مجلس قصائد قيلت في قبيلة العجمان ويام كافة يعنى بقصائد التي قيلت في امراء وفرسان واعيان قبيلة العجمان وقبائل يام كافة وذكر مفاخرهم

رد
 
أدوات الموضوع طرق مشاهدة الموضوع
  #1  
قديم 04-06-2006, 11:54 PM
عبدالله آل عامر عبدالله آل عامر غير متصل
 
تاريخ التسجيل: May 2006
الدولة: Kuwait
المشاركات: 19,948
معدل تقييم المستوى: 37
عبدالله آل عامر is on a distinguished road
Thumbs up قصيدة شراري يمدح يــــــام

هذي قصيدة لواحد من قبيلة الشرارات يوم راح لنجران:-

بسم الله أبدأ فارض خمـس الأركـان=اللي ختـم باليـل ضـوح النهـاري

ذليل من لا كـان عصمتـه الإيمـان=ولا خاب من هو بالأمور استخـاري

ومن بعد ذكر الله آبـا اقـول بلسـان=وأبـدي بشـيء فبـه واثـق وداري

جابتني القسمة علـى ديـار نجـران=وكلن عن المقسوم مـا هـو بـداري

ولجيتـي مـا كـان بالبـال حسبـان=وما كان قبل آجي عنـدي طـواري

لأني بعيد ديار .. مـا هـو بنقصـان=بأرض الجنوب وأنا بعيـد مـزاري

نسمع بهم بالطيب وبالوصف شجعـان=وفي مدحهم كلن قصـر بالمحـاري


من الشمال مـن الهبايـب والأمـزان=ومن وادي السرحان يبـدا مسـاري

من جوف مارد والصعيدي وسرحـان=ومن زعبل لكاف وسمـر الحـراري

ومـن الحديثـة و القريـات عنـوان=ومن سهلة بسيطا وفيـض الخبـاري

من الميسـري و النبـك دور وقلبـان=ومن طبرجـل والنبـاج وشغـاري

وحرار ليلى ومن عرايس على صفان=ومحميـة الخنفـة لتيمـا يـسـاري

وادعت أنا أحباب وصحبـه وخـلان=والقلب من فرقـا المحبيـن ثـاري

سافرت عن ناس لهـم بالغـلا شـان=ربعي اليا مال الزمـن و استـداري

أولاد مكلـب مـن سـلالات قحطـان=عون الصديق وخصم للـي يمـاري

اللـي يمـدون اللبـن كـل الأحيـان=واللي لهم في كـل عـزم اقتـداري

عنهم و في قلبـي مـن الهـم نيـران=نويـت بالممشـا ولا بـه خيـاري

لدرة جنـوب المملكـة أرض نجـران=يـوم لفـا التعييـن دون اختيـاري

لخدودها و لسدهـا ماضـي وأزمـان=ولجبالهـا وسهولهـا و الـبـراري

الله كساها مـن الحـلا كـل الألـوان=و عطورهـا عـود وبـن وبهـاري

وحسن الطبيعـة فـي تـلال ووديـان=والمي والخضـرة وزيـن العمـاري

لفيـت نـاس بالمكـارم لهـم شـان=اهـل مواجيـب بحسـن الجـواري

ناس لهـم بالمرجلـه مجـد و عنـان=ولهم بهـب الريـح ذكـر وطـاري

هم للكرم والجـود موطـن و عنـوان=وهـم للشدايـد والفـزع والكـراري

منطوقهم أرحـب وحييـت يـا فـلان=تلقى التحيه مـن كبـار وصغـاري

ما جور منا و السلامـه و الإحسـان=كيف أنت ، طيب ، ويش حالك عماري

أرحب وقلط لك علـى حيـل سمـان=وتلقـى العلـوم الغانمـة بانتشـاري

محزم وجنبيـه زهـت فـوق الاردان=وعصبه على الراس تلـف وتـداري

رجال يام أن جيـت شيبـه و شبـان=نعم بهـم وان حـل فيهـم طـواري

ربع لهم بالحـزم و الموزمـه شـان=سواطيا يشـرون مـوت الحمـادي

وأنا أشهد أن الطيـب كلـه بنجـران=شهـادة مـا هـي لبايـع وشـاري

هذي شهادة حق مـن قلـب ولسـان=ويالله عسى قـول الحقيقـة شعـاري

و الحمـد لله كلنـا بأمـن و أمــان=بالمملكـة عـم الرخـا والوقـاري

اله الثنـا و الشكـر منـا و عرفـان=ساد الأمن والأمان مدن وصحـاري

ترعى الغنم بجانب الذيـب سرحـان=واستفلت الغـزلان هـي والحبـاري

بأرض السعودية جماعـات واخـوان=من وين ما وجهـت الـك افتخـاري

وبالخاتمة صلوا علـى نسـل عدنـان=عد المطر واعداد رمـل الصحـاري

وأنا اعذروني إن كان بالقول نقصـان=وتقبلـوا أشـواق شاعـر شـراري

 

التوقيع

 





 
 

