ابن مجحود فالشيخ عبدالمحسن الدامر و آل الدامر

[مسعطر]

الشاعر: عبدالله ابن ربيع ابن مجحود العجمي
في الشيخ عبدالمحسن ابن عبدالرحمن الدامر..

راكب اللي لا أشتغل كنه شلال= إلا تطوّح من رفيع التحاويل
علامته يا (L) يا قوس يا هلال =تمثال في و جهه من أحلى التماثيل
عاده جديد ولا ركب فيه جهّال =كنه هنوف(ن) لبسوها الخلاخيل
في شنطته نجر(ن) و محماس و دلال= و دفيتر(ن) مكتوب فيه المراسيل
حنا مناديبه و ناصين جمّال= شيخ المواقف لا تنحوا الجماميل
حرك لأبو خالد و ملفاه رجّال =اللي محلّه مدهل للرجاجيل
نسل الشيوخ معرب الساس و الخال= المشكل سلالة رجال مشاكيل
بني لكم في المدح قلعة و تمثال =و نعرض بها عرضة ما هي مواويل
بعد المغازي ذكرها يشته البال =هوايل ميراد حرب التهاويل
بعد المغازي قالها كل من قال =و أفعالكم صدق ولاهي تهاويل
مطلاعكم مرقاب ذربين الأفعال =جدانكم قد مهدوها مداهيل
ماكر مشاكيل النشاما بالأطلال =اللي تكلف ظمر الهجن و الخيل
محلكم يا شيوخ ملفى و مدهال =و قبالكم يشرح قلوب المقابيل
ما زال فيّ الجود والله ما زال= راحوا حلاحيل و باقي حلاحيل
قدم لأبو نايف من البن فنجال =و أيظا لأبو خالد نصب الفناجيل
اللي تحيي جارها بالتبهلال =و جيرانهم ما تشتكي الظيم و الميل
و النعم مكسبهم و رحب و سهال =و ترحيبنا مخلوط بالعود و الهيل
يا مرحبا ترحيبة ما لها أمثال =مثل العسل يا صاحبه كثر الكيل
اللي جمايلكم من الدق و جلال =و جمال لامن برّكت شالت الشيل
أهل النقا و الصدق و زحول و جبال =و أنتوا الدوامر بالكرم نيلكم نيل
جنابكم مفروش ملفى و منزال= يا عروة(ن) يقضب بها فاتر الحيل
ذرا الضعيف ألا زما دونه الجال= فزعاتهم تزمي كما عايم السيل
هنا الرسالة و أنقل النعم مرسال =و الناس تمشي صوبكم بالمراسيل
أمداحكم بين العرب بيض و جزال =و هذي ردود أفعالكم و المحاصيل
أقولها ما أرسلتها عبر جوال= ألين يفتح دفتري للنقاقيل
و أبغى العذر إن كان كرسيها مال= و الهرج واضح ما يبيله تحاليل
و صلاة ربي عد ما هل همال =و عد الآذان و عد ما قيل تهليل
على الرسول اللي ومر عبده بلال= يذن على المسجد بعد تالي الليل

دمتم بود..

[ابومحمد الشامري]

صح لسانك يا مسعطر ويستاهلون المدح ال دامر وبيض الله وجه ابن مجحود

[مسعطر]

المشاركة الأصلية كتبت بواسطة ابوحمد الشامري

صح لسانك يا مسعطر ويستاهلون المدح آل الدامر وبيض الله وجه ابن مجحود

اررحب يا ابو حمد و شكراً على مرورك يا مرحبا ومسهلاا

[سهيل..؟؟]

تسلم اخوي وقصيده رائعه..
.
.
..................

[مسعطر]

المشاركة الأصلية كتبت بواسطة سهيل..؟؟

تسلم اخوي وقصيده رائعه..
.
.
..................

أشكرك على المرور يا الأخ سهيل.

[سعود الخويطري]

صح لسانك يـ مسعطر وصح لسان شاعرها ابن مجحود



ويستاهلون المدح ال دامر



وبيض الله وجهك وشكرا لجهدك الطيب ,,,

[مسعطر]

المشاركة الأصلية كتبت بواسطة سعود الخويطري

صح لسانك يـ مسعطر وصح لسان شاعرها ابن مجحود



ويستاهلون المدح ال دامر



وبيض الله وجهك وشكرا لجهدك الطيب ,,,

أشكرك يا سعود الخويطري على المرور و يا مرحبا ومسهلا

[راكان المحفوظي]

والله وسبعين نعم في الدامر وبيض الله وجهك يا مسعطر على النقل وصح لسان ابن مجحود

[مسعطر]

المشاركة الأصلية كتبت بواسطة راكان المحفوظي

والله وسبعين نعم في الدامر وبيض الله وجهك يا مسعطر على النقل وصح لسان ابن مجحود

أشكرك على المرور يا راكان المحفوظي يا مرحبا ..

[فهد الوران]

تسلم اخوي وقصيده رائعه