السلام عليكم ورحمه الله وبركاته
حياكم معانا في هذي القلطه
الشاعر سعد بن عبدالله الهتلاني العجمي الله يرحمه والشاعر ضيدان بن صبحان اللزيزي العجمي
كان بينهم رفقه وصداقه وكانت بينهم محاورات كثير ,, نذكر لكم بعضها ,, وطبعاً كل محاوره لها موضوع ومناسبه
مختلف ... للعلم ضيدان رجال كبير بالعمر وسعد الله يرحمه كان توه شباب ,,
محاورة المقهى:
ضيدان :
تطلب لي الشاهي وتطلب لك حليب
وانـا علـى الحلـيـب كـبـدي ذايـبـه
انا احمد الله يوم ما انت بلي نسيب
يقـطـع صـبـيً مــا يـقــدر شـايـبـه
==================
سعد الهتلاني
قم اطلب لنفسك ترى مانت بغريب
ولاني بطالـب لـك ولانيـب بجايبـه
تبغى الكفيـا يـوم طريـت المشيـب
واتعبتـنـي مـثـل الـوزيـر ونـايـبه
==================
ضيدان
في خوة الطيب انا مالي نصيـب
ومن خوة الرديان نفسي طايبـه
قد كان ظنـي فيـك للعلـه يطيـب
والاريا بها مخطي وفيها صايبه
=================
سعد الهتلاني
كـل يبـي يرمـي رفيقـه فـي القليـب
وابـلـيـس نـــوخ عـنـدنـا ركـايـبـه
وعلمته الممشى سبقني في الخبيب
الـلــي عـلـومـه كـلـبـوهـا خـايـبـه
==================
في السفر على الخط السريع
================
ضيدان
اللي يلوح لـك علـى الخـط السريـع
الظاهـر انـه يــا سـعـد مــن ربعـنـا
وقف ترى المعروف عمره مايضيع
خلاّيـة الرجـلـي مـهـي مــن طبعـنـا
==================
سعد الهتلاني
هذي سواتك قبل للتكسي تبيـع
من لا يعرفك يبتلش في وضعنا
صاحبك هذا وقفته وقفـة خليـع
حنا على الشارع وريحه نشعنا
=================
ضيدان
خله ونرجع له الى طـاح الربيـع
ذا عرضتـه يمكـن تفـرق جمعنـا
حنا ما صدقنا ان حن ناتي جميع
وشفنا تهاوشنا وهـو مـا سمعنـا
=================
ضيدان يتشره على سعد الهتلاني
ضيدان
عطنا من اللي ياسعـد ربـي عطـاك
عندك فلـوس فـي البنـوك و نايمـه
وانـا رفيقـك دايـمٍ و امـشـي وراك
وما ادري متى تمطر سماك الغايمه
=================
سعد الهتلاني
اللي عطاني خير بالشحذه بلاك
هـذي عطايـا الله وذي قسايمـه
يومك حسود وتـو مابيـن رداك
ما عندنا لـك مـا يفطـر صايمـه
=================
ضيدان
أظن من زارك ببيتك ما نسـاك
ولا أظـن مثلـك تنسـي قدايمـه
يا رجل فكر زين والرب يهداك
عزم ترى الرجال من عزايمه
=================
سعد الهتلاني
تعش عندي جعل ما تاكل عشـاك
عسـى تعشـاك الطيـور الحايـمـه
واللي لنا جابك عسى يقطع مداك
واللـي يبـي فرقـاك مـحـدٍ لايـمـه
=================
ضيدان مسير على سعد في خيمته
ضيدان
يومين غيري يا سعد ما حدن جاك
متكرسع(ن) في خيمة لـك صغيـره
وابي تغني لـي وانـا اسمـع غنـاك
وترى الغنا ماهـوب بـس لسميـره
==================
سعد الهتلاني
العلقم اللـي لونـه احمـر عطينـاك
مكـثـر شـايــه ولا فـيــه شـيــره
خذ لك بيالـه وانقلـع عنـي هنـاك
ما عندنا لك يا اسود الوجه غيره
واللـي تسبـه قبـل يوميـن غـداك
والبارحـه عشـاك يبغـى الستيـره
=================
وهذي اشهر ردية بينهم :
سعد
ضيـدان مـا ودك نشكـل عصابـه
نحتـل بعـض بنوكهـا والمـحـلات
اما يجـي لـي والـك قـدر ومهابـه
والا تبيـتـنـا بـيــات الشـريـفـات
والرجل ودك يشتهـر فـي شبابـه
بالطـيـب والا بالعـلـوم الـرديـات
ولا يهتني ف اكله ولا في شرابه
اليـن تطلـع صـورتـه بالمـجـلات
================
ضيدان
لا تحسب انا يا سعد وسـط غابـه
هاللي تراوى لك تراهن عمارات
وموضوعك اللي جبت كله غرابه
والظاهر انـه سابـع المستحيـلات
واخـاف لا تنبـح علـيـك الكـلابـه
ثم هات نسلم من مخاليبهـا هـات
يا بوك ما عمـري دخلـت النيابـه
ومن العمر ما بقـي كثـر مـا فـات
وان كان تبغى الراي قبـل يغدابـه
من واحد جـرب جميـع الحيـالات
خل الحطـب للـي يعـرف الحطابـه
نهارنا شمـس وفـي الليـل لمبـات
==================
وســــلا مـتـكـم
م . ن . ق . و . ل
22-11-2007, 09:11 AM
العرض العادي
المواضيع المتشابهه
