اكتب اسم الشاعر واللي بعدك يكتب قصيدة لهذا الشاعر ~

[فهـد العجمي]

ارحبي يا نجلا


وهذي من اجمل قصائد امبراطور الشعر بن وسام

الغلا والشوق يدفعني على الشرقيه = بين تيار الغرام وبين شي ثاني
اتثل لي مايرد القلب عن طاريه = كل ما ذعذع نسيم الورد والريحاني
مثل مايضرم خلف هذال للبريه = والله اني مضرم للشوق من وجداني
عاشق ما يلبس ثياب الغلا عاريه = ما يعشق الا عقود اللول والمرجاني
الغصون الخضر حيه والمشاعر حيه = غرب كورنيش الخبر شرقاً عن الظهراني
اقبلت واستغفر الله كنها حوريه = والشعر مثل الذهب يلعب على الامتاني
إن تثنت كنها ماموره منهيه = وان تمايل عودها يالله لا تبلاني
جيدها فتان والفتنه تجيب السيه = والبروق تلوح بين الخوخ والرماني
قلت وش هاالغنج قالت كذا عفويه = بنت مملوحه جميله والجمال اطغاني
يضمحل الورد كود الورده المحميه = لا تطلقها الريح حرك عودها الرياني
عن هجير الشمس احصل فيه ظل وفيه = اه يالبيه يازرعي ويا بستاني

الشاعر / سعد بن جدلان

[ليــه يازمـــن]

موضوع حـــلو

ياوليفـي دمعكـم فـي غيابـي ردّ لـي
وأدري انّ دمعتك خوفٍ عليّ ومن غلاي
أنت ممرضني وأشوف المرض فيكم وفيّ
الهبوب البارده منّك هبّـت فـي حشـاي
والله انّ كبدي عليكم عراويهـا أضمـيّ
والمشارب غير هرجتك ماتقطع ضمـاي
كيف تستغرب بطاي ومجييّ يـوم أجـيّ
منك اجيك أبدون رأيٍ وأروح ابدون رأي
ليلي أسهر به والا جاء النهار أشلىشوّي
مـرتٍ أشلـى ومـرٍ يعاودنـي بـلاي
وأنت سبّة كلّ شـي ولا داويـت شـيّ
كيف ياقـادر علـى داي ماتقـدر دواي
بعد مـا شتتـوّ الفكـر وأخليتـو يـديّ
كثرت أعلوم الشماميت وأفرحتو عـداي
مابعد جاني من يوم التقـو بـي والـديّ
ولابعد مرّ المحبين مـنّ حـوّاء وجـاي
لوّ خبر به حيّ يبكي على فقـدان حـيّ
كان يمدي من عرفني يشاركنـي عـزاي
جعل يسقى يوم كان الهوى ماغير غـيّ
فأول الرحلـه مثـل مبتـداك ومبتـداي

أبــي الجبـــاري؟

[لبيك]

ارحبو جميع,, و مشكور يا فهد على الترحيب عمرك طويل

و هذا للجباري استلم هذة القصيدة الفكاهية اللي كانت تشرح بعض الربع الله يعينهم ولا يبتليني :

قالت علامك يا فتى سارح عن الدنيا بعيـد=هو هم ولا غـم ولا انـك معـذب فالولـه
قلت ايه همي صفقة في نيوز لندا والسويـد=واربع مصانع في مصر كلن يبـي امولـه
وكمية ضاعت علي من المعـادن الحديـد=وحسابي الي بالبنوك ازريت كيـف احولـه
من كثر ماملك انا في كل ساعـه يستزيـد=البنك يبقى توسعه من مالـي الـي فولـه
عمار ودي اهدمه ثـم اعيـده مـن جديـد=وعمار مادري اتركـه ولا كمـان اطولـه
ماغير ماسك مصحفي وقرا من العلم الحميد=خايف من عيون الملا وخايف من المتسوله
يابنت عقلي مستجن عندي من افكار ٍ عديد=مشروع في بالي ثبت بس الفكـر متجولـه
يابنت يعني وش الـي خـذا فكـري بعيـد=يعني برايج وش يكون الـي بنـا متهولـه
جندي كويتي فالحرس خيط ٍ على متني وحيد=وجالس افكر عطلتي بقصى الشهر او باوله

نبي للشاعر الكبير ابن ظاهر الماجدي رحمه الله ..

[لبيك]

المشاركة الأصلية كتبت بواسطة فهـد العجمي

ارحبي يا نجلا


وهذي من اجمل قصائد امبراطور الشعر بن وسام

الغصون الخضر حيه والمشاعر حيه = غرب كورنيش الخبر شرقاً عن الظهراني

اكيد من اجمل قصائده دام انه شاف مخلوق ٍ زيييييين في مجمع الراشد


و أأكد على الطلب : قصيدة لابن ظاهر الماجدي ..