التعديل الأخير تم بواسطة : عبدالله آل عامر بتاريخ 05-06-2006 الساعة 12:00 AM.
رد مع اقتباس
  #2  
قديم 06-06-2006, 03:33 PM
سعود الخويطري سعود الخويطري غير متصل
 
تاريخ التسجيل: Jan 2005
المشاركات: 4,778
معدل تقييم المستوى: 24
سعود الخويطري is on a distinguished road

بيض الله وجه الشراري



والحق ماتجدة الا عند الطيبين وصح الله لسانه



وسلمت يمناك يالعامري



تقبل سلامي واشواقي

الخويطري

 

التوقيع

 

 
 
رد مع اقتباس
  #3  
قديم 06-06-2006, 05:04 PM
عبدالله آل عامر عبدالله آل عامر غير متصل
 
تاريخ التسجيل: May 2006
الدولة: Kuwait
المشاركات: 19,948
معدل تقييم المستوى: 37
عبدالله آل عامر is on a distinguished road

حياك الله يالخويطري
وأتشرف بمرورك

رد مع اقتباس
  #4  
قديم 07-06-2006, 12:41 AM
محمد ال الضريره محمد ال الضريره غير متصل
 
تاريخ التسجيل: May 2005
المشاركات: 342
معدل تقييم المستوى: 19
محمد ال الضريره is on a distinguished road

انا اشهد ان الطيب كله بنجران @ شهادة ٍماهي لبايع وشاري
اشهد يالشراري اول وتالي غصب وطيب دنيا ودين
بيض الله وجهك يالشراري وماعليك زود
كم كنت اتمنى ان اعرف اسمك
واصلك لمحلك واكرم شاربك
فاللي مثلك يستحق الكرامه
والحمد لله كلنا بامن وامان @بالمملكه عم الرخا والوقاري
الحمد لله رب العالمين احمده واثني عليه
الغالي عبدالله ال عامر
بيض الله وجهك يالعامري
خالص تقديري

رد مع اقتباس
  #5  
قديم 07-06-2006, 01:54 AM
عبدالله آل عامر عبدالله آل عامر غير متصل
 
تاريخ التسجيل: May 2006
الدولة: Kuwait
المشاركات: 19,948
معدل تقييم المستوى: 37
عبدالله آل عامر is on a distinguished road

ووجهك يابن الضريرة
تحياتي لك

رد مع اقتباس
  #6  
قديم 12-06-2006, 11:34 AM
محمد اليامي17 محمد اليامي17 غير متصل
 
تاريخ التسجيل: May 2006
المشاركات: 368
معدل تقييم المستوى: 18
محمد اليامي17 is on a distinguished road

لاهنت ياعبد الله وصح لسااان شاعرهاااا




تحياتي

 

التوقيع

 

 
 
رد مع اقتباس
  #7  
قديم 12-06-2006, 07:59 PM
عبدالله آل عامر عبدالله آل عامر غير متصل
 
تاريخ التسجيل: May 2006
الدولة: Kuwait
المشاركات: 19,948
معدل تقييم المستوى: 37
عبدالله آل عامر is on a distinguished road

ولاانت ياليامي17 وصح بدنك

رد مع اقتباس
  #8  
قديم 17-10-2007, 04:04 PM
raindance raindance غير متصل
 
تاريخ التسجيل: Jun 2006
المشاركات: 1
معدل تقييم المستوى: 0
raindance is on a distinguished road
Thumbs up رد: قصيدة شراري يمدح يــــــام

يابن الضريرة - يا ابن يام لطامة خشم العايل اللي قصد القصيدة قال الحق ولا يبي من وراء قولة الحق كرامة لأن مهما قيل بيام من مديح يعتبر ما انصف هالقبيلة . كلمة الحق تقال بدون جزاء ولا شكورا.

رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى

المواضيع المتشابهه
الموضوع كاتب الموضوع المنتدى مشاركات آخر مشاركة
قصيدة قديمة للصومالي يمدح ال عامر وابن شويل بعد وقعة الغريميل اليامي2 مجلس قصائد قيلت في قبيلة العجمان ويام كافة 39 27-03-2011 04:08 AM
أصدق الدلائل في مقتل ذيب بن هدلان المقاطي مجلس التاريخي العام 63 16-02-2011 01:51 PM
نبذه عن عتيبه الهيلا ( لطامة العايل ذباحة الحايل ) محمد بن دويش مجلس التاريخي العام 30 14-01-2010 02:38 AM
قصيدة بن عبدان آل جحيش المري ردعلى قصيدة ضد آل مرة شامان بوحدين المري اليامي مجلس قصائد قيلت في قبيلة العجمان ويام كافة 19 11-08-2007 11:59 PM
قصيدة لـ / سعيـــد بن سعيــد بن البـــلداء العرجاني محمد مجلس قصائد قيلت في قبيلة العجمان ويام كافة 24 14-01-2006 04:53 PM

 


الوقت في المنتدى حسب توقيت جرينتش +3 الساعة الآن 12:24 AM .


مجالس العجمان الرسمي

تصميم شركة سبيس زوون للأستضافة و التصميم و حلول الويب و دعم المواقع