحمدلله تمام وبيتخرجون معاي وهم يسلمون عليك بعد .ههههه على طاري عبيد ذكرتني بسوالفه

مبارك:هههههه انتي بتخبرني عن عبيد شوو سوى هالمره بعد أسميه سوالفه ما تخلص لا يكون مسوي فيكم مقلب

سيف:ههههه لا هذاك اليوم كنا ناشين الصبح كان عندنا تدريب سلاح فركضنا كلنا نشل سلاح ونصف طابور هههه وعبيد مب كفايه ياي متأخر الا بعد يمشي شوي شوي على الراحات ههههه بعدين شل سلاح وقعد ايووول في هههه وشوي يطب عليه الوكيل وهزبه هزاب هههههههههههه
مبارك:هههههههههههههههههه مسكيييييييين متفيج ايووووووووووووووول من الصبح هذا هههههههههه

سيف :هههههههه مادري عنه ههههههه ولا هذا الموقف ههههه يوم الجمعه كنا رايحين نصلي صلاة الجمعه انزين والخطيب قاعد يخطب شوي رفع صوته يووم حس فينا نايميين عسب ينبهنا هههههههه يقووووم يفز لك عبيد ويوقف و يقووووووووووووول انتباااااااااااااه الظاهر انه كان رايح في سابع نوووووووومه ههههههههههه ويتحسب انا نحن في الميدان ههههههههههههههه



مبارك:هههههههههههههههههههههه بروووح أخبره انك قاعد تقرض فيه من الصبح وتضحك عليه ههههه

سيف :هههههههههههههه الحين لما شبعت ضحك قلت بتروح تقوووووووله هاااا
قعدووولولوه ونوره وأم مبارك وناصر يتسمعوون سوالف سيف ومبار ك ويضحكوووون عليهم بعدين أذن العشا وتعشوو سيف كان مواعد ربعه في الكوفي وطلع راح لهم أما مبارك فراح حجرته الي صارت صديقه الوحيد وملجأه ونوره ولولوه كانو قاعدين ويا بعض ويسولفووووووو ن أما ناصر فكان قاعد على النت

في الكوفي

سبف:السلااااااااااام عليكم

الشباااااب:و عليكم السلام والرحمه

سيف:شحالك شباب .عسى ما تأخرت عليكم

سيعد:وانت من متى ييت في موعدك
سيف:لازم مب من كبار الشخصيات
سعيد :اقعد اقعد صج خقاق كبار الشخصيات أونه

عبيد:سيف شوووف شوف لا يفوتك خلك من سعيد شوف الغراشيب الي هنا ك
سيف:ياويلي عليهم غزلان ........عبيد قوم بداالشغل

سعيد:ايييييه وين رايحين مندخل نشوف فيلم الحين بيبدا
عبيد وسيف وهم ماشيين:روحوا انتووو بنلحقكم
سعيد:الله يهديكم


للأسف تأخر في لزم البريك ودعم السياره الي قدامه طلع صاحب السياره معصب وراح لين حمدان

..............:انت عمي ماتشوووف زين جي سوت بالسياره
طلع حمدان من من سيارته وصد على الريال يبغي يكلمه :السمووووحه أخوووووووي وسكت يطالع الريال بعدين زعق .........علوووه يا الدب متى رجعت من بره........... بلاك جي عاقد حياتك لا يكون ماتذكرتني بزوالك


على وتذكر:حمداااااااااااااااااااان تصدق انتي ما عرفتك واايد متغير وضعفان ....أخبارك علوومك

حمدان:الحمدلله تمااااااام.......... اسمحلي عااد كسرت سيارتك ولك علي أصلحها
علي :السياره كلها تفداااااااك أنا أصلا أبا أغيرها من زمان وزين لقيت لي السبب.........
حمدان:ههههههههههههههه يعني يات بفايده هالدعمه

علي:شفت عاد هههههههههه ........................

.يالله ماعطلك خلنا نتشاوف
شكلك مستعيل ولا ماسرعت بالسياره

حمدان: ويين ياريال لا مستعيل ولا شي أنا ماصدقدت أشوفك تعال معاي عند الربع منستانس شوي
علي :غير مره أنا الحين مواعد ريعي انزين ........ يالله فمان الله

حمدان :أوكي........ .فمان الكريم

وسار كلن في دربه (سيف هذا ربيع حمدان من يوم كانو صغار في المدرسه كبرو وفرقتهم الدنيا علي راح يكمل دراسته بره وحمدان فضل يكملها في البلاد مع انه علي أصر عليه يروح وياه)



في بيت خالة مبارك

هند:ريــــــــــــــــــــــــم ........ريـــــــــم . هاذي وين راحت كل هذا ماتسمع


ريم:شووووووووووووووووو بلاج جي تصاريخين
هند :شوأسوي فيج صاري لي ساعه أناديج وانت ما تسمعين البنيه صار لها ساعه متنقعه في التلفوووووووون
ريم:عنلاتج الحين تتكلمين قومي من ويهي

هند:الحين يزاتي أنا قاعده أناديج بس مره ثانيه شوفي اذا ناديتج

ريم:ألووووووووو مرحبا

نوره: مرحبتن ياهلا ريم اشحالج يالقاطعه يالي ماتسالين ولا تقولين عندي بنت خاله بسأل عليه أشوفها حيه ميته


ريم تقاطعها:ول ول ول بالعه راديو انتي شووو خليني اتنفس أرد على سؤالج أسألج من أولها كلتيني


نوره:هههههههههههههههه تولهت عليج يالسباله ليش ماتين بيتنا ولا ماتنزلين أدري أدري ماتنزلين أكوووبيت عمج مطيحه عندهم ونحن حتى سلام بالتلفون ماشي


ريم: لاا انتي أكيد عينوج مذيعه حشى 55 كلمه في الثانيه حتى ماتتنفسين أنا ما أحيدج كنتي جي أكيد هاي لولووه عدتج

نوره :شسوي ماعندي حد غيرها يسليني

ريم: وانتي ليش تتسلين عندج كتبج تسلي فيها والا نسيتي انا نحن ثانويه عامه ومابقى شي على الامتحانات
نوره :مليت من المذاكره والله متى بنمتحن ومنفتك

ريم:يالله هانت ..........الا ماقلتيلي شو أخبار خالتي واخوانج

نوره وتنغز ريم : منو من اخواني قصدج هااا

ريم: نوروه عن الاستهبال كل اخوانج

نوره :انزين بس لا تعصبن ... كلهم بخيير.......بس متأكده ماتبيني أوصل سلام حق نااااس ترى اليوم ياين من ابوظبي ها ما بتغرين رايج

ريم:نوروه عن الهبل ترى والله أسكر في ويهج...... شرايج انا الي أوصل سلام حق ناس

نوره وهي تبي تغيض في ريم:تقدمين لي خدمة العمر .يمكن يحس بدال هالبرود الي فيه يقهرني

ريم :من صجج انتي ترى أسويها أنا

نوره :ايه وين تبي أتغشمر معاج أنا .تبي تغير السالفه....خلنا من هاالسوالف تونا صغار عليها خلنا نخلص الثانويه..الا شخبار خووول بنت عمج

وظلو يرمسون وسالفه تير سالفه لين يات أم مبارك وهزبت نوره وخلتها تسكر وتروح تذاكر


مبارك كان قاعد في حجرته وسارح في دنيا غير دنيته في دنيا ما فيه غير هو وشما حب حياته الي وعدها في يوم من الأيام انه ماراح يفرط فيها وانه أول مايخلص دراسته ويشتغل بروح يخطبها لكن الي صار هذاك اليوم قلب مخططاتهم 180 درجه ونش من مكانه وراح يوقف على البلوكنه عشان مايتذكر هذاك اليوم....
وفجأه يات علباله شمه وهي شاله كتابها كانت راجعه من الامتحان متضايقه والدموع متجمعه في عينها هوكان ياي عندهم لأن أبوه مطرشه يودي أغراض حق عمه وكانو ا قاعدين في الصاله يسولفون دخلت وسلمت وسيده راحت فووق الكل استغرب من تصرف شما روح مبارك وهويحاتي يبي يعرف بلاها شما ويقول أكيد من الامتحان مافي شي ثاني .وقعد يفكر طول الدرب بعدين قال أنا ليش متعب رووحي بروح أخلي وضحه تتصل حقها هي ماتخبي شي عنها.

وصل مبارك بيتهم وسيده راح حق اخته وضحه خبرها بالي شافه وقالها تتصل في شما واتصلت وضحه
وضحه :ألوووو ..السلام عليكم شما موجوده

حمدان وعليكم السلام.ايه موجوده منو نقولها

وضحه وقلبها يدق من سمعت صوتها: قولها وضحه تبيها
تسارعت دقات قلب حمدان لما عرف انها وضحه وتم ساكت وسرحان
وضحه: وين شما
انتبه حمدان على عمره السموحه لحظه شوي بناديها.........وفي خاطره يقول ياويل حالي على الصوت وصل عند شما وقالها ان وضحه تبيها فراحت شما ترد على التلفون
شما: ألووو مرحبا الساع

وضحه: مرحبتين شحالج شو مسويه بالامتحانات
شما :تماام سكتت شوي........ وقالت بس امتحان اليوووم زفت فيه تزفيت والله أخاف ما أنجح

وضحه:لا تقولين جي فال الله ولا فالج ان شاء الله بتنجين وبتطلعين من الأوائل بعد
وشما ورجعت لها ابتسامتها:لا عاد هذي قويه ماروم عليها

وضحه :ان شاء الله تقدرين وبتطلعين راعيتها

شما :الا أقول وضوووح كأني شفت مبارك عندنا اليوم
مبارك كان ملصق اذنه على السماعه وأول ما سمع اسمه تشقق من الفرحه وضحه مستغربه تصرفه هذا واستغربت أكثر لما سألت شما هاسؤال

وضحه :هيه كان عندكم بس ليش تسألين عنه

شما مر تبكه :ها ولا شي بس بروحي جي أسال عبالي كنت أتخيل
وضحه ما اقتنعت بتبرير شما بس طنشت:هيه .خلاص عيل أخليج تكملين دراستج ..... وحبت تتأكد من شي وقالت في ناس يسلمون عليج
تشققت شما وقالت:والله الله يسلمهم
وضحه :انزين ما سالتيني منو هالناس

شما مرتبكه: ايه والله صج منو هالناس أكيد خالتي يعني منو بكون

وضحه :هيه خالتج عالعموم من بينا رمسه بس لما تخلصين امتحانات اوكي
شما:أوكي مع السلامه

وسكرت وضحه واطالعت مبارك بطرف عينها.....


الجزء الخامس

يا سنين عمري كفايه جرح ياسنين
خلاص راح الذي يستاهل أحزاني
لمي جروحي وارجعيلي باقي ألواني


انتبه على صوت دق الباب فقام يفتحه
سيف:مابغيت ياخي صار لي ساعه أدق الباب انت وين .....وينتبه حق عيونه.. بلاها عيونك جي منفخه ....... مبارك شو فيك خرعتني .دخل وسكر الباب وراه ..قووووول بلاك
مبارك:...........................مافيني شي

سيف وفهم شوفيه مبارك :لين متى راح تظل تلوم في نفسك..........الي صار الله مقدرنه لا انت ولا أنا نقدر نمنعه
مبارك وبدت دموعه تنزل :انت ماتقدر تنكر اني أنا السبب في الي صار استهتاري هوالي ضيع .........وسكت وما قدر ينطق اسمها أأأأأأأأأأأأأأأأأه بس لو الزمن يرجع شوي لورى كنت ..... وما قدر يكمل
سيف:استغفر ربك وتعوذ من الشيطان وقوم صلى لك ركعتين عشان تهدى شوي

قام مبارك وتوضأوصلى ركعتين بعدين حاول يرقد بس وين يرقد وذكراها ماتفارقه ورجع هذاك اليوم كان بروح ياخذ اخته وضحه تشتري حق نفسها فستان عشان ملكتها على ولد عمها حمدان

مبارك :يالله وضحه بسرعه خلصينا أنا مواعد الربع ومابي أتاخر عليهم يلا
وضحه:انزين يايه حشى بذلنا على السيره

وركبو السياره وفي طريقهم يرن تلفون مبارك



مبارك:ألووووووووووووو

حمدان:خيبه بلاك جي ترد على التلفون دخلت داخل اذنيه

مبارك:هيه شو عليك انت تتزوج وأنا أبتلج بالروحا ت واليايات

حمدان:الحين هاذا الي مضايق بك الحين بي وباخذها فديتها وين ماتبي ولا مذلت بعض الناس
مبارك :تعال جان تبيني أقص ريولك ياخذها اهو
حمدان :شوفيها ترى بتصير حرمتي
مبارك:يوم بتصير حرمتك ذيك الساعه يصير خير .
حمدان : أففففففففف صج انك راعي مذله بس تدري مردوده الموضوع الي تبني أتوسط لك فيه لا تحلم فيه لأن بخرب عليك الموضوع زين وبنشوف منوو بذل الثاني زيييين خخخخخخخخخخ
مبارك ويبي يعصب في حمدان: أقول انت داق تبي شي والا بس تبي تهذرب ياحبك للرمسه صاير لي مثل الحريم. وعلى الموضوووووع عااااااااااااااادي عندي مية واسطه غيرك خخخخخخخ


حمدان:أأأأأأأأأأأأأأاخ ويهي بس تدري مو منك من الي يسأل عليك يالله مع السلامه
مبارك:خخخخخخخخخخخخخخخخ هههههههههههاي أونه زعل اصبر لا تسكر
حمدان :نعم شوتبا
وضحه :حرام عليك مبارك
مبارك:أونه مايهون عليها

حمدان بصوت خفيف: فديت هالصوت ياربي

مبارك:نعم شو قلت
حمدان ويسوي عمره معصب :شو ماقلت شي . يالله مع السلامه ولا تفكر ادق على هالرقم مره ثانيه ......... ورقع التلفون في ويهه
مبارك:ههههههههه شوف الهرم رقع التلفون بويهي من صدقه زعل
وضحه :مبارك صراحه انته زودتها

مبارك:يالله يات ا لمحامي .....(طول اهالوقت مبارك وضحه في السوق) يالله خلصتي نقيتي فستان بنروح
وضحه:هيه خلصت نقيته بس شوي طلع واسع وبخليه عندهم عسب يضبطونه يالله نروووووح
في السياره وهم في الطريق مرت عليهم سياره فيها اثنين من ربع مبارك وقاعدين يستفزونه يبونه يسابقهم بس هو مب قادر لأن وضحه معاه بعدين ما قدر قال شويه بس عسب أوريهم انهم مايقدرون عليه سرع مبارك بالسياره وضحه تترجاه انه يخليهم يولووووووون وتترجاه يخفف السرعه
وضحه:مبارك انت شوناوي تذبحنا
يرن موبايل مبارك ويرد ويحطيه على الاسبيكر
مبارك :ألوو وين الزعلان والي مايبيني أكلمه
حمدان :كسرت خاطري وماتهون ن علي أشوفك تبكي وترجاني أكلمك
مبارك:ههه روح لاااا .........يالله خلصني مشغول أنا
حمدان:ردينا ........ عنلاتك .هذا كله بسبة قلبي الي ذالني عليك

مبارك:ايه .حووووووووووووووه وين تبا أنا مب مرتك هههههههههههه
حمدان:هههههههههههههه سخيف

مبارك:بس مب....................
وضحه مباارك خلهم يولوووووووووووووووون بتذبحنا
حمدان /:بلاها وضحه .....لا يكون قاعد تسابق حد كالعاده
مبارك :ماعليك منها هذه خوافه الحين بسبقهم
حمدان بعصبيه:مبارك يووووووز عن السخافه ودر عنك هالمسبل الي تسابقهم انت مو بروحك في السياره
مبارك:هيه هنيه العوووق مب خايف علي بس يالله سكر وخلني أركز
حمدان :مبااااااارك
وضحه :مباااااااااااااااار انتبه أأأأأأأأأأأأأأأأأأأأأأأأأأأأأأأأأأ
وطلع في ويهه شاحنه ويحاول انه يتفاداها أو انه يلزم بر يك بس مب قادر ودعم الشاحنه ...........فز مبارك من نووووووووووومه وظل يبكي مثل الياهل ...انفتح باب الحجره بالقوه وصد مبارك يشوف من الي دخل

أم مبارك :يمه شفيك مبارك ليش تصيح حد صابه شي قوووووووووووووول

مبارك يطيح في حظن أمه ويرد يبكي بقوه ويصرخ
مبارك : يمه أنا الي ذبحتها أنا ذبحتها ما ابغي أعيش أبغي أمووووووووووووووت يمه أبي أرتااااااااااح

أم مبارك والدموع في عينها ومتحسره على حال ولدها: يمه بسم الله عليك شوياب هالشي على بالك الحين .الي صار الله مقدرنه وانت ماكنت غير سبب

مبارك:يمه كيف تبيني أنسى وأنا الي خليتج تترملين وعيالج يصرون يتامى .أنا الي خليت أبوي يموت بحسرته على بنته.................

