هذي قصيده للشاعر ضيدان ابن قضعان اخر قصيده

[king الوادي king]

بسم الله الرحمن الرحيم
يقول ضيدان ابن قضعان في اخر قصيده له نشرت////
يفعل الله مايشاء ومايريده &&&& والبن ادم ماله الا ماكتبله

ذعذع الغربي بنفحات(ن) فريده&&&&وان نظر قبله ووجه العبد قبله

والشعر قدلي مصد(ن) من جديده &&&& سامحن سماح ابو جعشه من ابله

مبطي(ن) ماقلتلي جمله مفيده&&&&لو قراح الشعر فوقي هل وبله

وينشد الملقوف بلسانه وبيده&&&&والشدايد ماكتب عنتر لـ عبله

ومن نشدني قلتله رحله سعيده&&&&جنب اللي مايبي ياكود سبله

يوم عاد الشعر مذياع وجريده&&&&ومن سمع ولا قرا شي(ن) طربله

صدت منه اللي هداني الله اصيده&&&&وان قطفلي يانعه وفرت ذبله

واخذت منه اغلى مزاياه الحميده&&&&واتفقنا ينتسبلي وانتسبله

كم رقابي فوق نضرات(ن) بعيده&&&&يوم مات الليث قبل يتم شبله

وكم خذاني في رضا العمه زبيده&&&&وصغت لرضاها كذا اسواره ودبله

وكم نكبني الشعر في اخطر مكيده&&&&وعشت قولت من تردالك فطبله

لين ربي ساق للمسيود سيده&&&&وارتكاله وارتواله واحتطبله

وشاعر لاقام مايرفع رصيده&&&&لايوقف ماقف(ن) ماينحسبله

بس دام الشعر موجاته عديده&&&&وتعرفله كل تلميذه وابله

في الجهاز النت تلقى ماتريده&&&&والفضائيات كل(ن) طق طبله

ومن بغا ينشاف سواله قصيده&&&&بالوزن والقافيه زينه وقبله

لاوقف قمنا نصفق للوليده &&&&حتى لو انا نعرف اللي كتبله

وكل حق(ن) جاك بهجاره وقيده&&&&كن مابعده على الدنيا وقبله

ويوم شفت الوضع ماقلنا نعيده&&&&والشعرماعاد يسوى عود ربله

خذتلي ركنه من الملعب وبيده&&&&لو تقول الناس هذا شاعر ابله

وشاعر(ن) يشك بان ضيدان ميده&&&&والله انه اياه واني ما احسبله


وسلامتكم _ الشاعر ضيدان ابن قضعان