يا الهي يا عظيـم وياحليـم & عفوك المسـلم يحقق به رجـاه

[النـــادر]

هذه قصيدة تحمل مشاعر متلاطمة .. غاضبة خرجت من قلب جُرح حينما أقدم صحفيون دنماركيون ومن على شاكلتهم ممن لا يعرفون مقدار الرحمة المهداة للبشرية محمد بن عبدالله - صلى الله عليه وسلم - الذي حمل مشاعل النور والهداية ودل على سبل الخير والفلاح ، فوصفوه بما هو بريء منه وألحقوا بشريعته ما كان ينهى عنه - صلى الله عليه وسلم - من الظلم والإرهاب..

--------------------------------------------------

يا إلهـــي يا عظـــــيم ويا حلــــيم=عفــوك المســلم يحقق به رجــــاه
عذت بك من كل شيطان ٍ رجيم=وأســألك عن كل مكــروه النجـــاه
هالنا ما صاغه الفكــــر الســــقيم=باع عقله واشـــترى غيّ وســـفاه
وامة الإســــــلام بالعقل الســــليم=تعرف الهادي..ومَن هو في حماه
وتتــبع دينه على النهج القـــــويم=وتعــلم إن الله شـــان ٍ من شــــناه
ميّـــزه باللين والخـــلق العـــــظيم=والكتــاب اللي ينــــوّر من تــــلاه
نزّهه مــولاه بالذكـــر الحكــــــيم=وخلـــّـــــد التنزيه له طول الحـياه
بالفلاة وبين زمـــزم والحـطـــيم=يتـــــردد بالأذان وبالصــــــــــلاه
وان تطاول حاقـدٍ والا غشـــيـم=قيل حــدك كـل خـــير ٍ في هـــداه
المغــالــط والمكــابر واللـــــــئيم=خاســر ٍ ســـعيه وســعي اللي وراه
لا تجلا البدر في جوف العتــيم =أبصر السـاري..ولا تاهت خطــاه
كل من في مهبط الوحي الكـريم=لا بدا الواجـــب يلـــــبي له نــــداه

-----------------------------------

شعر الأمير عبدالعزيز بن سعود بن محمد آل سعود

[العرجاني محمد]

صح لسان الأمير عبدالعزيز ولا هنت ياالنادر على الأختيار الزين والقصيدة الجزلة

[النـــادر]

ومن قال ما يهون , صح الله بدنك , شرفت القصيده ونورت الموضوع

الف شكر .

[فهد بن محسن]

لاهنت اخوي النادر على الاختيار

وصح الله لسان السامر

تحياتي لك

[بدر العرجاني]

صح لسان الأمير عبدالعزيز ولا هنت ياالنادر على الأختيار الزين والقصيدة الجزلة