ام مبارك: خلاص يمه قطعت قلبي خلاص قوم تمسح وروح صلى الفجر أذن مساع قوووووم

قعد مبارك يمسح دموعه وباس راس أمه وقعد متلوم لان ذكر أمه بأبوه و وضحه الي كانت عادتنه شرات بنتها................

------------------------
خالد:ريم شخبار خالتي ما اشوفها تيي بيتنا نفس قبل

ريم بخاطرها شخبار خالتي ولا بنتها : بخير الحمدللله اهي تيي بس انت كله بره

خالد شو أقولها هاي أنا أبغي أعرف أخبار نواري بس الحين كيف :وووبنات خالتي مايون هني

نوره أأاااه منك يبي يعرف أخبارها بأي شكل هذا وانت ماتدري انها متخبله عليك بعد:لا لأن نوره تذاكر للامتحانات ولولو ماتبي تيي بروحها

خالد بصوت واطي:هيه فديتها

نوره :نعم شوقلت
خالد:أأأأأأأأا ماقلت شي أنا .........وانت شو مقعدج عند التلفزيون قومي ذاكري أحسن لج

ريم: اليوم خميس ماخذه بريك أنا
خالد: عنبوج الناس تاخذ بريك ساعه وانت ماخذه يوم كامل .ياللا ياللا قووووومي ذاكري أونه بريك قالت

ريم:خلود مايخصني أبا أريح اليوم مالي بارض على الدراسه
خالد:نعم شو قلتي خلود أصغر عيالج أنا والا ألعب معاج في السكه ياللا قومي أشووف عطيتج ويه أنا قمتي ااطيحي الميانه


الجزء الثـــــــــاني
قامت ريم واهي مبوزه مبعد الي هزبه الي ياتهامن خالد بس وقفت على الدري تترياه يطلع لأنها تعرف انه مابتم في البيت وفعلا شوي وطلع وردت ريم تركض لا تفوتها الحلقه الي طالعه بالتلفزيون

وشوي يرجع خالد ومعاه سيف لأنه وهو طالع قابله على الباب ودخله في الصاله لأنه مب غريب ولأنه متأكد ان الصاله فاضيه
خالد:ادخل سيف بلاك مستحي
سيف:ياخي كان قعدنا بالميلس أحس غير
خالد:ادخل ادخل أونه غير عن المصاخه انت مب غريب
يدخل سيف قدامه ويشوف شما الي تفاجأت وطارت طيران لفووق
خالد قفط هاي شلي مقعدنها الحين أنا هازبنها وقايلها تروح تذاكر ياهي فشله

وتموساكتين مب عارفين شو يقولون خالد من القفطه وسيف منصدم من الي شافه

ويقطع خالد الصمت الي مبينهم ويقول حق سيف:شرايك نروح نتمشى
انتبه سيف:هاااا هييه يالله أحسن بعد
شما قاعده ترتجف من الخوف ومنصدمه : ياوييييلي الحين خالد بيذبحني ياربي شو أسوي
لا وقاعده بلا وقايه وماخذه راحتي وشهقت كانها تذكرت شي ياويلي سيف شافني جي ياربي اليوم مبطالعه من الحجره اليوم وتمت تلوم في عمرها.بس أكثر شي فرحها اهي انه أخيرا شافت خالد الي كانت متولهه عليه

(خالد أكبر واحد من أخوانه وهو بعده يدرس في الجامعه أخر سنه ليه وهو قد سيف وهم ورا بعض من يوم صغار مايتفارقون وبعده اتي ريم وهي قد نوره وتحب سيف من يوم كانو صغار وبعدها هند وهي قد لولوه وبصفها وبعدها أي التووم حمد وراشد وعمرهم خمس سنوات ........

-------------------------
لولوه:نصووور يالله خلني ألعب يالجذاب
ناصر:روحي لاا مايخصني أنا قلت لج لما أقيمها بعطيج مو الحين .ويلا روحي خليني أركز على اللعبه

لولوه والله بقول حق أمايه انك مارحت تصلي اذا ماعطيتني ألعب وبتشوف حتى مبار.........وسكتت لما تذكرت ان مبارك للحين مايكلمها بسبت درجاتها ولأنها اكذبت وانتبه عليها ناصر
ناصر :بلاج صخيتي مره وحد .خلاص ماله داعي تقولين حق أمي يالله خذي الجير وبنشوف لعبج على هالحشره .تمت لولو ساكته وسرحانه ومب منتبه حق ناصر .....دزها ناصر لولو:أأأأأأأأأأخ شووووووو ليش دز
ناصر: صار لي ساعه أكلمج وأقو لج لعبي وانتي سرحانه
لولو:خلاص مابي ألعب بروح حجرتي أحسن
ناصر :بلاج لولوه ليش زعلانه لأني ماخليتج تلعبين تراني قاعد أقولج تعالي لعبي
لولوهوالدموع في عينها:لا مب زعلانه منك بس خلاص مابي ألعب
ناصر: لا انتي فيج شي

لولوه: خلاص نصور قلتلك مافيني شي .وركضت تبي تطلع وهي تركض وتبكي دعمت حد وطاحت شافت ايد تنمد لها ولما طالعت شافت مبارك فويها فخافت مبارك لما شافها تبكي خاف
مبارك:لولوه بلاج شصاير ليش تبكين
لولوه تمت ساكته ودموعها تطيح على خدها .مبارك قام يمسح دموعها وخذها وقعدها عليه وتم يسألها لين بالاخير تكلمت
لولوه : مبارك سامحني والله مره ثانيه بذاكر زين وما بكذب بس سامحني وارجع كلمني مثل أول
مبارك حس انه قسى عليها وايد خذها ولوى عليها
مبارك:حبيبتي لوله أنا ما سويت جي الا لأن خايف عليج وأحبج وأبغيج تطلعين من الأوائل والحين يالله روحي غسلي ويهج وما أبغي أشوف دموعج مره ثانيه تراه غاليات علي

وابتسمت لولوه وباست مبارك على خده
لولوه تعتبر مبارك مثل أبوها وماتحب تزعله في الثلاث السنين من بعد ما مات أبوها تعلقت بمبارك بشكل فضيع

--------------------------

اليد:شمااااااااا .شمووووووووووووووه وين راحت ينتج ماتسمعني أناديها
أم حمدان:بعدها مايت في الكليه

اليد:شو وانت شعنه مهيته بنتج مخلتنها في هالكليه

أم حمدان :عمي شوو مهيتتنها هي رايحه تدرس ما تلعب

اليد :انا مادري ليش تخلينها تدرس بدال ماتعلمينها تطبخ على الاقل شغله تنفعها

دخلت شما في هالوقت وسلمت وراحت تبوس يدها على راسه وامها بعد
اليد:شمووه شعنه تروحين تدرسين ليش ماتقعدين وتتعلمين الطباخ
ام حمدان:ويديه عمي البنيه توها داخله خلها تروح تريح وتبدل وتنزل تتغدى .يالله يابنيتي روحي وانا يوم بنزهب الغدى بناديج

شما:اسمحلي يدي .....برب(بروح وبرجع).........وبنكمل كلامنا

اليد:شووو برب بعد هاي يا هالجيل هذا حتى اللغه خربوها
راحت شما قبل مايدى يدهامحاضره ثانيه عن اللغه وراحت حجرتها وشوي ياتها البشكاره تقولها غدى قالت ليها انها ماتبا لأنها تعبانه وبتنام .وفعلا هي كانت تعبانه بس مب من الكليه من التفكير لأنها البارحه لما صلت استخاره ماقدرت اتنام من التفكير غير ساعتين بس لما قامت حست براحه من القرار الي بتاخذه ولو انه هالقرار ضد رغبة قلبها وشوي سمعت حد يدق الباب فقالت فخاطرها أكيد هاي كماري تبيني أتغدى :كماااري روحبي ما أبغي غدى بر.......يدخل حمدان أخوها

حمدان :السلام عليكم

شما وهي تعتدل في قعدتها :وعليكم السلام

حمدان :ليش مانزلتي تتغدين الخدامه تقول انج ماتبين
شما مستغربه :وانت من متى تهتم

ليش تقولين جي كل هذا عسب الي ياي يتزوجج أنا أب ي مصلحتج
شما :انت تدري وين مصلحتي ومرتيطه بمنوو
حمدان :خلاص انتهينا من هالشي ....وبتتزوجين عبد الرحمن ولد خالتج غصب عنج
شما :على العموم أنا كنت موافقه قبل ماتي حضرتك وكنت بقول حق أمايه .وبليز حمدان أنا يايه تعبانه وأبغي أرتاح

طلع حمدان من عند شما وهو مفول على الاخر وراح حجرته ومانزل يتغدى هو بعد لان نفسه انسدت

وقعد يتذكر اليوم المشئوم والي كانت أخر مره يشوف فيها مبارك ................

الجزء السادس

والله مايسوى أعيش الدنيا دونك

لا ولا تسوى حياتي بهالوجود

دامك انته رحلت كيف أبا أصبر

على البعااااااااااااااااااااااد

حمدان من بعد ماسمع صوت وضحه وهي تزعق تم ينادي

مبارك بس محد يرد عليه وشوي انغلق تلفون مبارك تم

حمدان يفكر ومب عارف شو يسوي أو وين يروووووح

يبي يطمن عليهم طلع من البيت مب عارف وين يروح

يخاف يتصل بيت عمه ويخرعهم وشوي يرن التلفوون ويشوف رقم مبارك ارتاح ورد عليه
حمدان:مبااااارك يااا.......

.......:أخوي أنا مب مبارك ....

حمدان:انت منوو وين مبارك

.............:أنا الضابط .أخوك أو مادري شو يصير لك سوى

حادث وهو في مستشفى.......

حمدان:شووووووووو ووووووووو .... نص ساعه وأنا
عندكم

يوصل حمدان المستشفى وقلبه قابضنه حاس انه بيخسر واحد

منهم .شاف الضابط واقف وحوليه واحد قاعد على الكرسي

وايده مجبسه وراسه مربوووط وقاعد يبكي والضابط يهديه

اقترب حمدان وشاف انه مبارك هو الي قاعد يبكي انقبض قلبه وحاول يبعد الافكار والوساوس من باله

حمدان : مبارك .ويييييييييين وضحه

مبارك يصد على حمدان ويه مليان دموع بعدين نزل راسه وماقدر يرد على حمدان شوو يقوووله قتلت أختي قتلت حبك

زعق حمدان:مباارك رد علي وين وضحه


الضابط:هدي أخوووي ...البقيه في حياتك البنت الي كانت وياه عطتك عمرها


حمدان تم صاد على الضابط ومصدوم من الي اسمعه:انت جذااب مبارك رد عليه وقووله انه جذااب مباااارك

مبارك
وهو يبكي:ايييييييييييه مااااااااااتت مااتت وأنا الي ذبحتها.......... ذبحتهاااااااااااااااأأأأأأأأأأأأأأاه .وما قدر يكمل



حمدان ومب قادر يحبس دموعه:انته شووووو تقوووووووول..........وضحه لالالاااااااااااااااااااا ويصفع مبارك طراق ويلحقها بواحد ثاني بس مسكه الضابط وبعده عن مبارك ليذبحه

حمدان :انته واحد حقير مستهتر ذبحتها وذبحتني معاها .....أأأأأأأأأه ياوضحه...........وقعد على الارض وتم ماسك راسه ويصيح
مبارك:اذبحني ياحمدان .أنا أستاهل .اذبحني وريحني

حمدان زعق فيه: جب ولا كلمه لو يكفيني ذبحك جان ذبحتك بس من اليوم ورايح لا أنا أعرفك ولا انته تعرفني زيييينن


وشوي ايو أهل مبارك من بعد ما اتصل حقهم الضابط بس

ماقالوهم عن وضحه وأول ماشافو مبارك وحمدان يبكون جي عرفو ان وضحه صابها شي

أبو مبارك: وين وضحه .مبارك . حمدان ردو علي وينهاا

تم بارك منزل راسه أما حمدا ن خلاهم وطلع .الضابط قال

لهم انه وضحه توفت .طاح أبو مبارك من أول ماسمع الخبر

ياته جلطه بس عدت على خير لكنه تم في غيبوبه كم يوم وقام منها بعدين مرو يومين وتوفى أبو مبارك ماقدر يستحمل

فراق بنته الوحيده من زوجته الاولى( الي يابتها من بعد ماتزوج أم مبارك ويابت مبارك.أم وضحه فيها القلب وماتقدر على الحمال عسب جي أصرت على أبو مبارك انه يتزوج بس بعدين حملت ويابت وضحه وتوفت)


حمدان وهو طالع من المستشفى ما عرف وين يرووح وقعد

يتذكر كل المواقف الي مرة وياه مع وضحه وتذكر هذاك

اليوم لما كان ياي لين مبارك البيت وقال بسلم على عمه

ومرت عمه وشوي يشوف وضحه قدامه بلا وقايه وشاله

المدخن بايدها ورايحه الميلس ادخنه تفاجئت بحمدان ووتمت

واقفه بعدين انتبهت لعمرها وركضت كانت هذه ثاني مره

يشوفها فيها ومواقف وايده مرت عليهم وتذكر يوم خطوبته على وضحه
وصل حمدان للبحر ونزل راح لها يشكيله همه
ياويلي يا من زاد بالهم
يبات ليله بحسراتي
بايت سهير والليل خيم
والعين تذرف بعبراتي
حب الحبيب سمني سم
يا احمد العمر باتي
محلاه لي منا تبسم
حلو المحياوالصفاتي
وأنا بحبه صرت ملزم
وون ونات المماتي

في بيت مبارك

سيف كان مجافيه النوم ويفكر بريم الي شافها صدق اسم

على مسمى كان قاعد يقولهافنفسه تم يضحك لما تذكر شكلها

يوم كانت صغيره وكانو يسموها ام عقصين يالله يالزمن

شوف كيف حلوت سمع أذان الفجر يأذن قام يصلي في المسيد ورد سيده رقد من التعب


الصبح أم مبارك كانت تتكلم مع أم سلطان في التلفون (صلتهم مع بعض ما انقطعت من بعد الي صار لأنه محد كان يدري انه مبارك كان يبي شما غير حمدان وشما )

أم مبارك :مبرووووووووووووووووووك والله فرحت لج تستاهل
أم سلطان :الله يبارك فيج ياوخيتي عاد أنا متصله أعزمج تين يوم الخميس للخطوبه

أم مبارك:بشوف سيف اذا يقدر يبني عندكم
أم سلطان :ومبارك بعد خبريه حشى من ثلاث سنين مايا بيتنا الا اذا أنا وبو سلطان رحنا عندكم شفناه