[شيخة الغلا]

علي بن ظاهر الماجدي { المايدي } .. شاعر كبير وعروف

يـقـول المـايـدي ابـيــات شـعــر =طــرىبنيانـهـا عـنـوان مـابــي
يـذكـرنـي إلـــى مـنــي طـلـعــت =علـى دربرفـيـع البـنـي نـابـي
تليـب الريـح مـن كــل الفـيـوي =تنسفـهـا الشـراجـيوالغـرابـي
وذكرنـي هـواي أو زاد مـا بـي =حمـام نـاح فـي روسالروابـي
حـمـام فـيـه مختـلـف الـلـحـون =حزامي مستليـع أو شـي رابـي
ولاأدري بـمــا وآلــــه عـلـيــه =ولا هو زاد في الماضي درابـي
ربـيـنـا فـــي بـهـيـات الـشـبـاب =عـلـى حـلـوة رعــي واحتـلابـي
وأداري شرهـة الـخـل الــودود =وهو ينويالصدود أو لا درابي
تـبـدل عـقـب ذاك الـحـال حـــال =عـتـاب والقـلـوبإبــلا عتـابـي
وشطـت بـي صـروف النايـبـات =عـن الأولاف وابتـعـدالمـدابـي
وكــم صـاحـب عـنــدي ضـنـيـن =تنايت بـه إركابـه عـنإرﭼﺎبـي

الشاعر / مدغم ابو شيبه

[خالد وبس]

تفضلي

لايغرّك حجب دمعي عـن ظهـوره=لاتقول أنّـي سليتـك .. ماسليتـك
دايم أستر دمع عيني ستر عـوره=والاّ أنـا يامـا تضايقـت وبكيتـك
أوّله يوم الغـلا فأربـع شهـوره=وآخره في يـوم جيـت ولا لقيتـك
أعتبر مسياري لجارك.. ضـروره=لجل أوقّـف موتـري قـدام بيتـك
وأنتظر لي ربع ساعة.. عند سوره=ماخبرت أني دخلته.. ما أحتريتـك
وأنت تأخذني على عميـا مشـوره=مسرفٍ بي لارحـم حيّـك وميتـك
تحسب أنّـي ناسـيٍ حبـك ودوره=لونسيت ابـوي وامـي مانسيتـك
الله اللي حطّ لك في العين صـوره=و الله أن يمحا نظرهـا مامحيتـك
تلمحـك روضٍ يقلدنـي زهـوره=ناعـمٍ لـو أنّـك بتوكـل كليتـك
موج حبك في الحشا صفقه وفوره=والظنون تسـد نفسـي لأشتهيتـك
وش تعللها عليه مـن الخطـوره=يامـعللها علـى ليتـك وليـتـك
واحدٍ من طاري أسمك طـق زوره=وش يقول أن سمع [لبيك وفديتك]
عذره بمخباة لـو يفقـد شعـوره=وأنت عذرك لارمـاك الله رميتـك
لاتهـز الغصـن وتطيّـر طيـوره=أتق الله وأحتـرم مجـدك وصيتـك
وأن حداك مساير النفس الغيـوره=مرحبـا مـن واحـدك لكمبليتـك
أرمني فالنار من عميـا مشـوره=وأسرف أسرف لارحم حيّك وميتك

ابي للشاعر / ضيدان بن قضعان ..!

[الريمي 2009]

تسلم يافهد على الموضوع
وابشر ياخالد باللي طلبته كانك داري اني انا اللي بعدك ولو تبي مجلد عنه حاضر

استلم:

اروي العيون وخلي القلب يظما=القلب له غيرك من الناس يسقيه
اللي بدونه ساحة العمر ظلما=حل الفؤاد ومرتع الطرش حاميه
انتي حدودك شوف والقلب يحمى=بفرسان حاكم قلبي اللي سكن فيه
ولو حبتك عيني ترى قلبي اعمى=وادنى ماسيل دمعته لا تبكيه
عيب الفؤاد انه ولو مات يكمى=حتى يشوف اللي يوده ويغليه
عطشان دار الحول ماشرب مهما=عرض عليه من ازرق الجم صافيه
لو صب نهر النيل باجَا وسلمى=وحول على الوادي ودجله تباريه
لموت عطشان وانا اعوم في الماء=ولا كل سيلن وادي القلب يحييه

ابي لشاعر مبارك ابن خليفه

[خالد وبس]

