عـلـي الــحـــراااام !!! قصيدة مدح في الامير سلطان بن حثلين للشاعر لشاعر سالم بن جخير

[ابومحمد الشامري]

هذه القصيدة قيلت في مدح رجل المواقف الامير سلطان بن سلمان بن حثلين الرئيس الفخري للمنتدى مجالس العجمان قالها الشاعر المبدع سالم بن جخير بن نادر العرجاني.

[img3]http://alajman.ws/uploader/pic/Image-119.psd.jpg[/img3]
الامير سلطان بن سلمان بن حثلين


الشاعر سالم بن جخير بن نادر العرجاني

على الله بدينا واتكلنـا خضـوع وديـن=وكلـن رفـع يمنـاه وأشـر بسبـابـه
على الله رجانا دايم ًفي العسـر والليـن=ولا خـاب طلابـه ولا خـاب طلابـه
وانا مؤمـن بالله واخافـه ليـوم الديـن=ومثلي على درب السّنع يشعب اركابـه
اعرف الحرار ولا علي من غراب البين=وراع الوفا عِرفه على راسي اعصابـه
يقولون علـم الغيـث والطيبيـن يبيـن=كلامٍ موثق والعـرب تحسـب احسابـه
على راعي الوقفات سلطان ابن حثليـن=سلامـي سـلامٍ سلّـم المجـد يرقابـه
سلامٍ سليمٍ مسلـمٍ بيـن قلـب وعيـن=من القلب ينطـق بـه لسانـي ويبدابـه
ترى المدح لاهل المدح مافيه شور اثنين=والى شفت فعل السيف تدري من انصابه
ابيك العريب ابن العريب اعرب الجدين=له النعم غصب وطيب لاعـدوا انسابـه
عريبٍ صعيبٍ فالمهمات واحمر عيـن=لياكبـرت القالـه وكـلـن تعـزوابـه
ليا قلت ياسلمان كـل العـرب داريـن=له البيض ترفع في حضـوره وفغيابـه
ياغالين لـو ماقلـت تـدرون ياغاليـن=وتراكم تعرفون الغـلا وشهـو اسبابـه
ياشجعـان ياكسابـة النعـم ياوافـيـن=لامن شيّدوا بيت الكرم فانتـوا اطنابـه
لكم هيبةٍ من عصـر راكـان لاهلحيـن=نماري بها من عصر راكان واصحابـه
على عصر سل السيف والرمح والسكين=الين اصبحـت ذالحيـن مدفـع ودبابـه
اقوله وانا مـن لابتـن فاللقـا صلفيـن=هل الموقف اللـي كـل قـومٍ تحاكابـه
اهل مرحبا بالموت والموت وينه ويـن=صبينا على صوت الزهم يفقد اعصابـه
الا صيحـوا فهشـام ماعندنـا بعديـن=رجـالٍ علـى ماقيـل للـروح جلابـه
نشكل معاكم في وجيه العـدى صفّيـن=ذيابـه والا منّـا فزعنـا مـع اذيابـه
بني عمكم لاعـوّد العلـم بيـن وبيـن=نهـد الحـرار وكـل حـرٍ ومخلابـه
كلامٍ يعرفه قاصـي النـاس والادنيـن=وشيبانـك ادرابـه وشيبانـي ادرابــه
بقى حاجةٍ وحده لسلطـان ابـن حثليـن=ابااقولهـا لـه نطـق بلسـان وكتابـه
كتبت المفيـد ومابقالـي سـوى بيتيـن=تهقويت فاللـي سِعـد منهـو تهقوابـه
عريبٍ صعيبٍ وافـيٍ جامـع الثنتيـن=شجاعٍ يحـب المـوت ومشـرعٍ بابـه
علي الحرام انك كما السيف ابو حديـن=ورجلٍ سواتك لاحضـر يعتبـر لابـه

[الحظ جـابكـ]

لاهنت على نقل القصيده يا
بوحمد

[حبيب]

ترى المدح لاهل المدح مافيه شور اثنين
والى شفت فعل السيف تدري من انصابه

كفوووووووووووووو ويستاهل المدح ابن حثلين

صح السانك يابو حمد ولسان ابن جخيرررررر

تحياتي

[ابومحمد الشامري]

مرحبا الف بالاخ العزيز المان العرب لا هنت على التعقيب والكلام الطيب ما قصرت يا السنافي وما عليك زود

[ابومحمد الشامري]

مرحبا الف بالاخ العزيز حبيب لا هنت على التعقيب والكلام الطيب ما قصرت يا السنافي وما عليك زود

[راكان اليامي]

ونعم في ابن جخير
ويستاهل المدح ابن حثلين ولا على العرجاني زود ولاهنت يابن شايقه

[السنافي]

لاهنت يالقرم ابو حمدالشامري على القصيده الجزله

وصح لسان الشاعر سالم العرجاني وعز الله انه ماقصر وانها قصيده جزله

[ابومحمد الشامري]

مرحبا الف بالاخ العزيز راكان لا هنت على التعقيب والكلام الطيب ما قصرت يا السنافي

[ابومحمد الشامري]

مرحبا الف بالاخ العزيز السنافي لا هنت على التعقيب والكلام الطيب ما قصرت يا السنافي

[عبدالله الوعيلي]

اقوله وانا مـن لابتـن فاللقـا صلفيـن
هل الموقف اللـي كـل قـومٍ تحاكابـه
اهل مرحبا بالموت والموت وينه ويـن
صبينا على صوت الزهم يفقد اعصابـه
الا صيحـوا فهشـام ماعندنـا بعديـن
رجـالٍ علـى ماقيـل للـروح جلابـه
نشكل معاكم في وجيـه العـدى صفّيـن
ذيابـه والا منّـا فزعنـا مـع اذيابـه
بني عمكم لاعـوّد العلـم بيـن وبيـن
نهـد الحـرار وكـل حـرٍ ومخـلابـه
كلامٍ يعرفـه قاصـي النـاس والادنيـن
وشيبانـك ادرابـه وشيبانـي ادرابـه


ونعم يا العرجاني
ويستاهل ابن حثلين

لا هنت يا ابو حمد