أم مبارك:الله يهديهم اهو وحمدان مادري متى يتراضوووون

أم سلطان:خليها على الله . المهم لازم تين

أم مبارك:أكيييد.. ومبروك مره ثانيه .............مع السلامه

مبارك كان ياي لين امه ويبيها ادخنه بيروح لصلاة الجمعه سمع أمه وهي تقول مبروووك
مبارك:خير أمايه أسمعج تباركين
أم مبارك:هيه يمه هذه شما بنت عمك خطوبتها يوم الخميس ومرت عمك تقولك لازم تي حقهم.........وظلت تتكلم ومبارك من أول ما سمع كلمة شما انخطبت حس انه قلبه وقف
..........................مبااااااااااااااارك هاا شوووقلت

مبارك:انتبه:في شووووووووو
أم مبارك:عيل أنا قاعده أكلم روحي من ساعه أقولك بتودينا ولا لا

مبارك:خلي سيف يوديكم.............وخلاها وطلع عنها

أم مبارك:الله يرضى عليك..........وووووووووويه سيف عنلاته للحين ماقام .وراحت لسيف توعيه

مابقى في الكون بعدك ياحبيبي أي شي
ذبلت الازهار وماتت كل فراشات الوجود
مابقى لا حي و ميت انطفى كل نور و ضي
الله يعين الليالي ويعين عشاق الورود
ماتت بعيني البراءه وزادت همومي علي
ليش كل ماقلت هانت زاد وقتي بالجحود
مبارك من بعد ما طلع من البيت قال بروح شوي على البحر

بعدين بروح المسيد ..مستحيل يصير الي سمعته مستحيل شما

تضيع مني (قبل ماتموت وضحه ولما عرفت انه مبارك وشما

يحبون بعض كانت اهي المرسال من بينهم ولما ماتت

انقطعت صلتهم بعض لأن مبارك ماقام يروح بيت عمه بسبب

حمدان الي يكره يشوف مبارك)مبارك حط فباله انه حمدان

غصبها لأنه متأكد من حب شما له وظل يفكر لين أذن الاذان واستغفر ربه وراح يصلي

بيت خالة مبارك
يريم قاعده تكلم نوره وتقولها عن الموقف الي صار لها مع سيف

نوره:هههههههههههههههههه قولي والله هههههههههه اكيد أخوج ذبحج

ريم:يالدبه ليش تضحكين لا اطمني ماذبحني بس شافني بنظره وشوي بيخنقني
نوره:حشى حتى في هالشي بارد لو واحد غيره جان ذبحج

ريم :يالمجرمه تبغينه يذبحني ...بس تدرين أحلى موقف فحياتي صج تفشلت بس أخيرا شفت سيف من قريب أأأه يا قلبي
نوره :اييه بلاج لا تموتين علي ............حضج على الاقل شفتيه مب أنا هالبارد بيذبحني

ريم:ايه انتي هالبارد أخووي ما أسمحلج .ههههههههه بس تدرين في تقدم ما قلتج البارحه شو قاال خخخخ

نوره:هاااا شو بشري

ريم: البارحه قاعد يسألني عن خالتي وقلته زينه وبعدين قال وبنات خالتي عاد انا استغربت قلت خالد يسأل عن بنات خالتي غريبه أحسن انه يبي يسأل عنج بس مايبي يبين لي الاهتمام

نوره: ما أعتقد الي فبالج صح
ريم :مادري بس أكيد بيطيح بلسانه في يوم
نوره بحزن:مادري ..........يالله أخليج مافيني على حشرة أمايه
ريم حست بحزن نوره:أوكي يالله مع السلامه

نوره:مع السلامه

يوم الخميس :

مها قاعده عند شما الي كانت تبكي ومب راضيه تسكت وهي قاعده تهديها وتقولها تسكت عسب مااتشوفها حصه وتحس انه شما ماتبغي أخوها هدت شما شوي
شما:معقوووله أنا بصير حق واحد غير مبارك .مهوي مب قادره أحس اني بموت

مها:فال الله ولا فالج.تعوذي من الشيطان ويالله قومي عدلي نفسج

شوفي عيونج كيف منفخات من الصياح وبعدين اهي خطوبه مب عرس

عسب جي تسوين في عمرج


نشت شما وراحت الحمام في هالوقت دخلت حصه تشوف شما وقالت لها مها انها في الحمام يات شما وخبرتها حصه انه أهلها على وصول
مها:يالله عيل أنا أستأذن بروح البيت

شما:وين مهوي لا تروحين خلج قاعده معاي
مها:شما انتي تدرين بظروفي ماأقدر أتاخر عن البيت أكثر عن جي اتصلي حقي بعدين طمنيني اوكي


الجزء السابع:

يابوي أنا أسهر والملا ارقود

يابوي أنا عفت المنام

يابوي أنا لي قلب مصيود

مصطاب من حلو القوامي

يابوي أنا أشكي ناعم العود

يالي عليه القلب ضامي



علي :أألووووووو ........السلام عليكم

حمدان :وعليكم السلام ...... منو معاي
علي :أفاااااااا ونسيت صوتي بعد

حمدان شاك بالصوت:منو معاي مب متفيج أنا الحين حق الخبال

علي :ههههههههههه حشى حمدان بلاك أنا علي ههههههه

حمدان متلوم: هههه اسمحلي علي والله مب قصدي ماعرفتك ههههه
علي :عندك حق ماتعرفني لا تتصل لا تسأل

حمدان : والله شا سوي تدري مشاغل وطلبات الاهل ماتخلص
علي :شوووو لا يكون تزوجت وماخبرتني
حمدان بحزن:أتزوج لااااااا انت وين رحت فبالك كانت عندنا خطوبة الرضيعه وتدري عاد انته هالمناسات كيف تكون
علي :هههههههههه على بالي بعد خونت فيني وتزوجت من دون ماتقولي يالله مبروكين الفال لك

حمدان :هههههههه لا
علي :المهم أبغي أشوفك أناا
حمدان: وأنا بعد أنا رايح المول الحين شورايك تنتقابل هناك

علي :صار خلاص دقايق وبكون هناك
حمدان :يالله عيل فمان الله
علي :فمان الكريم
وصل حمدان المول وراح الكوفي ودقايق وصل علي .............
علي :هلا حمدان مابغينا نتشاوف يالقاطع
حمدان :ههههههههه لا تبدا مره ثانيه

علي :ههههههه أوكي المهم شخبارك وأخبار الطبجه مبارك هههههههه

حمدان هنيه تغيرت ملامح ويه وتم ساكت مارد على سؤال علي

علي اختفت ابتسامته لما شاف ويه حمدان:حمدان بلاك مبارك صار فيه شي قولي
حمدان بضيق:علي بليز غير الموضوع

علي :لا مابغير الموضوع والحين تقولي بلاه مبارك وليش ماتبي تتكلم عنه

حمدان:علي .............

علي:بلا علي بلا بطيخ الحين تقولي شصاير..أفا تغيرنا وقمت تخبي علي الي يضايقك

حمدان تلوم وحس انه ضايق في علي وقال في نفسه ليش ما أقوله ............وقاله كل الي صار من ثلاث سنين

على تم صاد على حمدان مصدووووم ومب صدق الي قاعد يسمعه:بس يا حمدان الي صار قضاء وقدر مبارك صج كان غلطان لما تهور وسابقهم بس هذا مايعني انك تقطع علاقتك معاه هذا بدال لا تواسيه وتوقف معاه من بعد مامات أبووه وأخته تسوي جي


حمدان:انت شو قاعد تقول أوقف معاه أواسيه مب ناقص الا تقولي أخذه في الاحظان وأصفق له على الي سواه

علي:مهما ان كان هذه الي ماتت أخته وأظنك مابتكون حزين عليها أكثر منه
حمدان:علي أرجوك غير السالفه
علي :عنيييييد وراسك يابس ... أنا بسكت عن السالفه الحين
بس لنا كلام ثاني زييين



مها:بس يا شما قطعتي قلب وانتي تصحين

شما:مب قادره كل ما أتذكر اني راح أصير لواحدغير مبارك أحس اني بأختنق والي بموتني ان الملجه بعد اسبوعين

مها:شماانتي لما استخرتي مب ارتاحتي لها الشي وافقت بارادتج
شما:مادري يامها مادري انا الحين مب متأكده من شي
أحس اني تايهه

مها:أقول شما أنا بسكر أشوف امي طالعني بنص عين أخليج ونكمل كلامنا مره ثانيه بس انتي لا ضايقي فنفسج وروحي صلي ركعتين وأقري قران وان شاء بتكونين أحسن ... يالله مع السلامه
شما:مع السلامه
وقامت شما وسوت كل الي قالت لها مها عنه وفعلا صارت أحسن وراحت عنها الضيجه وكانت بترقد لين سمعت الباب يدق
شما:تفضل
حصه:ويه شكلج بترقدين خلاص خليها مره ثانيه
شما:لا حصه تعالي أصلا مافيني رقاد بس قلت بقص على عمري يمكن اييني رقاد
حصه:تدرين شويايبت لج ههههههههه
شما باستغراب :شوووووووووووووو
حصه طلعت ايدها من ورى ظهرها وكانت يابه ظرف:هذا من عند أخوي
شما :شوهاااااااا
حصه:ههههه صورته أونه يقول في الخطوبه لما دخل عليج يشوفج ماصديت عليه تشوفينه لانج مستحيه فقال ييب الصورصح انج شايفته بس وين من كبرت ماقمتي تطلعين قدامهم

شما بكل برود:هييييييييه وخذتهم وحطتهم عدالها

حصه: مابتشوفينها؟؟!!!!!!!!!!

شما:امبلا بس بعدين
حصه:هيه مستحيه ياحليلج ياشمااا بتعرسين وبتروحين عنا
راح أتوله عليج
شما: يعني أنا وين بروح الا بيتكم بيت خالتي
حصه: بعد بتكونين بعيد عنا
شما:الله كريم

حصه:يالله أخليج أسمع صوت سلطان الظاهر انه يا ء من برى
شما:أوكي تصبحين على خير
حصه: وانتي من أهله
وطلعت وسكرت الباب وراها..................
في اليوم الثاني نزلت شما تحت عشان تتريق اليوم محاضرتها الساعه 12 والحين الساعه 10 ماتدري شوالي مقومنها من وقت شافت يدها وأمها وحصه قاعدين اليد يشرب قهوه وياكل ارطب والام قاعده تسولف ويا حصه وتسألها عن أهله
شما:السلام عليكم
الجميع:وعليكم السلام

أم سلطان:شما يمه روحي المطبخ أنا مخليه الخدامه تخلي لج ريوق

اليد:شما وانت اشعنه مارحتي هاذي مالتج الي تروحين تدرسين فيها كل يوم راقده لين الحين

شما:يدي ماعندي محاظرات محاظرتي تبدأالساعه 12
اليد:وشو هاذي بعد محارظه
شما:ههههههههههه يدي محاظره مب محارظه هههههههههه
يعني الدرس
اليد:مسودة الويه ليش تضحكين كان قلتي من البديه درس وأنا بفهم قاعدتلي محارظه ومادري وشو

راحت شما صوب المطبخ وهي تضحك على يدها ويابت ريوقها ويلست عدالهم تتريق
اليد:أم سلطان مسود الويه مبارك ليش مايا الخطوبه محد قاله شوو
هنيه غصت شما بلقمه من يابو طاري مبارك .يا مبارك هذا كل ماحاولت تنساه مع انه هالشي مستحيل يردون يذكرونها

ام سلطان :بسم الله عليج بنيتي شربي ماي

شربت شما الماي وارتاحت........

أم سلطان: مادري والله ياعمي أنا قلت لأمه تقوله بس مادري ليش مايا
اليد:سيف أصغر عنه وعرف الواجب ويا وهو اشعنه مايي أنا أخر مره شايفه من 8 شهور لما رحت معاكم
ام سلطان :والله ماأدري شوأقولك
كل هذا يصير وشما تتقطع من داخل وهي تسمع طاري مبارك......... يعني درى بخطوبتي .كيف مابيدري هذا شي مايتخبى .........ياويلي عليك يا مبارك ..وقامت عن الريوق وتمت تفكر بمبارك وكيف متولهه عليه وعلى شوفته..


أنا ليش ضعيف جي ليش ما واجهت حمدان ليش خليت شما تضيع من ايدي ليــــــــــــــــــش

تبي تعرف ليش احساسك بالذنب هوالي خلاك ضعيف احساسك بانك انته السبب بموت أختك هوالي خلاك جي انسان ضعيف مهزوووووز ..صراع يدور فبال مبارك كان يسأل ويجاوب على عمره .تنهدأأأأأأأأأأأأأأأأأأأأأأااه ياحمدان كنت الصديق الوحيد الي ألجاله لما تضيق فيني الدنيا .. ليش ابتعدت عني وخليتني في هالدنيا تايه أنا أدري انك عندك حق تكرهني لان تسببت بقتل حبك بس والله اني ندمت ندمت ياحمدان أدري اني ماراح يفيدك ندمي ولا راح يرجع الي راح بس أرجوووووووك لا تقتل حبنا أنا وشما أرجوووووووووووووووك .......رساله كانت ادور فبال مبارك ويبي يوصلها حق حمدان

طق طق طق طق
مبارك :تفضل
لولوه:السلام عليكم ..... وطت راسها كأنها مستحيه..........

مبارك بابتسامه حزينه:وعليكم السلام هلا هلا بالولو .ها حبيبتي تبين شي

لولوه:ههه ههههههه لا أنا مابي شي بس..........أول قول انك ماراح تقوله

مبارك :ماراح أقول لمنوووووووو.؟؟؟؟؟؟؟؟؟!!!!!!! شوالسالفه؟؟!!

لولوه:ماراح تقول حق ناصر اني أنا قلت لك انه هو مطرشني

مبارك:هههههههههه ول خلاص مب قايل .......ياالله قوليلي شو السالفه

لولوه:ناصر يبي يروح بيت عمي لأن من زمان ماراح هناكي يبي يزور هزاع . بس أنا أدري ليش يبي يروح يبي يتحوط في العين .ها شو قلت هو مطرشني لأن يدري انك ماراح ترفض لي طلب وانت طبعا ماراح ترفض

مبارك من أول مايبت لولوه طاري بيت عمه سرح وراح لعالم بعيد

لولوه :ها مبارك شو قلت ...........مبارك.......
مبارك:شووووووووو
لولوه:شوأقول حق ناصر بتودينا ولا لا

مبارك قعد يفكر الحين أنا ياتني الفرصه ليش ما أستغلها وأواجه حمدان و أحاول أصلح الي من بينا ..........بس أخااااف.......لالا ماراح أخاف لازم أواجهه

لولوه:أووووووووووووووف مباااااااااارك شووقلت

مبارك مسك لولوه من أذنها :أنا كم مره قايل حقج لا تقولين أأوف انتي ماتسمعين الكلام
لولوه:أأأأأأأأأأأااه انزين خلاص ماراح أقووول بس يعووووور
خوز مبارك ايده عنها وتم يضحك عليها بالرغم من خوفه وتوتره من الشي الي راح يسويه :يالله روحي قولي حق ناصر يتزهب باجرمن روح
لولوه: واناااااااااااااااا
مبارك يبي يلعوز في لولوه :انتي شووووووووو
لولوه بحزن :بروح معاكم

مبارك:لالا ماشي قعدي هنيه ويا أمايه ونوره

لولوه شوي وبتبكي : مبارك حرام عليك أبروح معاكم
بعدين أمايه بيونها حريم وبتقعد معاهم ونوروه بتقعد تذاكر وأنا ورى منو أقعد .......يالله مبارك خلني أروح معاكم

مبارك:هههههههههه خلاص بتروحين لا تفتحين الونان مالتج يالحنانه ههههههههه

لولوه :والله بروح معاكم هههههههه برووووح أقول حق ناصر مشكوور مبارك ...... وراحت لولوه تركض تبشر ناصر.........نصووور نصووووووووووور

ناصر:هاها شووو بشري
لولوه: أول شي عطني الجيم بوي مثل ما اتفقنا

ناصر: يعني وافق
لولوه :أكيد وافق أناما أقولك انه مايرفضلي طلب يالله عطني

ناصر: شو أعطيج يالله جلبي ويهج زين ههههههه أعطيها قال ههههههه
لولوه : يالجذاب .. بروح حق مبارك وبخليه يكنسل السيره وانت تعرف قدراتي ... مشت لولوه تبي تروح لمبارك

ناصر:تعالي زين خذي ...أوووف مذله
لولوه وهي تاخذ اللعبه:نعم شقلت
ناصر: شوو .قلت الله يخلي أختي حبيبتي ولا يحرمني منها

لولوه :أميـــــــــــــن........هيه علبالي قلت شي ثاني

مبارك قال حق أمه انه بسير بيت عمه وبياخذ ناصر ولولوه معاه وفرحت أمه لها الخبر .. سأل سيف كان بسير وياه بس هو قال انه هذاك الاسبوع رايح ومافيه وبعدين هو مواعد شباب بس استغرب على قرار مبارك بروحته لبيت عمه في اليوم الثاني الصبح الساعه 10تزهب مبارك ونزل تحت شاف ناصر ولولوه متزهبين وقاعدين يتريونه خذاهم وراحو صوب بيت عمهم في العين وصلو بيت عمهم وكان اليد وأم وأبوسلطان وسلطان ومرته وبنتهم قاعدين برى دق مبارك الباب وكان مفتوح قعد يهود

مبارك:هود .هووووووود

سلطان راح يششوف منو ها شاف انه مبارك دخله ودخلو وياه ناصر ولوه نشت حصه وخلت بنتها عند يدتها وراحت داخل .مبارك ياء ودخل وسلم على يده وعمه ومرة عمه والكل صاد عليه ومستغرب ومتفاجئ منه
اليد :هلا بولد ي مبارك والله اني متوله عليك ومن كم يوم قاعد أسألهم عنك

مبارك: تولهت عليك العافيه يدي .عاد اسمحولي اني قطعتكم كل هالمده .بس انتو عارفين الضروف

اليد:أي ضروف هاي الي تقطع عن أهلك وناسك...مسود الويه اشعنه مايت خطبة بنت عمك

صد مبارك على يده بحزن :لا يدي .......مب عارف كيف يبرر موقفه رد بيكمل كلامه على يده

...............:السلام عليكم


شو توقعاتكم بتصلح الي من بين مبارك وحمدان
ومنو الي كان داخل عليهم...........