تفضّل

رجاء ً لا تعاتبني علـى الغلطـه وانـا معـذور=ترى ماهو بذنبي لا انطـوى التاريـخ باجيالـه
مضى دوري مثل دورك ودورات الزمـان تـدور=تدور وطبعها مـا تتـرك الرجـال فـي حالـه
اجاهد مثل غيـري واجتهـد واقـدم الميسـور=وكل ٍ دون وجهه يبـذل اقصـى جهـده ومالـه
لا صار الرجل من بين الرجال الوافيـه لـه دور=فعوله من يمينـه مـا رجـا عمـه ولا خالـه
يجازيه الله بفعلـه ومـن يشهـد شهـادة زور=سكت والا نطـق يقعـد علـى حزنـه وسلالـه
تعرف الناس ويش المنظر الاصلي من الديكـور=ولـو انـه بنـا قصـر ٍ كبيـر وكبّـر آمالـه
ويبقي للعزيز العـز دامـه مـا لحقـه قصـور=مـا دام البيـر بيـره لا ورد وحبالـه حبـالـه
يحجبون الضعوف الشمس .. لكن من يغط النور؟=على كثر اختراع العصر ما غطـت سنـاه آلـه
تمـر سنيـن وتمـر الاسابيـع وتمـر شهـور=وعاد الروض الاخضر فيه عشب وتشبع جمالـه
سماه اصفا من الما وارضه الخصبه ثمر و زهور=ويروي نهـره العـذب الـزلال وتـذري جبالـه
بشرع الله وحنـا لـه عبيـد وطاعتـه دستـور=ويموت ابليس فـي غبنـه وفـال الله ولا فالـه
تعلّم يا زمـان العولمـه كانـك قصيـر شبـور=ترى التاريخ وافي مـا يزعـزع قيمـة ابطالـه
ما دام ان الصقور صقور وعيال الصقور صقـور=فما زالت تجـدد سمعـة الشايـب مـن عيالـه

ابي للشاعر / علي بن حمري ..!

[الريمي 2009]

استلم ياذيبان

عرّض الطاري لبوحمري وغنّا
وأستوت له طرّقِته والقاف لا لا !!
ساع مالجّت هجوسه ماتونّا
هاجسه جبار 00وأفكاره تتالا
منيتي 00ياسِعد ابوقلبٍ تمنّا
واحدٍ موتي على شانه حلالا
قام يهدم في ضلوعي ماتبنّا
قبل عِرّفه وأصبحت جرفٍ هيالا
لاحني وأنا أحّسبني مستظنا
وأنتقض جرحي وانا حسبه تشالا
مُرّني ولاأدن مني واتدنّا
وأجعل دقاقي على شوفك اجلالا
ياهواي وياعنا قلب المعنّا
لو سمحت أسألك ياعمري سؤالا
ليه يوم أنك ذهب فى الكف حنّا؟
والهوى صحّاك ورموشك كسالا !؟
وليه عودك بين كفيني تثنّا؟
كن كفيني على لينه تمالا 00
غبت منا وأقبلت منا ومنا
وبعدها خليت للدمع المجالا
وعذري إن أيامها خرقا 00وخنّا
والربيع إن مر ورداته ذبالا
يابعد راسي وانا زبن المجنّا
جيت صوبك زابنٍ عمرٍ توالا
هاربٍ من سيف عنتر والمثنّا
راضياً في حكمته جل وتعالا
لاتطوّل غيبتك خطرٍ أجنّا
واحدٍ مهبول وتزيده هبالا
يوم شافك غبت هم هملك وغنّا
يالالالا00يالالالا00يالالالا

ابي طال عمرك لمبارك ابن عيينان

[لبيك]

أسلمو مبارك بن عيينان

ماشاالله الوالي على الرنج لافاع=فوع طير من ايدين الصقاقير
على ثلاثآ دونهن يسمي القاع=حول الحنيه واكفخن توه اعصير
وتل السبوق وخالط الغيم هزاع=والارض وعره والحباري معاشير
واقفا وراها مطلب الصيد طماع=وتقطعن دونه حبال المناظير
الله يقلل وفقة الطير لاضاع=ضيعة عمر كامل ولا ضيعة الطير
لاصار لون وجرم وافي وطلاع=واسبق من الشيهان وارهى من الجير
يملاك حزن وغيض وهموم واوجاع=ويدق في قلبك افراقه مسامير
ماكن له خوه ومقناص وامتاع=تجي له اصفى من حليب المصاغير
تامنه في كفك واذا طار خداع=في القاع غير ولاارتكز في السماء غير
تفرح اليامن شبع وتضيق لاجاع=وتنسى علشانه جميع المخاسير
فزته عندي فزة الرنج لاانصاع=لامري اليا كثرت علي التفاكير
ياالرنج عقب اشوي بنعقب انطاع=ويدٍ على السكان وايداٍ على القير
مابيك لامني تجاوزت ترتاع=الخط واحد والمواتر طوابير
ودون الرياض اهجر واشبوك واسباع=واخطوط وابيوت وحلال ومعابير
وانته جديد وغيرك اشكال وانواع=بس انت فيك يسطرون الاساطير
راحه رفاهيه الى حد الاقناع=مركب املوك وعشق كل الجماهير
ولاصرت ماارخصتك ولانيب بياع=مالك من الروضه مصد ومعاذير
صاحبك فيه اجنون وهيام واصداع=منا غلى احبابه ومنا المقادير
والشوق يدفع به على وصل قطاع=عمه اذياب وجده من امه الزير
وشلون مااقصد واطرق ابواب الابداع=واشلون ماقطع في رجاه المشاوير
يالرنج فيه اخلاق واعلوم واطباع=خلن بنات الفكر ورد ومصادير
ابطيت واحروفي كسبها بالاجماع=ام صباح الخير ولا مسا خير
يامرحبا ذلحين يامرحبا الساع=مابين هذي وذيك ياوين بااطير
جيته وريضان الغلا عطرها فاع=عسى البطا ماله على العشق تاثير

الشاعر حماد المري,,,