خالد بن مدعث الخرفاني الدوسري

[العـــسر]

السلام عليكم ورحمة الله وبركاته


مساكم الله بالخير


هذي القصيده للشاعر خالد بن مدعث وقد أعجبتني

أقدمها لكم وأتمنى أن يحوز أختياري على إعجابكم

شريت وجيه ... وبعت وجيه ... وأدوّر وجيه إكرام=أدوّرهم على عين ٍ نظرها في الرجال إيصيب
ولو آخذ خاتم إسليمان .. وأطلع للعرب سوّام=أبقدر أشري وجيه العرب ... مير القلوب إصعيب
وألا يا صاحبي صار إلهجوسي في الضلوع إزحام=نصتني كنّها اللي قال : خذها من يمين إصحيب
بعد من شلت ست وعشْر .. مع ست وثلاث أعوام=أصيح إلراعي الأدباش ... وإلا أهرول إمع الذيب
قضى عمري ... نفذ صبري .. تعبت .. وتعْبت الأقدام= أواعزتي للي يدوّر في الحياة إذهيب
يقولون الفقير اللي طعامه ... ما عليه إيدام=وأنا أقول الفقير اللي حياته ... ما بها تجريب
يكفيني نهار الكون ... مجرود ٍ بدون أكمام=أحطّه ذخر من ختْل الليال إمولدات الغيب
ويكفيني من الدنيا ... صلاه وحجة ٍ وإصيام=إتجاوب عن سؤال المنكرين إن ما قدرت أجيب
ويكفيني من العالم ... خوي ٍ معرفتْه إوسام=حما ظهْر الرفيق ... وباسط اليمنى جميل وطيب
يموتون العرب ... والذل ما زاد الذليل إبـــ (عام )=ورضا العالم ... مثل منوة عقيم ٍ ما يجي له صيب
حبيب الله محمد ما رضا به منكر الإسلام=أجل وشلون ... لا صرنا بشر ... منّا الذنوب إتشيب
نسينا تسعة الأشهر ... نسينا ظلمة الأرحام=نسينا الموت ... والقبر ... ومقر الحور ... والتعذيب
ومشينا العمر نضحك ... والنفوس إتصارع الآثام=مساكين ٍ نطيع إبليس .... لو قلنا عليه : ( إيهيب )
لاضاقنّ الليالي ... قالوا إن العيب في الأيام=وأظن الناس ... هيّ اللي على طول الليالي عيب

[shmoo5_ al_ajmy]

أنا الاولي هنا

العسر
جميل جميل ما سطرته لنا في متصفحتك الرائع

شاكرة لك مجهودك المميز

لك مني أرق التحايا واعذبها

[العـــسر]

بنت المشاعر


يا مرحبا


لاهنتي على هذا المرور العطر



تحياتي لكي

[الغروب]

العسر

اختيار موفق للشاعر خالد بن مدعث وصح لسانه

ولك كل الشكر .

[خالد وبس]

لاضاقنّ الليالـي ... قالـوا إن العيـب فـي الأيـام
وأظن الناس ... هيّ اللي على طول الليالـي عيـب



الله الله الله
انت عسر حتى في اختياراتك المميزه
صح السان شاعرها وتسلم يمينك يا شاعرنا


تحياتي لك

[" مــــابه جديــــد "]

منين مالقيت وجهك ماخذ من نكك نصيب الاسد

لااهنت على ذالاختيار المميز

سلاام

[عايض الوقدان]

يا سلام


يا سلام





قصيده راائعه


واختيارك رووعه يا العسر


تقبل مروري واعجابي بذائقتك

[حـــوران]

يموتون العرب ... والذل ما زاد الذليـل إبـ(عـام )=ورضا العالم ... مثل منوة عقيم ٍ ما يجي لـه صيـب
حبيب الله محمـد مـا رضـا بـه منكـر الإسـلام=أجل وشلون ... لا صرنا بشر ... منّا الذنوب إتشيب

انشهد انه صادق




,., العسـر ,.,

خوش نقوه
صح ذوقـك وسلمت اصابعك , وصح لسـان خالد بن مدعث
اختيار جزل
تقبل كل الأحترام والتقدير

[غـشـام]

ذكرتني في أوّل مره سمعت فيها لخالد مدعث
الله يذكرها بالخير هذيك الأيام

و أبومدعث يوقف الكلام عنده
شاعر مخضرم مُتمكّن


العسر ... إختيارك رائع جِداً
سجلني من المتواجدين
هنا
غشّــام

[العـــسر]

الغروب

لاهنتي على هذا المرور الكريم

تقبلي جزيل الشكر