الجزء الثامن :

ولا تزعل ولا تتعب شعورك

ولا تاخذ على خاطرك مني


الكل التفت على جهة الصوت وردوا :السلام عليكم
لدقيقه مبارك حس انه قلبه وقف ومعاد ينبض .......معقوله
أنا أكيد قاعد أحلم ليتني بس ما أصحى من هالحلم

تمت واقفه مكانها ومب قادره تتحرك معقوله من بعد هالسنسن الي مرت ترجع تشوفه وين في بيتهم يمكن من زود ما متولهه عليه قمت اشوفها في كل مكان وفي كل شخص أشوفه..........أاااااااااه مبااااارك ودي أقولها بأعلى صوتي بس أخاف تتختفي صورتك من جدامي
أم سلطان : تعالي شما بلاج واقفه بعيد تعالي سلمي على عيال عمج

اليد:تعالي .....مافي حد غريب

تقربت شما ......... وفي خاطرها يدور صراع ..يدي ..أمايه انتو شو تقولون هذا حلم مب صج مبارك مب هني


مبارك تشجع:شحالج شما

وشما والدموع بدت تتجمع في عينها يعني صج الي قاعده أشوفه وردت بصوت واطي :بخير شحالك انته

مبارك :تمام.....وبخاطره بشوفتج ردتلي حياتي
شما ارتبكت وزاد توترها ومب عارفه شو تسوي أوتقول .انتبهت لوجود لولوه وناصر
شما: شخبارج لولوه وينج من زمان مايتينا ولا ماتولهتي علي
لولوه:أخيييييييرا مابغيتي تسلمين علي ....... والله اني يايه مخصوص عشانج مشتاقت لج حيل

شما بابتسامه حزينه: يالله عيل ورانا قعده طويله تسولفين لي فيها عن أخبارج.......أوه ناصر هنيه بعد شخبارك


ناصر نزل راسه مستحي: الحمدلله

لولوه:هههههه طاع نصور شقا ويها صار

شما:ههههه لولوه عيب.. ناصر أكيد ياي لهزاع

ناصر: هيه وينه

شما :مادري عنه مايقعد في البيت

كل هذا يصير وعيون مبارك ما فارقت شما ..............وشماحاسه فيها متولهه عليه تبي تقعد وفي نفس الوقت تبي تهرب من عيونه عسب محد يلاحظ من أهلها نظراته ليها ..خذت لولوه وراحت فوق لين موعد الغدا

الكل مترقب لحظة وصول حمدان .بس حمدان تأخر وبعدين اتصل وقالهم انه واحد من ربعه اعزمه على الغدا

ارتاح مبارك ان المواجهه من بينه ومبين حمدان راح تتأجل شوي ...........شما الافكار تاخذها وتوديها ..مبارك شلي يابك في هالوقت بالذات لما انخطبت وصرت لغيرك .لما بديت أحاول أنساك وأتعود على فكرة اني أكون لغيرك
ليش تأخرت في قرارك ليـــــــــــــــــــــش

لولوه:شماااااااااااااااااااااااااا ........ حشى انتي ومبارك شصايبكم كله تسرحون لما أكلمكم



شما: ههههههه سوري لولوه مب قصدي بس شوي بالي مشغوووول الا ماقلتيلي ليش مايت نواري معاج

لولوه نواري عندها امتحانات ثانويه عامه والا نسيتي

شما: هيه صح الله يوفقها . وانتي شو سويتي في الدراسه أكيد طالعه الاولى


لولوه: ههههههههههه ضحكتيني .أدري انج تطنزين علي

شما: لا ما اطنز عليج ليش تقولين جي

لولوه: انا صار لي دور ثاني ونجحت خخخخخخخخخ

شما:وتضحكين بعد وانتي ليش ماتنتبهين حق دراستج شوفي أختج نواري ما شاء الله عليها كله من الاوائل

لولوه: هاذيك نواري مب أنا ..هذيك ايجبشن تاكل الكتيب أكال

شما: قولي لااله الا الله لا تحسدينها وانتي شقاصرج تصرين مثلها

لولوه : ياربي صج انتي ومبارك........تخبلون بالواحد بهالمحاظرات ..........ياخي ليش انخطبتي كان زنيت على مبارك ياخذج تناسبون بعض والله... أووف خساره

شما انتي تقولين خساره أأأأأأأأاااه عيل أنا شوو أقووول أخ يالوولوه دستي على الجرح وخليتيه ينزف وشوي دموعها كانت تهدد بانها تنزل

لولوه :بلاج شما أنا قلت شي أزعجج
شما انتبههت لنفسها :لا حبيبتي ما قلتي شي يالله خلنا ننزل نتغدى بموت يوع

نزلوا وتغدو ..... وراحو يرقدون ليما العصر ................مبارك راح الميلس وسلطان استأذن منه عسب يروح يرتاح وقاله انه البيت بيته أذن العصر وراح مبارك يصلي ورجع الميلس يتريا لولوه تنزل لأنه واعدنها يطلعها ويمشيها في العين
انفتح باب الميلس والشخص الي دخل تم واقف على الباب منصدم..ودخل من وراه شخص ثاني من بعد ما شافه واقف بهالشكل


مبارك بتوتر .......:أش..أشحالك حم....حمدان

حمدان تم واقف وبعدين بغى يطلع ....مسكه الشخص الي كان معاه

...........:مبارك شخبارك وينك من زمان ماشفتك ...وهو بعده ماسك على ايد حمدان الي قاعد يقاومه ويبيه يهد ايده

مبارك وهو عاقد حياته متفاجئ: علي ...........ويقترب عشان ايوايه والاقتراب خلاه يتوتر زياده . شحالك علي

علي : الحمدلله تمام انته الي شخبارك وهو يعاين حمدان بنص عين

مبارك : تمام
علي: انزين ليش احنا واقفين يالله قعدوا خلونا نرجع أيام أول

حمدان : مستحيل ترجع أيام أول الي راح عمره مايرجع ....هذا أول شي قاله من بعد ماكان ساكت.........للحظه حمدان حن لأيامه مع مبارك بس لما تذكر وضحه تجمدت ملامح ويه ورجع الكره لمبارك

علي :ان شاء الله ترجع واحنا الي بيدنا انرجعها

حمدان بانفعال: تقدر ترجع الميت قولي تقدر

علي :تعوذ من ابليس حمدان وخلنا نتفاهم
حمدان : على شو نتفاهم .زاسمحلي علي مب قادر اتم في هالمكان بخليك وبتصل حقك بعدين

علي : والله ان طلعت خشمي ماراح يدق خشمك مره ثانيه على الاقل سوالي أنا قدر وايلس

حمدان متلوم : سامحني علي انت تدري اشكثر غالي علي وعشان خاطرك بقعد وبشوف شو نهايتها

علي: حمدان مبارك ياينك ومتعني يبي يتصالح وياك اسمعه شوف شو بقول

..زاد توتر مبارك وفلحظه قرر يتراجع عن الشي الي كان ياي عشانه بس تشجع وقال:
مبارك:لين متى بس ياحمدان بتم تلومني .....انزين صح أنا غلطان بس خسرت أكثر من ما انت خسرت أنا خسرت أبوي وأختي وخسرتك وكمل في خاطره وخسرت أختك حبي سامحني وخلنا ننسى الماضي.........

حمدان بانفعال: شو تبيغيني أنسى .........تبيغيني أنسى الحلم الي بنيناه أنا وضحه وترينا اليوم الي عشان نحقق هالحلم يت انته في لحظه في ثانيه هديته شو تبني أنسى والا أنسى

مبارك:أرجوك حمدان انت قاعد تقطعني بهذا الكلام ..........انا أدري انك لايمكن تنسى وضحه بس تذكر صداقتنا بعد وخل هالشي يغطي على الغلطه والا صداقتنا ماكان لها مكان في قلبك واذا مابترجع صداقتنا خلنا نضل عيال عم وبسنا قطيعه...............

علي تم ساكت ويترقب شو بقول حمدان مايبي يدخل الحين
حمدان: انا كل ما أفكر أسامحك أتذكر انك انته هدمت حياتي أحس بقهر وكأني بقتلك .ز مادري اذا صج اقدر اسامحك مادري
مبارك: حمدان أرجوك حاول
علي : حمدان اعتبر الي خسره مبارك عقاب له .زوسامحه
أنا أدري انك في داخلك تبي تسامحه ومتوله حق رفجته بس عنادك اهو الي مسيطر عليك
تم حمدان منزل راسه ويفكر بالكلام الي قاله مبارك وعلي..... ويقول في خاطره .مبارك عنده حق ليمتى راح أتم معاند هو صح تهور بس الخساره الي اخسرها أكثر مني .... مسكين يا مبارك بدال لا أواسيك وأوقف يمبك ظليت حاقد عليك وشيلتك هم زياده على همك

مبارك:شو قلت حمدان...........

حمدان ابتسم ابتسامه حزينه:سامحني يامبارك وايد قسيت عليك

مبارك بهت ومب عارف شووو يسوي الي اسمعه صدق والاهو للحين قاعد يحلم........تقرب مبارك من حمدان ولوى عليه وتم يبكي من زود فرحته حمدان ماستحمل الموقف وظل يبكي وياه
مبارك :ماتدري اشكثر مشتاقلك ومحتاجلك ياحمدان

حمدان :سامحني يامبارك كل هذا بسبب عنادي

وظلو مبارك وحمدان يرمسون شو يلومون بعض وشوي يتذكرون مواقف لما كانو صغار ويضحكون

اتصلت لولوه لمبارك عشان يطلعوووون .......وراحويتمشوا بعدين استرخصوا من بيت عمهم وراوحو .أخيرا مبارك راح ينام مرتاح بس راح يبقاله أكبر هم حبه لشما الي راح ينهدم



الجزء الثــــــــــــــــــالث
أحبك لو بغيت أنساك ما أقدر.........

أحبك لا تسال القلب اصبر.....

احبك من زمن يوم الطفوله.......

ويوم الوقت احلام وتصور....

ادمعت عينها وهي قاعده تسمع هالاغنيه وتمت تبكي من نشت الصبح وهي حاسه بضيقه ومب قادره تفتح كتاب بغت تتصل بريم تفرج عن همها شوي بس خافت تعطلها عن دراستها...........أأأأأأأأأأااااه ياقلبي
مادري لين متى بتحمل ...ليش مايحس فيني هالبارد ...........قامت وراحت عند الكبت وطلع في أغراضها بعدين لقته طلعت ألبوم قديم
وقعدت تتصفحه وفجأه قعدت تضحك شافت صورتها اهي ولد عمها خالد وريم وسيف واشكالهم تضحك لما كانو صغار .......وشافت صورة وضحه من بين الصور قعدت تبكي ... اشتاقت لهاوللقعده وياها

مسحت دموعها وراحت تغسل ويها.....سمعت دق على الباب ..

نوره:تفضل .........
لولوه:ايه صح النوم ليش مانزلتي تتغدين

نوره بملل:أولا أنا ما اسمي أي انزين ثانيا الحمدلله على السلامه ثالثا مالي نفسي أكل

لولوه :خخخخخ أنزين ها نوراري ليش مالج نفس كل هذا بسبة المذاكره طبيها عنج مابتنفعج ...صدقيني وبتقولين ياريتني سمعت كلام اللولو

نوره:خبله تراني أسمع كلامج
لولوه .:نواري ..تصدقين تولهت عليج
نوره: تولهت عليج العافيه

لولوه :المهم تسلم عليج شما وتقولج درسي زين وبالتوفيق ...

نوره :الله يسلمها...شحالها .
لولوه :تماااااااااااام

نوره:.تعالي ماقلتيلي مبارك وحمدان تصالحوا

لولوه:هيه تصالحو ...بس خساره ماشهدت الموقف لأنهم كانووا بالميلس قاعدين

نوره:الحمدلله أخيرا ...

لولوه شهقت:أوييييييييييييييه نسيت

نوره:خيبه شوو نسيتي خرعتيني
لولوه واهي متجهه عتد الباب :نسيت ........أقولج ان ريم على التلفوون....وشردت وسكرت وراها الباب اطلعت وراها نوره وزعقت: يالدبه ... أووف
.أكيد الحين سكرت

نزلت وراحت للتلفون وشلتها شافتها مسكره رجعت واتصلت ليها

نوره:ألوو ....السلام عليكم

.خالد: وعليكم السلام

نوره :وين ريم

خالد: منو نقولها
نوره: ماعرفتني خالد أنا نوره

تصنم خالد عند التلفون:.............................

نوره:ألووووووووووووو
خالد:أوه سوري ....شحالج نوره وشحال خالتي

نوره:الحمدلله بخير .....أحم أحم خالد ونها ريم

خالدقفط:لحظه الحين بناديها

نوره على بالها انه حطى السماعه فقعدت تقول :وييييه أخيرا سمعت صوتك ........أأأأاه

فرح خالد الحين تأكد انها تبادله نفس الشعور ....ياويلي عليها محلاة صوتها .......
خالد:ريم....ريموووووووووووووووه.....ريم وصمخ

طلعت من حجرتها :خير خير الواحد مايعرف يذاكر في هالبيت

خالد:عدال الي يسمعج يقول مكسرتنها المذاكره وبتطلعين من أوائل الدوله

ريم: عن الطنازه وقولي اشتبي

خالد:عنلاتج.نسيتيني نوره بنت خالتي تبيج على التلفون.زروحي لا تلطعين البنيه على التلفوون

ريم:خلها يزاها توها لاطعتني على التلفووون

خالد:روحي ردي حرام بتزعل بعدين

ريم تنغزه:وانت شحارك خلها تزعل
خالد :بنت خالتي وماأبيها تزعل فيها شي

ريم:لا أبد مافيها شي
خالد: أنا بروح أقولها انج مشغوله....حرام جي تخلين البنيه

ريم: اقعد واستريح أنا رايحه حقها

دخل خالد حجرته وهو فرحان بالاكتشاف الي اكتشفه.......معقوله نوره تحبني مثل ما أنا أحبها ومن متى أأأأأأأأأأأأأأاه ياويل حالي


لجزء التاسع

بحظر زفافك يا حياتي

بحظر زفاف الي هويته
وبرزف عشانك لا تحاتي
وبهديك كل لي بغيته
وبهديكي دمعي واعبراتي
والهم الي فيني رميته
بحظر ولو في عرسك مماتي
شايل معي قلب نسيته
وأجمل قديم الذكرياتي

والضيم الي منك خذيته

وبذكر ليالي الماضياتي
كنت الوليف الي اهتويته

كنت الي الذي لاجلها أباتي
ساهر ونومي ما اهتنيته

بهديك في ليلة وفاتي
حلم الليالي الي طويته
وأعطيك من قلب امنياتي
تلقى الهنا في درب مشيته
وتعيش في راحه وسباتي
وياالذي عقبي لقيته

مها كانت يايه حق شما تشوف شو شرت شو ما شرت للملجه لأنها بتكون هالأسبوع وشو نفسيتها مع انها عارفه حالة شما
مها:الله شما رهييب الفستان
شما بحزن:خذيه حقج هديه ما من وراها جزيه
مها:هههههههه صج والله .....تبيها من الله انتي ...خاطري أجربه خخخخخ
شما:جربيه انزين
مها:عادي .......لا لا حرام لازم انتي أول وحده تلبسه
شما :عن المساخه يالله لبسي بشوف كيف بيطلع عليج...يالله قومي

راحت مها تلبس الفستان .وفي نفس الوقت الي ظهرت فيه مها من دريسر روم دخل حمدان حجرة شما (الفستان كان لونه أرجواني وهوشوي عاري يعني فيه كم واحد من صوب والثاني ماشي وكانت فاتحه شعرها الي قاصته مدرج لين نص ظهرها)

حمدان :شما ماشف......................وانصدم بشوفة الملاك الي قدامه ... ..السموحه عن اذنكم....... وطلع من الغرفه وعقله مب وياه .....

مها بعدها واقفه ومب مستوعبه الي صار قبل شوي
شما:مهوووي اسمحيلي والله ..ما أدري ليش ما قفلت الباب
مهابعدها منصدمه :....................
شما:مهووي ردي علي بلاج.......وتبغي تلطف الجوقالت لها.....لا يكون أخوي سحرج بجماله وسامته

مها وهي قافطه كفخت شما:شو عجبني انتي بعد ويه وين أودي ويهي فشله

شما:خلاص لاتفتشلين بخليه يتزوجج مافينا تتأثمين ويتأثم أخوي وتصد على مها وتقول ههههههههه ياويل حالي عليك حمدانوه الله يعينك على الي شفته هههههههه
مها :شموو يالدبه لا تضحكين علي يزاتي يايه أفرج عنج
يالله بروح بيتنا كفاني ماياني منج اهئ اهئ اهئ
شما:هههههههههههه مهووي وين رايحه يبي الفستان هههههههه غربلات بليسج ضحكتيني
مها تصد على عمرها:شمووووه أخوج شافني جي ياويلي
خلاص أنا بقول لين أمايه انكم باجر بتيون تخطبوني

شما:يالله ماصدقت تبي تعق عمرها على أخوي
مها:ههههههههه مايخصني محد قاله يشوفني جي

شما:ههههههههههههههههههه

مها:فديت الي يضحكووووووووون ان شاء الله دوم هالضحكه

شما:تسلمين

مر اسبوع على تصالح حمدان ومبارك وكانو ما يتفارقون وكثرت يايات مبارك لبيت عمه وكان خاطره يصادف شما هو يدري ان شما مب من نصيبه الحين ولازم مايفكر فيها بس غصب عنه شوقه وحبه هم الي يتحكمون فيه..... ياء يوم الخميس يوم ملجة شما ...وطبعا مبارك لازم يحظر ما يقدر يتهرب في الخطوبه كان عنده عذر..لانه ماكان يكلم حمدان بس الحين شو بسوي ملزوم انه يحظر الملجه ويحطي ايده في ايد غريمه يبارك له الي راح يخطف عنه حبه.....مر الوقت سريع وصار وقت الملجه
مبارك كان قاعد وحاس انه قلبه بينشلع من مكانه وده يبكي وده يصارخ بس مب قادر ...حمدان حس بمبارك وتلوم في نفسه كيف قضى على حبهم وحس كيف انه كان أناني لما غصب شما انها توافق
حمدان حط ايه على ركبة مبارك:مبارك....... شفيك

مبارك بابتسامه باهته:انت تسال شو فيني
حمدان : مبارك .....أنااااااا أسف

مبارك :على شو تتأسف هذا نصيب وأنا راضي فيه

حمدان:مبارك....
مبارك:خلاص حمدان .لا تخلى الناس تلاحظ

ياء الشيخ الي يملج وملج فيهم قام مبارك وبارك لهم وسيده طلع ...ركظ وراه حمدان كان خيفان عليه ومايبغيه يسوق السياره بهذه الحاله

حمدان: مبارك .اصبر شوي
مبارك طنشه وركب السياره ... سار حمدان وركب حواليه

مبارك: أرجوك حمدان خلني بروحي

حمدان:والله ما أخليك بروحك وانت بهذه الحاله

مبارك ماله خلق يرمس حرك السياره ومشى فيها بسرعه وحمدان كل شوي يهدي فيه وخليه يخفف ليما وصلوا جبل حفيت وقف السياره ونزل منها نزل وراه حمدان

حمدان : مبارك
التفتله مبارك وعينه مليانه دمووووع ويبي يتكلم مب قادر
حمدان ساعتها ما عرف شو يسوي بعمره
حمدان :أنا شو سويت شو من القلب لي كل هذا عشان أنتقم منك دمرت حياتك وحياة أختي شو سويييييييت .....سامحني يامبارك
مبارك ساكت مايبي يتكلم ...... وفي داخله براكين من الغضب والغيره والكره مب قادر يصدق انها صارت لغيره وانه هالشخص قاعد عندها ويشوفها ويلم .........لاااااااااااااااا مب قادر حرام


ماتت بعيني البراءه وزادت همومي علي
ليش كل ماقلت هانت زاد وقتي بالجحود


أأأأأأأأأأأأأأأأأأأأأأأأأأأأااه ياشما......................

وطبعا حال شما مب أحسن من حال مبارك ....بس هالمره شما ماصاحت لأن الحزن الي بداخلها أكبر من ان تصوره بدموع........ظلت ساكته طول اليوم ولا قالت شي ...يات حصه تكلمها ..ومها .وأمها بس ماردت على حد فيهم .قاعده تفكر بنفسها شو من الحياه الي تنتظرها ..ياترى عبد الرحمن بيعوضها عن مبارك ...أنا شو قاعده أقول المفروض ما أفكر في مبارك .....ياربي أنا ليش مامت قبل ما أتزوجه شو ذنبه هو يعيش مع وحده قلبها مب ملكها ..هو مايستاهل مني هالشي .....نادها أبوها عسب تروح صاله الثانيه لأن عبد الرحمن يترياها هناك .. دخلت شما وقعدت في أبعد مكان عن عبد الرحمن
عبد الرحمن:شحالج شما
شما منزله راسهاعسب مايشوف دموعها المتجمعه في عيونها: ........

عبد الرحمن عباله شما مستحيه:مبروك شما

شما:...............

عبدالرحمن:يعني ماراح تسمعيني صوتج اليوم
شما:..........
عبد الرحمن :ماشاء الله عليج ماتوقعتج بهالجمال
شما:.............
عبد الرحمن يقوم من مكانه ويتقرب من شما:ممكن أقعد

شما تصد عليه وجسمها قام يرتجف خافت من اقترابه

عبد الرحمن:بلاج ماراح أكلج أنا بس بغييت أكلمج من غير ما حد يسمع لأن الباب مفتوح ........شما أنا لو أقولج شكثر أحبج ماراح تصدقين

صدت عليه شما باستغراب
عبدالرحمن :هيه لا تستغربين أنا كنت أحبج من كنا صغار وهذا الحب كبر معاي وعاهدت نفسي اني أول ما أخلص دراسه وأشتغل أروخ أخطبج ...والحمدلله الله حقق لي أمنيتي وتزوجتج .....بس تدرين طول هالسنوات كنت خايف لا يسبقني مبارك ولد عمج وياخذج وطبعا أهلج بيقربوبه هو لأنه ولد عمج أأأأاه الحمدلله
شما خلاص مب قادره حاسه انها راح تنهار بأي لحظه وتصرخ في ويه وتقوله أناا أحب مبارك
عبدالرحمن:يالله شما تصبحين على خير ولو اني زعلان منج من دخلت لي طلعت ماسمعت صوتج بس يالله الله كريم
تم واقف يتريا شما ترد عليه بس ماردت وتمت منزله راسها
طلع عبد الرحمن.......شما قامت وطلعت سيده على حجرتها وظلت تبكي حبها الضايع وتفكر كبف راح تعيش معاه وهي قلبها وعقلها ملك لغيره كيف لا والمصيبه يحبني بعد شو هالمصيبه الي أنا فيها ..................

سيف من بعد ماخلصت الملجه ......تنبه ان مبارك محد
قام يدق له تلفون بس مبارك مايرد انشغل باله عليه وخصوصا لمل شاف حلته في الملجه كيف كانت اتصل لحمدان يتخبره عنه
سيف:ألوووو السلام عليكم

حمدان :وعليكم السلام.هلا سيف

سيف:أهلين حمدان ........ماتعرف مبارك وين راح

حمدان:هيه هو معاي ..تبغيه فشي

سيف:لا بس كنت بتطمن عليه .أنا باخذ الأهل وبنرد أبوظبي

وخلاه هو يلحقنا زين
حمدان:أوكي........توصلون بالسلامه

سيف:يالله فمان الله

حمدان: فمان الكريم

سيف خذ امه وخواته وراحو صوب أبوظبي وطول الدرب يفكر بمبارك وحاله بلأول كان يقول مبارك نفسيته تعبان بسبب القطاعه الي مبينه ومبين حمدان الحين انحلت ورجعو ربع مثل أول وأحسن .... بس الحين حاله أردى عن قبل حتى الأقل مايقربه

أم مبارك:سيييف........سييييييييييييييف

سيف:ها ...هه شو أمايه شو بغيتي

أم مبارك:من متى وأنا أناديك .....عنلاتك حد يسوق السياره وهو سرحان بتنفدنا انت

سيف:أمايه أنا مب سرحان بس شوي كنت أفكر

أم مبارك:انزين وين أخوك روح والا بعده

سيف:لا مبارك بعده بيقعد عند حمدان شوي وبيلحقنا

أم مبارك:هيه..عسى الله لا يفرقهم....

يوم الجمعه الساعه 11 الكل كان راقد لأنهم كان واصلين متاخرين الا أم مبارك كانت قايمه من الصبح ولما شافتها يات الساعه 11 راحت تقوم عيالها يروحون المسيد قبل ما يأذن المهم صلو الجمعه وخلصوا ياء وقت الغدا

أم مبارك: سيف مارجع من المسيد معاكم

سيف:امبلا بس راح سيده لغرفته

ام مبارك: ليش مايا يتغدى ........ناصر قوم نادي أخوك
سيف:ناصر اقعد ...مبارك قالي انه مايبي غدا

أم مبارك: بلاه رجع لحالته الأوليه قلنا بيتصالح مع حمدان وبيتغير .....الله يرضى عليه بس

تغدو وخلصو وراح كل واحد منهم لمكان ....العصر دقت ريم لنوره وقالت لها انها بتيها تبغيها تشرح لها شي في الرياضيات .ويات ريم ووياها هند الي حنت عليها عسب تروح وياها سلمو على خالتهم الي كانت قاعده برع على المنامه وحوليها الفواله سألت هند عمتها عن لولوه وقالت لها انها قاعده تشوف تلفزيون او تلعب هاي لعبتهم ستيشن مادري شو اسمها راحت هند عند اللولو أما ريم راحت لين نوره حجرتها واهي قاعدة تركب الدري وطت عباتها وبغت الطيح فصدت تحت عسب ترفع عباتها وهي قاعده تمش دعمت بشخص قدامها وبغت اطيح فمسكها عن طيح صدت تبي تشوف منو هذا الشخص
ريم: السموحه مااااا....................

ياترى منو الشخص الي دعمته ريم
وشو بصير لمبارك وشما


الجزء العاشر:

رحلت ومن بقى وياي
يحس بضحكتي وبكاي
حتى الجرح في بعدك
يغزيني أهليبه
أنا من ليفي هالدنيا
سواك ان طالت الغيبه
فقدتك يأعز الناس
فقدت الحب والطيبه

ريم: السموحه مااااا.................... انصدمت لما شافته قدامها وقالت في خاطره.عاد أنا تمنيت أشوفك ولو صدفه بس مب جي ..ياويل حالي .....وانتبهت انه بعدها ايده في ايده ماسكنها فهدتها بسرعه وماعرفت شو تقول

سيف :السموحه ريم ......................مانتبهت حقج .......وفي خاطره أأأاه ياقلبي مادري شصار لي اسحرتني ..

ريم:لا أنا الي غلطانه اسمحلي ........ومرت من عداله عسب تكمل دربها لحجرة نوره.....وصدت وراها تبغي تكلمه... صج سيف توصل بالسلامه... وكملت دربها بسرعه قبل مايرد عليها

سيف:الله يسلمج .........أأأأأأأ ه صج انج ريم وانتي ريم

لولوه: خخخخخخخخ الحمدلله والشكر ليش تكلم نفسك خخخخخخخ

سيف انتبه ليها وقفط و سوى عمره معصب :شوووو ....ومسك ليها ايده ولفها على ورى ...ليش شايفتني خبل

لولوه:أي أ ي يييييييي يعور .....بخبر عليك أمايه أي أي .وانت على شوو تضحكين دبه

هند:ههههههههههههه دبه انتي خخخخخخخخخ

سيف:قولي اسفه أول .........

لولوه:مب قايله أخ أخ ايديي ..........أمااااااااااااااااايه ........تعالي شوفي سيف

سيف:أمايه ما بتسمعج ........يالله قولي أسفه

لولوه:اسفه ..... زييييين أووووووووووف .......وانتي براويج قاعده تضحكين علي بدال ماتساعديني

هند:هههههههه محد قالج
روح سيف وهو يضحك على لولوه أخته عنهم لانه كان مواعد خالد يشوفه قبل مايروح الكليه

لولوه :محد قالي ها .......شوفي اذا خليتج تلعبين وياي الجيم بوي مال نصور

هند: عادي بقوله وبيعطيني خخخخ موتي حره
لولوه :روحي بيتكم انتي لا

أم مبارك:لولوه شوها الكلام عيب .تطردين بنت خالتج من البيت ماتستحين..خل مره ثانيه أسمعج تقولين مثل هالكلام

هند قعدت تضحك على لولوه وتحرها ولما تصد عليها خالتها تسوي عمرها كأتها بتبكي تمت تطالعها لولوه بحقد وغيض

وصلت ريم عند حجرة نوره ودقت الباب وفتحت لها نوره
ريم:الحقي علي بموت أااااااااااااااه قلبي لحقي علي

نوره بخوف:ريم بلاج .شصار لج .........قولي ...بروح انادي لج أمايه

ريم:ايه قعدي انتي وين رايحه.....بتروح تنادي أمها هي
نوره:انزين قولي اشفيج وليش قلبج يعورج

ريم بفرح:قلبي يعورني من الوناسه أحس اني بطير يااااااااااي
نوره:غربلات عدوج .طيرتي لي حمامة فؤادي من الخرعه وأخر شي تقوليلي(وهي تقلدها)قلبي يعورني من الوناسه

ريم:ههههههههههههههههه مب قصدي والله ههههههههههههه

نوره:وش الي يخليج مستانسه جي وبطيرين

ريم :شفته نواري شفته لا وبلبس الكليه بعد ياويل حالي عليه

نوره :والحين هذا الي مونسج .ترى انت ذاك اليوم شفتيه وما تخبلتي جي

ريم:ويه لا تذكريني بهذاك اليوم فشله ....لا اليوم غير وانا يايه عندج(حكت لها كل الي صار)................وتصد على ايدها أاااااه

نوره :قولي والله مسك ايدج .....مب سهل سيفوه هههههههههه

ريم:لو سمحتي سيف.وبعدين ايه أنا قلتلج مسكني عسب ماأطيح لا يروح بالج على شي ثاني
نوره: ريمووه قومي قومي بدال ما قاعد تطالعين ايدج الي الظاهر انج ماراح تغسلينها بعد اليوم
ريم :ههههههه هيه صح شدراج .....الا تعالي
نوره:ها شصار بعد.الظاهر اليوم مابندرس

ريم:خخخخخخخخ انزين بندرس انتي شو عايلنج .......انتي شو مسويه حق أخوي خالد ها وتغمز لها بعينها

نوره باستغراب :شسويت بعد ماسويت شي ليش شصار

ريم:حاله متغير فوق تحت من أخر مره كلمتيني فيها .....سحرتيه الظاهر بصوتج....مب هو الي راد عليج هذاك اليوم
نوره بخجل: روحي لاه ما أصدقج أنا
ريم:والله لو تشوفين شقد صار ما يطلع من البيت وصار ما يعصب وايد وكله سرحان..ياعيني على الحب

نوره استحت وايد ومب مصدقه الي تسمعه أخيرا راح يتحقق أملي وتبغي تغير في الموضوع:روحي لااه ما عندج سالفه خل نذاكر أحسن

ريم :انزين يالله .حشى انذاكر ونذاكر يالله انزين........

ومرت الأيام وصارت امتحانات الثانويه وانشغلوا ريم ونوره بالامتحانات ........وسيف مابقى شي على تخرجه من الكليه ........أما مبارك وشما حالهم مثل ماهوووومبارك دوم حابس عمره في الحجره حتى الشركه ماصار يروحها وايد زادت عصبيته ..... أما شما كل ماييها يوم تضعف زياده ...الاكل ماديسه الا نادرا لما يغصوبها وهم محتارين في حالها حتى لما اايي عبد الرحمن ريلها يبغي يشوفها ماترضى تروح له ........استغرب عبد الرحمن من تصرفات شما وحس ان شما ماتبغيه وأكيد غاصبينها عليه فقال بكلم حصه أخته عسب تصر على شما اتها تكلمه عساس يتفاهمون قالت حصه حق شما وأقنعتها انها تشوفه فاتفقوا انه ايهم يوم الخميس

حمدان حالته غير من جهة كان متلوم من عمره بالي سواه بأخته وبمبارك ومن ناحيه ثانيه مستغرب من الاحساس الي قاعد يحسه من بعد ما شاف مها وقاعد يكلم نفسه .....معقوله قلبي يدق من يديد ويحب وحده غير وضحه .. أنا شوقاعد أقول مستحيل يكون حب هذا بس اعجاب لأن قلبي دق مره وحده لين وضحه وبس ..... أأأأأأأه ياويل حالي عليها قمر اطيح طير من السما والا الفستان ..... أهوووووووو انا اشفيني ليش قاعد افكر فيها .أنا ما أبغي أخون ذكرى وضحى أأأأأأأأأأخ ياقلبي .....

كان يوم الاربعاء وأخر يوم في الامتحانات ....زال هم الامتحانات وبقالهم هم النتايج .....سيف كان يوم الثلاثاء تخرجه والكل فرحله وقرورا يوم الخميس يسون عزيمه بمناسبة تخرجه ياء سيف من الكليه والكل قاعد يترياه

عسب يباركوله ..سلم عليه كلهم وشاف ان مبارك محد فسأل عنه وقالوله انه على حاله سار له سيف وهو معصب يبي يعرف شو سالفته وليمتى راح يتم على هالحال
دق الباب بس ماسمع رد فدخل الحجره شاف الليت مبند شغله

مبارك:شوو ليش تشغلون الليت .......صد شاف سيف.....سيف أرجوك بند

سيف:لا ماراح أبنده .ليمتى راح تضل حابس عمرك من بين أربع اطوف قوم شوف نفسك بالمنظره كيف صاير .....مبارك قولي ليش هذا كله ليش

مبارك:سيف أرجوك خلني بروحي

سيف:يعني ماراح تقولي شو الشي الي مخلنك بهذه الحاله ......انزين على الاقل باركلي .المفروض كنت أشوفك أول واحد قاعد يترياني ويبارك لي يا مبارك
مبارك:على شو أبارك لك؟؟؟؟؟؟؟؟

سيف:أكيد ماراح تدري بشي دامك حابس عمرك بالغرفه .يامبارك انت مو قاعد تأذي نفسك بس لا انت قاعد تأذي أمك الي تعبانه من زود ماهي مستهمه عليك وخواتك الي زعلانين عليك ومب عارفين شو سبب حالتك هاذي

مباركحس بالذنب وحس انه همومه زادت عليه رد على سيف بعصبيه: حرام عليك خلني في همي ..أنا بطلع وبخليلك البيت بكبره

سيف: وين بتروح

مبارك وهو طالع : مالك شغل أبي أقعد بروحي

سيف: مبارك.........

طلع مبارك وشخط بالسياره ويسوق بسرعه مايبي يسمع كلام سيف الي قاعد يترددله في راسه ...أمك مستهمه عليك وخواتك ظلت هذه الكلمه تترددله ...وقال في خاطره أنا ليش أناني هم اشخصهم اذا أنا فشلت اني أحافظ على حبي لشما اشذنبهم أخليهم يستهمون علي ..أأأأه........ طاف الاشاره وهي حمرا من غير مايحس وطلعتله سياره قدامه وما قدر يتفاداها تقلبت سيارة مبارك عدة قلبات والناس الي شافوا الحادث اتصلو بالاسعاف والشرطه لين موقع الحادث يات الاسعاف وخذت مبارك والي شافه قالو انه مستحيل يكون حي

سيف قاعد يهدي امه الي لما شافت مبارك طالع معصب وشافته كيف يسوق بالسياره خافت عليه وقامت تحاتيه شوي يدق تلفون سيف شاف الرقم غريب فاستغرب

سيف:ألووووو
........:الوو السلام عليك

سيف:وعليكم السلام .منو معاي

.......معاك الشرطه .لو سمحت أخوي تعرف واحد اسمه مبارك........
سيف:هيه أخوووووي وينه وشصاره قوووول

الضابط:هدي أخوي الي اسمه مبارك سوى حادث وهو الحين في مستشفى......

سيف بخوف:أوكي أنا الحين ياي

أمه سمعته وهو قاعد يتكلم وقعدت تبكي وترجته تروح وياه
سيف من بعد الحاح أمه قرر ياخذها المستشفى وقال لنوره تشوف خوانها وتهديهم وصلو المستشفى وراحو من صوب الطوارئ شافو الضابط وسألوه وقالهم انه بعده بالعمليات انهارت أم مبارك وقعدت تصيح على ولدها وسيف يهديها عساس ماتتعب ويها شي بروحه مب ناقص

يرن تلفون سيف ويشوف رقم حمدان ويرد عليه

حمدان:ألو السلام عليكم

سيف بصوت كله حزن وتعب: وعليكم السلام .هلا حمدان..

حمدان حس انه سيف صوته مب طبيعي :سيف مبارك وين أدق له مايرد علي

سيف ماعرف شو يقول:.........
حمدان بخوف:سيف بلاه مبارك ليش ساكت .صار له شي ليش مايرد علي اهو وين

سيف والدموع في عينه:مبارك سوى حادث وهو بالمستشفى الحين
حمدان ساكت ومنصدم من الي قاعد يسمعه ويقول في نفسه اكيد احلم

سيف:حمدان وين رحت
حمدان انتبه: معاك.أنا ياينك الحين

حمدان طلع من غرفتهوالموع في عينه خايف لا يخسره من بعد ماتصافوا وشاف امه وأبوه في الصاله خبرهم بالي صار لمبارك انصدمو وتمت أم سلطان تبكي على مبارك وقالو انهم بيسرون المستشفى
مشى عنهم وطلع راح المستشفى ..ام سلطان راحت حق شما توصيها بالبيت لأنها بتروح للمستشفى وقالت لها عن مبارك .أول ما طلعت أم سلطان طاحت شما أغمى عليها ........
حصه يات ادور على أم سلطان ماشافتها تحت فقالت بتروح تسأل شما عنها دخلت تفاجأت بشما طايحه حاولت تقومها بس ما قامت يابت ماي ورشته عليها قامت شما
شما بتعب:ووي........ووين مب......مباااارك .....ووينه
حصه مستغربه شسالفه ليش شما تسأل عن مبارك:شما.شفيه مبارك

شما تبكي: ووينه .....مستحيل يموت ويخليني مستحيل ..وااي أحس اني بموووت أبي أتطمن عليه بس ....وزاد صياحها........حصه اتصلي فسلطان سألي عنه ولا بحمدان أرجوووووووج

حصه متفاجأه من الكلام الي تسمعه من شما شو معناة هالكلام.......شما تحب مبارك ومن متى...اذاهي تحب مبارك ليش وافقت على أخووووووووي وفكرت باخوها .....الله يعينك يا أخوي بتاخذ وحده قلبها لغيرك وانت تموت فيها ....لكن مستحيل اخلي هالشي يستمر.....ودي اضربها اذبحها بس ماتهون علي وهي بهذه الحاله قعدت تسكت شما وتهديها
وقالت باجر لازم أكلم أخووووووووي ....مستحيل أخليه يتزوجها ويتعذب....... وأنا أقول شسالفتها ماتبغي تقعد وياه لما ايي البيت يبغي يشوفها وهي ماترضى ...بس أبي أفهم ليش وافقت على أخوووي ليش ...صدت شافت شما نايمه طلعت عنها عسب تخليها ترتاح.......وتفكر كيف بتقول حق عبد الرحمن أخوها .......

في المستشفى الكل قاعد يتريا خبر عن مبارك الي من دخلوه غرفة العمليات محد ظهر لهم يطمنهم عنه شوي يطلع دكتور ...يركظون كلهم ويجتمعون حول الدكتور ....

الدكتور:انتو أهل المريض مبارك

حمدان :هيه دكتوور كيف حاله اهو الحين

الدكتور بحزن:..............................

النهــــــــــــــــــــــــــــــــايه


الجزء الحادي عشر( الفصل الاول)

تدري اني موت أحبك
واني مالي غير حبك
والي ينبض في ظلوعي
ماهو قلبي هذا قلبك
تدري ياهمي وفرحي
منكثر من انته بدمي
كل ماتنضرك عيني
عيني من عيني تسمي

تدري من عشقي لشوفك
ماتفارقني طيوفك
صرت أناضر بالمرايا
ما ارى نفسي وأشوفك

الدكتووور بحزن: احنا سوينا الي علينا...........

حمدان يقاطعه:مااااااااااااااااااااااااات

الدكتور :لا لا بس انتو ادعوله .يقوم بالسلامه ..الضربه الي ياته في الراس قويه..ادعو انه 24 ساعه تمر من دوون مضاعافات وتعدي على خير ولا احتمال .......وسكت مب عارف شو يقولهم

سيف بخوف : احتمال شو دكتور كمل
الدكتور : احتمال يدخل في غيبوووووبه
الكل صخ لما سمع كلام الدكتوووور .ام مبارك ما قدرت تستحمل الخبر وطاحت عليهم ........اما حمدان لما سمعه قعد على الكرسي وحط ايده على راسه وقامت دمووعه تطيح بتتابع وظل يبكي بصمت.........أما سيف فحس انه هو السبب في الي صار لمبارك لو ماراح حقه وقعد يلومه جان مابعصب وبيطلع برع البيت ....ومب عارف كيف يتصرف وين يروح امه طايحه من صوب واخوه من صوب واخوانه الي للحين مايدرون اشصار حق مبارك وغير الشركه منو بيعابلها........أأأأأه يامبارك يااااارب تقومه بالسلامه يارب

حمدان قال حق امه وأبوه انهم يروحون البيت ماشي فايده بالقعده لأن لازم تمر 24 ساعه لين يشوفون شوراح يصير
أما سيف من بعد ما تطمن على امه وانها نايمه .قال بروح البيت يتطمن على اخونه بروحهم بالبيت ولو انه ناصر معاهم بس بعده مايعتمد عليه ..... وبريح شوي مع انه ما يعتقد انه راح يقدر يرتاح وباله مشغول مع مبارك ....

شما حالتها حاله من بعد ماطلعت عنها حصه قامت ..... هي كانت مسويه عمرها نا يمه لأنها بغت تم بروحها ومتلومه من حصه لأنها أكيد فهمت انها تحب ومبارك فبغت تتهرب من أسئلة حصه ........وظلت رايحه راده بغرفتها تتريا امها وأبوها يرجعون تبغي تتطمن على مبارك وشوي سمعت صوت سياره داخله البيت وكانت الساعه 3 ونص بليل فركضت توايج من بلكونةغرفتها شافت امها وأبوها بس وحمدان مايا معاهم زاد خوفها ركضت تطلع من حجرتها تبغي تسأل أمها لكنها ترددت في أخر لحظه قبل ماتفتح الباب وقعدت تقول أنا كيف بسالها أخاف تقولي انتي ليش مب راقده للحين ولا انتو شو يخصج ....لالالا بقولها ولد عمي وأبغي اتطمن عليه .طلعت وشافت أمها وأبوها وسلطان قاعدين يرمسون وقفت على الدري تبغي تسمع شو بقولون عن مبارك

سلطان:ها أبويه .شخباره مبارك الحين .أنا ما قدرت أروح كان عندي شغل

أبو سلطان والدموع في عينه: والله مادري شو أقولك عنه وسكت وتنهد أأأأأه

هنيه شما حطت ايدها على قلبها ...وحست انه روحها بتطلع منها ....مستحيييييييل يكوون مااااااااااااات مستحيييييييييييييل

سلطان بخوف :كمل أبويه اشفيه مبارك

ابو سلطان :الدكتور يقوول اذا مرت 24 ساعه من غير مضاعفات بيقوم بالسلامه واحتمال يدخل في غيبوبه مايدرون متى يقوم منها .....لأن الضربه وايد ياته قويه على راسه..........يالله تعينه وتقومه بالسلامه

سلطان:لا حول ولا قوة الا بالله....يارب تقومه بالسلامه

شما من سمعت كلام أبوها تطمنت شوي وتحمدت ربها انه للحين حي وتمت تصيح صياح بصوت عالي ...........

الكل التفت يبون يعرفون وين مصدر هالصوت الي يبكي مشوا كلهم صوب الدري شافو شما حاطه ايدها على ويها وتصيح خافو كلهم مب عارفين شو سبب صياحها وليش قاعده للحين ومب راقد ه خذتها امها الغرفه وتمت تقري عليه
الين نامت شما.............

سيف رجع قريب الفجر البيت ودخل شاف محد في الصاله قال أكيد راحو يرقدون سكر باب الصاله وقاعد يقفله سمع صوت ركيض على الدري خاف صد وراه شاف اخوانه نوره ولولوه وناصر واقفين وراه
سيف:عنلات بليسكم خرعتوني .......ليش للحين مب راقدين
نوره ودموعها على خده تسيل:كيف نرقد واحنا ما عارفين شصار على مبارك

لولووه وهي تصيح: سيف قولنا مبارك بخير والا لا ورجعت تبكي

أما ناصر فكان حابس دمعته ومايبي يكون ضعيف قدامهم :سيف مبارك بخير

سيف مايبي يخرعهم:شفيكم كلكم توالفتو علي ما صار عليه شي وان شاء الله بقوم بالسلامه بس انتو ادعووووله ولا تحاتووون وايد ........يالله قوموانروح نصلي الفجر وندعيله ان الله يشافيه . ادعوله بكل صلواتكم .......يالله ناصر نروح المسيد وانتو روحو صلو وارقدوو الساعه 9 بنروح المستشفى وبتطمنون عليه بنفسكم يلا.....

نوره:سيف وين أمي ليش مايت معاك

سيف مرتبك :أأأأامااايه ....مارضت تيي تبغي تم ويا مبارك
نوره :هييه وراحت اهي ولولوه يصلوون .وسيف طلع ويا ناصر راحو المسيد

يوم الخميس
في هذا اليوم يتحدد مصير شما ويا عبد الرحمن .... وبيتحدد مصير مبارك اذا كان بقوم والا بيدخل في غيبوبه........

قامت نوره وقومت لولوه عسب يروحون المستشفى ويا سيف الي ما قدر يرقد غير ساعه بس ونزل تحت يترياهم خلصو ونزلوا تحت نوره ولولوه وناصر ...زسيف كان قاعد يتكلم بالتلفون ويا خالد
سيف:انزين والله نسيت أقولكم ....
خالد: عيل كيف مانسيت تقول حق حمدان انت تقول انه بايت هنا

سيف:والله اني نسيت الي صار البارحه ما خلا فيني عقل اتذكر .بعدين حمدان كان متصل في ذاك الوقت يسأل عن مبارك .فقلتله
خالد: هيه خلاص .زبشوفكم في المستشفى أوكي بروخ أقول حق أبويه الي صار

سيف :خلاص :نتلاقى ان شاء الله .......وراحو المستشفى شافوا حمدان قاعد في الاستراحه وماشافوا أمهم فاستغربوا قالهم سيف انها تعبت شوي ورقدوها وخذهم لعند امهم يشوفونها ورجع لين حمدان

سيف:حمدان روح بيتنا وارتاح اذا ما تبغي ترجع بيتكم ..مبارك لو صحى ماراح يصحى الحين الدكتور قال لازم تمر 24 ساعه يعني بليل راح يقووووم .....يعني مالها داعي قعدتك هنيه تنتظر

حمدان صد عليه وتم ساكت:...............
سيف:بلاك ........ما عجبك كلامي

حمدان : ماراح أتحرك من هنيه الي لما أشوف مبارك

سيف : بس انته من البارح هني وماكلت شي ولا رقدت ..مب زين جي حق صحتك

حمدان: خلاص سيف قلتلك مب رايح

سيف:أوكي خلاص على راحتك

شوي ويشوف خالد وأبوه وخالته وعاهم ريم وهند ..وكل مايقتربون منه يحس قلبه بيطلع من شاف الريم .

أبو خالد وخالد: السلام عليكم

حمدان وسيف :وعليكم السلام

خالد:شخبارك حمدان

حمدان بحزن :تماام الحمدلله وانته

خالد:الحمدلله.......وشحال مبارك الحين

حمدان:على نفس الحال....وللحين ماخلوني أشوفه

ابوخالد :الله كريم .....سيف ود ى خالتك والبنيات حق امك يبغون يزورونها

سيف في خاطره فرحان أكيد بوديهم : ان شاء الله ........خالد بتي ويانا (يالله يقول لااااا

خالد: هيه يالله ابغي أشوف خالووووو(أكيد بروووح ....القلب هناك وماتبيني أروح)>>> متفيجين


سيف في خاطره يالله ماصدق شبي أنا أقوله يروح مالت علي : يلا نروووووووووح


وصلهم سيف لغرفة أمه ودخلو كلهم شافوها وتطمنو عليها وسيف ينتهز أي فرصه ويشوف محد منتبهله يصد على ريم ويقول أخ ياسف طحت ومحد سما عليك شكلي طحت في حبها لا لا أنا لازم أخطبها ماتحمل انه حد ياخذها غيري ....... وخالد نفس الشي وخاصه من بعد ماتأكد من حب نوره ليه زاد حب ليه فقرر فنفسه انه أول مايقوم مبارك بالسلامه راح يخطبها ..حسو سيف وخالد على دمهم وقالو انهم بيطلعون عسب ياخذووا راحتهم وخذوا ناصر وياهم

شما قامت من النوم على صوت حد قاعد يقرى القرآن فوق راسها قامت وشافت
الجزء الـــــرابـــــع والأخـــــير...
أم سلطان: لا أنا رحت رقدت لي ساعتين من بعد الصلاه وقمت ييت أتطمن عليج ..
شما :سامحيني أمايه تعبتج معاي
ام سلطان :انتي بنتي الوحيده اذا مابتعب عشانج عيل لمن بتعب

شما تقوم عمرها بالغصب واطيح بحضن أمها : فديتج أمايه .الله يخليج لنا

ام سلطان :ويخليج لي يا نظر عيني ......يالله أنا الحين بخليج وبسير أنا وأبوج أبوظبي نزوور مبارك وأمه

شما قام قلبه يدق بسرعه من طاري مبارك وسوت عمرها انه ماسمعت كلامهم البارحه وقالت بتسأل عشان تتطمن الي سمعته صح والا غللط : بلاه مبارك شصار عليه

ام سلطان : مسكين الضربه ياته في راسه قويه والدكتووور يقول انه يمكن يدش بغيبو به لكن بيشوفنه اليوم اذا قام والا لا

شما بحزن: الله يشفيه (بغت عيونها تدمع تداركت عمرها وغيرت الموضوع).....بلاها خالتي أم مبارك تقولين بروح أزورها

أم سلطان : هي البارحه تعبت من بعد ماسمعت كلام الدكتور مسينه ما تنلام بجرها وسندها من بعد أبو مبارك ريلها

شما يات في بالها فكره وقالت بتحاول: أما يه خليني أروح وياج أزوره

ام سلطان :لا لا وين تروحين وانتي تعبانه جي .ماشي قعدي هنيه وأنا موصيه حصه تي تطمن عليج

شما :أرجوج أما يه .أنا مب تعبانه الحين شوفي حتى وحاولت تقوم بس داخت وبغت تطيح قعدتها أمها
أم سلطان: ها شفتي انتي طولج مب قادره تصلبينه يالله ماشي روحه واذا شفتج باجر زينه بوديج اليوم لا

شما شافت ماشي فايده فسكتت:................

أم سلطان وهي طالعه:هيه صح شما ترى يدج مايدري واذا سأل عنا قوليله راحو العزبه أو أي شي ثاني لين مايي أبوج ويخبره
شما تهز راسه بالموافقه:...............

ردت ترقد وعلى الساعه 11 قامت من النوم وشافت انه الصداع راح عنها وتلفتت حواليها شافت المنظره قامت تشوف عمرها:يالله شصار لي جني عيزت من بين يوم وليله
وتلفتت شوي حصلت ضر ف فاستغربت فتحته شافت صورة عبدالرحمن وتذكرت انه حصه كانت يايبته لها يوم الخطوبه .....قعدت تفكر وهي تصد على صورة عبد الرحمن وقالت:اسمحلي بس الي من بينا لا يمكن يستمر لو تدري انه أنا ماتذكرت اني مزوجتك الى لما شفت الصور ...لا يمكن أستمر في هالشي .أدري انك تحبني بس ما أقدر حب مبارك سيطر على عقلي وقلبي لمصلحتك لازم ننهي الي بينا
أنا لازم أوجهه فأقرب فرصه ...تذكرت انه حصه قايله ليها انه اليوم بيي بتترياه وبتبلغه بقرارها

انتبهت على عمرها وحست باليوع نزلت تحت تبغي تروح المطبخ .شافت يدها قاعد برع راحت تسلم عليه
شما وهي تبوس راس يده:سلام عليك يدي . شحالك

اليد:شما بنتي شحالج من يومين ماشفتج وين انتي .وبلاج غاديه جنج عصا ويهج أصفر

شما:ههههههه بلاك يدي خذتني بمشراع وميداف.وراحت تحضن يده ....(هي حاسه بفرحه غريبه حاسه انه كل شي بتصلح وان مبارك راح يقوم بالسلامه) يالله يايدي اشكثر متولهه عليك ....
اليد :متولهه علي والا تين تشوفين خلج من هالكلام

شما بدلع:والله يدي كنت تعبانه والاتدري أنا ما أفوت يو من غير ما أقعد معاك وباسة يده لى خده

اليد: حبتج العافيه بنت .الا امج وأبوج وبين ما أشوف من الصبح فاعد ولا حد ياني

شما بارتباك:هيه تتراهم راحوا العزبه

اليد: وليش ما قالولي بروح وياهم بدال هاذي القعده

شما واهي قايمه تبي تتهرب من أسئلة اليد: مادري .

اليد :وانتي وين رايحه بتخلوني بروحي

شما:برجع بايبلي ريوق يوعانه

اليد :هيه حد يتريق الحين وقت غدا

في المتشفى الظهر :
كان قاعد يتكلم بالتلفون

حمدان بتعب:هلا والله علي
علي :لا كان مارديت على التلفون نقعت التلفون وأنا أتصل فيك يامغلق يا ماتردعلي

حمدان : اسمحلي والله اغلقته ونسيته
علي:الا قول من لقى أصحابه نسى أحبابه
حمدان : ههه لا والله بس انشغلت شوي
علي :بلاه صوتك .فيك شي
حمدان بحزن: شو أقولك بس
علي :حمدان تكلم شصاير خرعتني
حمدان : مبارك...
علي بانفعال: بلاه مبارك تكلم
حمدان: مبارك سوى حادث البارحه
علي :شوووووووووووووووو
حمدان:والدكتور يقول يمكن يدخل في غيبوبه
على بحزن: لا حول ولا قوة الا بالله ...أنا الحين ياينك
حمدان: ايه والله تكفى بسرعه تعال

يوم الخميس العصر
عبد الرحمن ياء بيت قوم شما من بعد ما اتصلت فيه حصه وقالت له انها تبغيه اييها بسرعه مع انه كان مواعدنهم ايهم المغرب .دخل الميلس واتصل في حصه عسب يقولها انه وصل ..نزلت حصه وراحت ليه الميلس
حصه: السلام عليكم....

عبد الرحمن : وعليكم السلا م .... خير حصه شصاير

حصه:هههههههه بلاك .جي اسأل عن حالي وحال بنتي بالاول

عبد الرحمن بتوتر: ياحبج حق حرق الاعصاب .زأكيد انتي بخير يعني أشوفج قدامي واقفه وبنتج لو فيا شي جان قلتيلي بالتلفون....يالله قولي شو السالفه الي تبيني فيني

حصه:بصراحه عبد الرحمن مب عارفه شو أقولك ....الموضوع بخصوص شما
عبد الرحمن: شسالفه حصه خوفتيني بلاها شما

حصه: مابلاها شي بس ....

عبد الرحمن بانفعال:شووووووووو حصه تكلمي ....

حصه: شما ..أأامممممممم والله مادري كيف أقولك

عبد الرحمن فهم السالفه: شما ماتبغيني صح.
حصه صدت عليه منصدمه :.....

عبد الرحمن يبتسم ابتسامه حزينه : يعني الي توقعته صح انزين اذا كانت ماتبغيني شلي خلاها توافق علي

حصه : مادري هذا السؤال الي محيرني من البارحه

عبد الرحمن :هي الي قالت لج انها ماتبغيني

حصه : لا هي ما قالت .ولا تسألني كيف عرفت

عبد الرحمن: حصه أنا لازم أفهم هي ليش ما تبغيني شو العيب الي شافته فيني
حصه: المطلوب مني

عبد الرحمن: سيري ناديها خلينا نتفاهم اذا كانت تبغي الطلاق ما عندي مانع بس أفهم ليش
حصه شهقت: طــــــــــلاااااااااااااااق ماتوصل لهدرجه لا تتهور وتتسرع في قرارك

عبد الرحمن :روحي ناديها حصه بسرعه

حصه: انزين اصبر شوي

وراحت حصه تنادي شما من فوق شما بالاول خافت بس بعدين تشجعت وقالت لازم أنهي الموضوع

شما :السلام عليكم

عبد الرحمن انتبه لصوت وحس انه مخنوق مب قادر يطلع صوته ..........معقوله راح أفقد الانسانه الي طول عمري حبيتها وتمنيت قربها سنوات وأول مايتحقق هالشي أفقد ه بهالسهوله ما أقدر ما أقدر....... انتبه لعمره:ووعليكم السلام ..شحالج شما....

شما بصوت واطي : تمام الحمدلله .شحالك انته

عبد الرحمن :الحمدلله بخير دام انتي بخير ........ما أبغي أطول عليج خلنا ندخل في موضوعنا ...أمممممممم هو سؤال واحد ما غيره انتي لما وافقتي علي حد غصبج ....

شما انصدمت :ليش تسأل هالسؤال...........

عبد الرحمن:ما جاوبتيني حد غصبج انج توافقين

شما متردده ماتبغي تقول انه حمدان هوالي غصبها فقالت: لا محد غصبني

عبد الرحمن : عيل ليش تعامليني هالمعامله اذا اتصلت حفج ماترضين تردين واذا ييت البيت بعد ماترضين تقعدين معاي أو تشوفيني .شو معنى هذا غير انج مغصوبه

شما توهقت ومب عارفه شو تقول حقه: عبد الرحمن .بصراحه انا ما أستاهلك ..انت تستاهل وحده تحبك
عبد الرحمن: وليش ماتكونين انتي هاي الوحده

شما:أنا ما أقدر أعطيك شي مب ملكي ....

عبد الرحمن بانفعال: شقصدج تكلمي

شما بخوف: ما له داعي تصرخ

عبدر الرحمن: أوكي . قولي شقصدج

شما:عبد الرحمن ........طلقني

عبدالرحمن: شووو ........أطلقج.........أول فهميني شقصدج

شما والدموع في عينها: ما أقدر اقولك ................ المهم اطلقني ما أبغيك يا أخي ما أبغيك ارحمني (شما اضطرت تكون قاسيه معاه )
عبد الرحمن حاول يكون هادي قد ما يقدر :أوكي ........راح أطلقج ...بس ممكن تفهمني أنا شو العيب الي فيني عسب ماتبغيني
شما: عبد الرحمن افهمني .انت مافيك شي ينعاب بس أنااااااا قلبي ....سكتت مابغت تعصب فيه مره ثانيه بعدين يعاند ومايرضى يطلقها.........المهم اني أعزك مثل أخووووووووي


عبد الرحمن : خلاص ماله داعي هالكلام .......انتي طالق
........وأي حد يقولج شو السبب قو ليله مادري .وأنا اذا حد سألني راح أقوله بس مارتحنا ويا بعض....تبغين شي ثاني بعد .........وطلع عنها

شما أول ما قال كلمة طالق تمت صاده عليه ومحطيه ايدها على حلجها ودموعها قامت تنزل من دون توقف اهي صج كانت تتمنى تتخلص من هالهم بس هالكلمه ماكانت متوقعه انها جيه تعور .مب عارفه تضحك والا تبجي وشو بصير حقها في الايام اليايه.......


الساعه 10 بليل:
حاول يفتح عيونه بس حس بثقل غريب وحس بصداع رهيب فراسه .حاول قد مايقدر اه يفتحها بس محاولته فشلت سمع صوت يناديه من بعيد صوت مب غريب عليه وحاول يتجاوب حق الصوت لكنه مب قادر حس بشي غريب قاعد يمنعه.......

في مكان ثاني كانت شما قاعده في بلكونة حجرتها وتصيح من يوم راح عنها عبدر الرحمن وهي هاي حالتها مب عارفه ليش تصيح اهي كانت تبي هالشي وتحقق فليش تبكي ماتعرف ......يمكن خوف من الي راح يصير لها أو فرحانه لزوال همها ... وقفت بجي شوي وقعدت تفكر بمبارك وشصار عليه محد اتصل يطمنها.وقعدت تكلم وتنادي مبارك يمكن يسمعها وضحكت على نفسها من هالفكره كيف بيسمعها وهي بعيده عنه بأميال أأأااه يا مبااارك.......

أنا بأمس الحاجه لك
لا تبتعد محتاجلك
كلي وله مشتاقلك
أرجوك لا تبعد بعيد

تعال ياعمر الهنا
أنا بدونك من أنا
قلبي شقا وعمري عنا

والشوق في قلبي يزيد
أصارع أيام الزمان

أحس من دونك وحيد
أتخيلك دومك معاي
قمره تنور لي سماي
أفرح وأجدد بك هواي
وأحيا الامل بك من جديد

ياراحة البال وغلاك
ماحب في الدنيا سواك
أنا معك وأبقى معاك
حتى ولو تبعد بعيد

محتاجلك

فتح مبارك عيونه وبصعوبه قال: ششمااااا
شافته الممرضه فركضت تنادي الدكتور ..........ياء الدكتور وتم يفحص مبارك ويشوفه .......
حمدان وسيف وعلي وخالد وأبو سلطان وأبو خالد كانوا واقفين برى غرفة العنايه وتفاجئو من شكل الممرضه وهي تنادي الدكتور .وشافو الدكتور دخل قعدوا يتريو الدكتور لين يطلع يبو يعرفو شصار على مبارك مرت نص وطلع لهم الدكتور والكل يدعي فخاطره لمبارك عشان يقوم بالسلامه

سيف: خير .دكتور بشر
دكتور:الحمدلله عدت على خير ..تستاهلون سلامته ..مبارك قام وبعد ساعه مننقله غرفه عاديه ....بس الحين خلوه يرتاح وبكره تقدرون تشوفونه وتزورونه ....

سيف من فرحته ركض ولوى على الدكتور .ضحك الدكتور عليه وسلم عليهم وراح لشغله

قامو كلهم يباركون لبعض .وراح سيف بشر أمه بهالخبر ..فرحت أمه وقعدت تترجاه ياخذها تشوف مبارك بس قالها انه الدكتور منع عنه الزياره اليوم بس باجر انروم انشوفه هدت شوي وقامت اتصلي ركعتين لله تحمده وتشكره
سيف استأذن من أمه لأنه بروح البيت بيبشر اخوانه بهالخبر وباجر بييبهم يشوفونه

في اليوم الثاني:

مبارك كان قايم وقاعد يتريا أي حد يدخل يبي يكلم حد يبي يعرف شصار له .......حس بحد يفتح الباب ويبي يرفع راسه يشوف منو بس حس بألم رجع مره ثانيه وحس بخطوات الشخص قاعده تتقدم الين وصلت عنده وخى الشخص عليه

مبارك: حمدااااااااان

حمدان : بس لا تتكلم .الدكتور قال لازم ماتخلونه يتعب نفسه بالكلام
مبارك ابتسم لحمدان:..............

حمدان :خوفتنا عليك يالدب ..ماشفت كيف حالتنا البارحه هههههههه........الحمدلله على السلامه

مبارك بصعوبه يتكلم: سامحوني هههه عبلت عليكم

حمدان :لا تقول جي ....ويالله ارتاح قبل ماتبدى زيارات

مبارك: وين أمايه .........

حمدان :امك الحين بتي لما بيي سيف.......مابغى يقوله انها في المستشفى مرقده .... والحين يالله ارقد وارتاح

مبارك:هيه.انزين

في بيت شما:

قعدت من النوم شافت الساعه 8 سبحت ولبست وقالت بتنزل تلحق أمها قبل ماتروح بتسير وراها ....وللحين محد يدري بطلاقها ماراح تقول لأمه الحين عشان ماتمنعا انها تسير المستشفى ....نزلت وشافت أمها وأبوها الحين بيطلعون
شما:امايه....صبري شوي

ام سلطان :شوووو........وليش لابسه وين بتروحين

شما:أمايه انتي أمس قلتيلي انج بتاخذيني معاج أزور خالتي أم مبارك

أم سلطان: هيه صح .........ترى يدج بروح معانا بعد

شما:قولتوله ..........
أم سلطان:هيه أبوج قاله .وماشفتي كيف عصب .لانه ما خبرناه قبل .....يالله امشي خل نروح بنتأخر جي

في الطريق للمستشفى شما قاعده تفكر بمبارك ومتوتره شوبتسوي لما تشوفه وشوبتقوول .....تبي تقوله أول واحد عن طلاقها
بس يمكن ماراح يهمه الخبر يمكن نساني ...يمكن ويمكن.....أأأأأأأأأأأأأه

وصلو المستشفى وشما تحس ان كل خطوه تخطيها قلبها راح ينشلع قلبها من مكانه .وصلو غرفة ام مبارك شافوا كلهم عندها وسلموا عليها وشافو صحتها أحسن وقالولهم ان الدكتور رخصها اليووم .لما سألو عن مبارك قالولهم نايم ....تموقاعدين وشما تتحرقص تبي تطمن على مبارك وقاعده تتكلم ويا نوره وعقلها مب وياها
شوي شافتهم كلهم قاعدين مندمجين بالسوالف تسحبت وطلعت وسألت عن غرفة مبارك كم رقمها .بعدين تذكرت ان أخوها يمكن يكون حمدان هناك تمت واقفه مب عارفه شو تسوي ترجع حجرة خالتها والا تغامر وتكمل دربها يمكن يكون حمدان طلع شوي لمحت حمدان يركب اللفت وارتاحت يعني محدعندهالحين..... هي تدري ان الي قاعده تسويه غلط بس شو بتسوي بقلبها الي قاعد يتحكم فيها .........دقت الباب بخوف ماسمعت حد يرد عليه فتحت الباب .....تفاجأت بمظهره كيف لافين على راسه ووريله المجبسه ادمعت عينها على حاله .دخلت وسكرت الباب وراها تقدمت من السرير ....تمت تطالعه فجاه فتح عيووووووونه ....شما رجعت على ورى


مبارك كان يفتح عيونه وغمضها مب مصدق الي يشوفه:شماااااااا .انتي هني صج والا أنا قاعد أحلم

ردت تتقرب منه مره ثانيه .....

شما:مب...........مبارك .......شحالك

مبارك:أنا مب مصدق ....... شما ...

شما بصوت واطي :عيون شما

مبارك :تسلم عيونج .............كيف قدرتي اتي هني

شما:هههه سر .المهم أنا ما أقدر أطول أخاف حمدان يدخل باي وقت
مبارك:لا تروحين خلج معاي ........شوفتج ردتلي الروح

شما:استحت: صدقني ما أقدر
مبارك تذكر انها صارت لغيره تضايق:ليش متولهه على شوفته

شما :منووووووو

مبارك:ريلج منو يعني

شما ابتسمت وحبت تغيض فيه شوي:هيييييه فديته ماكلمتها من أمس

مبارك عصب:لا تتفدينه قدامي....أأأأأأأأأأاه راسي

شما خافت ولامت عمرها :اهدى مبارك لا تعصب مب زين لك

مبارك صد عنها وقال:لو سمحتي خليني بروحي


شما:انزين .بس بقولك شي محد يعرفه للحين ماأدري اذا بفرحك والا لا ........أنا تطلقت .وطلعت مانتظرت تشوف أثر الخبر على مبارك.....بعدها بربع ساعه
دخل حمدان وشاف مبارك يطالع فوق ويبتسم استغرب

حمدان : ههههه بلاك مبارك على شو تضحك .الظاهر الضربه مأثره على عقلك

مبارك:بسم الله انت من متى هنيه
حمدان: لا لا السالفه فيها ان وخواتها بعد .شسالفتك سرحان وتبتسم أنا مخلنك راقد وما فيك شي

مبارك:هههه جيه حرام الواحد يبتسم
حمدان باستغراب :لا مب حرام بس ما شوف شي في الحجره يخليك تبتسم ....المهم .خلنا من هاذي السالفه الحين أنا بطلع لأن أهلك الحين بدخلون والمغرب بيي أنا وعلي انزين......... وبطلع منك السالفه غصب عنك.... بغيت شي مني

مبارك: هيه أبغيك تروح تسبح ياخي وهفتنا بريحتك

حمدان:هههههههههههههههههه يالدب يزاتي قاعد هنيه وأحاتيك ومب قادر أتحرك من مكاني من خوفي عليك
لكن وش بقول ........

مبارك:ههههههههه خلصنا يالله رووو ح بمن علينا عاد هههههههههه

حمدان:ههههههههه يالله فمان الله

مبارك:فمان الكريم .دير بالك لا ترقد وانت تسوق خخخخخخخ

حمدان:هههههه انزين

بعدها بدقايق دخلو اخوان مبارك وعيال خالته ووعمه ومرته وشما بس كانت متغشيه .........سلموعليه كلهم وقعدوا

سيف وخالد ما دخلو مع انه ودهم يدخلون بس عشان الغرفه كلها حريم معادى طبعا مبارك وناصر وقعدو برى رايحين رادين حوالي الغرفه يبو يدشو عاد أخر شي ماستحملو ودشوو وسلمو سيف سيده راح حولي مبارك
سيف: مبارك شحالك....اسمحلي أنا السبب لو ما ..........
قاطعه مبارك:استغفر ربك هذا الله كاتبنه وصار وبعدين أنا الحمدلله مافيني شي

سيف:يالله الحمدلله عدت على خير
حالد :سلامات مبارك

مبارك:الله يسلمك

وقعدو يتكلمووون سالفه ورى سالفه ومبارك عقله مب وياهم قاعد يصد على شما ........صج انها متغشيه بس أهم شي عنده انها قدامه .....مب مصدق انه في أمل لحياتهم مع بعض.........
نش أبو سلطان واستأذن منهم لأنهم بيردوا العين .وسلمو عليهم ...وطلعوا وصلو البيت وراحو يرتاحوا .العصر يدق تلفون بيتهم .....وترد عليه أم سلطان

أم سلطان:مرحبا [أم عبد الرحمن...شحالج أختيه من متى ماسمعنا صوتج
أم عبد الرحمن:تمااام الحمدلله .....وانتي شحالج ....وشحال عيالج

أم سلطان:الحمدلله
أم عبد الرحمن بتردد:أختي عاد بغيتج اسامحينا على الي صار والله اني متلومه منج

أم سلطان:على شو أسامحج وشلي صار

أم عبد الرحمن:ليش شما ماقالت لكم
ام سلطان:شووو ما قالت لما شصاير خوفتيني

أم عبد الرحمن:ولدي طلق بنتج.....بس والله أختي أنا هزبته وطردته من البيت على سواته

أم سلطان منصدمه:انزين يالله وخيتي اخليج
أم عبد الرحمن:والله اني متلومه فيج ...سامحيني
ام سلطان:خلاص بعدين من شوف السالفه

أم سلطان سيده راحت لين شما تبغي تشوف شو السالفه

أم سلطان:شمووووه مسودة الويه ..ليش ماقلتيلي انج تطلقتي
شما سكتت مب عارفه شوترد

أم سلطان :تكلمي ليش طلقج ..وليش ماقلتيلنا
شما:أما يه ..أنا .أنا

أم سلطان :تكلمي انتي شو

شما أنا وياه ماتفاهمنا ويا بعض .....وأنا طلبت منه يطلقني هو مايخصه

ام سلطان بانفعال أكثر:وانتي شورج بايدج مني والدرب قلتيله يطلقج. بدون ماتشاورينا والا تقولين حقنا

شما: انزين خلاص الحين تطلقنا

أم سلطان: بسبتج أم عبد الرحمن زعلت على ولدها وطردته من البيت......لانها متلومه مني الحين أنا الي متلومه فيها شو بقول بس.بروح اتصل فيها واستسمح منها وبخليها تراضي ولدها ...والله يعينا على أبوج لما يعرف واخوانج.......

انتشرت السالفه والكل عرف انها تطلقت أبو سلطان عصب في البدايه وبغى يضربها لكن هدوه وقالوله انهم مالهم نصيب ويا بعض .........
حصه زعلت من شما كم يوم وبعدين تفهمت الموضوع وقالت أحسن لأخوها لأنها كانت تدري انه ماراح يرتاح مع شما دام شما تحب غيره

مرت 6 شهور

سيف ملج على ريم وخالد ملج على نوره وعرسهم ويا بعض في الصيف .....وعبد الرحمن اخطبوله بنت عمه ........ أما مبارك اليوم ملجته على غناة قلبه شما

وكانو قاعدين في ميلس بيت شما ياء المليج وملجو وخلصو.......ومبارك كل شوي يصد على ساعته يبي يروح يشوف حبه شما... وسيف وحمدان وخالد وعلي قاعدين يضحكون عليه ويستهزءو عليه ومبارك يعصب فيهم ويسكتون ويردون مره ثانيه ليما طفر منهم مبارك

في صالة الحريم كانت قاعده شما وحوليه مها قاعده اطفر فيها وتضحك على شكلها المرتيك والمتوتر
شما:أهووو بس عاد مهوووي .....توتريني زياده
مها:ههههههههههه خلا ص انزين بسكت
شما:هيه أحسن...اقول ريقي نشف روحي يبيلي ماي

مها :وانا شدراني وين مطبخكم تبيني أروح
شما:مابتضيعين روحي وبرى وبتشوفينه قدامج
مها :انزين يالله بنفذ طلبج بس لانج عروس الليله.............لبست مها عباتها وطلعت راحت المطبخ وفتحت الثلاجه حست بشخص وراها .لما صدت شافته
ريال سيده تغشت
حمدان :السموحه ....وتم صاد عليها سرحان وحس اشكثر كان متوله عليها ... بعدين انتبه لنفسه

مها:ياويلي ليش كل مره أنا يصير لي هالشي ........أههه ياحمدان ليتك تحس فيني وفي حبي لك .ومشت ردت الصاله

وحمدان لما شاف مها حس بدقات قلبه تزيد .في أخر الايام كان وايد يفكر فيها ويحس انه متوله على شوفتها ..الظاهر صدق انه بدى يحب من يديد ...

مر الوقت نادى أبوسلطان مبارك عشان يدخل يشوف زوجته .دخل مبارك صالة الضيوف وأول مادخل انبهر بجمال شماااا .....الي كانت قاعده تترياه خلاه أبوها وياه وطلع.... تقرب منها مبارك وباس على راسها وتقرب من أذنها وقالها أحبــــــــــــــــــــــــج.....احمر ويه شما من المستحى .وقعدوا يسلفوا وكل شوي مبارك يقول كلمه تخلي شما تحمر زياده
الين دخل حقهم حمدان وطفر بمبارك .........

مرت الايام وفي يوم حمدان طلب من أخته انه تاخذ راي مها اذا بتوافق عليه انه يخطبها وفرحت شما لحمدان الي أخيرا انفجت عقدته وفرحت حق مها رفيجة عمرها
وطبعا وافقت مها وصارت الخطوبه والكل فرح حق حمدان وأكثرهم مبارك .

واتفقوو انه يكون عرسهم ويا بعض ..
في 5-8 كان عرس مبارك وشما وحمدان ومها .وكانت ليله من ألف ليله وليله ..............


[move=right][move=up]وانشاءالله تنال اعجابكم....؟
..,,..,,..,,..,,..,,..,,..,,..,,مشاكس العجمان..,,..,,..,,..,,..,,..,,..,,..[/move][/move]

[ابن ملفي ال منصور]

اخوي مشاااااااكس القصه حزينه وفي نفس الوقت مثيره لكن ؟؟؟؟؟
يــــــالـــــيت بختصار اخوي مشاكس مع تمنياتي لك با التوفيق
مع تحيات ابن ملفي

[راكان بن فيصل الحثلين]

لاهنت ياابن ملفى على مرورك واسعدا تواجدك
وشكرا
..,,..,,..,,..,,..,,..,,..,,مشاكس العجمان ..,,..,,..,,..,,..,,..,,..,,..,,

[شيخة الغيد]

مشكوووووووووووووووور على هالقصة الرائعة اخوي مشاكس العجمان






وخلنا نشوف قصص اكثر