يــــــــــــــــــــــــــاميه رائعه

[مبارك المري]

السلام عليكم و رحمة الله وبركاته


انقل لكم هذه الرائعه واتمنى ان تنال على الرضى

اليـوم يكفـي ماظهـر ياليـل ياليـل العـذاب=اضنيتنـي بمساهـرك والنـوم صـرت أحايلـه
حملّتنـي مـالا تحمّلتـه وانـا تـوّي شـبـاب=مابيـن صلفـات اليالـي والحضـوض المايلـه
ضاقت بي الدنيا وضاقت بي وسيعـات الرحـاب=اصبحـت شيـخٍ للمواجـع والـحـزن قبايـلـه
تزاحمـت فـي داخلـي تقـول زحمـة اكتتـاب=احـدٍ معـه بطاقتـه واحـدٍ بكـرت العايـلـه
ياربعنا ياللي على الحـد العـلا ياهـل الركـاب=سوقـوا عليهـا لاتنحّـى الفـيّ عقـب القايلـه
تنحّـروا مـن يجهـل العليـا وودّولـي كتـاب=قولو يقـول المشرفـي كانـه نشـد مـن قايلـه
لايحسب انّـي يـوم اعدّيهـا تروعنـي الذيـاب=الخـوف للّـي لابتـه مثـل العصـيّ الدايـلـه
لا والله انّي من سلايـل يـام ياسـاق الغـراب=ولا يزعزعنـي كــلام الـزمـره المتمايـلـه
اسمع ولا اجهل كيف اجاوبها ولااعرف الأنسحاب=منهو مشى في خطوتي ماينقصـر ممشـاي لـه
كيف اتهاون مـن يـرد العلـم يامـال الذهـاب=وانا مـن اللـي لـو يعـدّون العـرب أواااايلـه
ربعي سلاطين العرب لاصار في الوقت انقـلاب=عاداتنـا كسـب الوفـا واهـل الوفـا والطايلـه
علومنا فـوق القمـر وارجيلنـا فـوق التـراب=وعقولنـا مثـل الجبـال الراسـيـات الهايـلـه
لما اعتزا الطارف تجمّعنا كمـا دهـم السحـاب=نمطـر بنـوٍ يستهيـض القـرم لامـن خايلـه
مدهالنا الوادي العوج ماكـر وحنّـا لـه حجـاب=كم شيـخ قـومٍ انكفـت مـن وقعنـا رحااايلـه
حامينهـا وحدودنـا مـع الدواسـر والحـبـاب=والربـع مايجهـل ولا تجهـل قبايـل واايـلـه
افعالنـا وافضالنـا ماتنلحـق مثـل الـسـراب=يبطـي ولا يلحـق صغيـر فعلـونـا فعايـلـه
في هيّـة الحايـر وهيّـة بـدر يلقالـه جـواب=وتنبيه عنّا الدار واهـل السيـف واللـي شايلـه
يوم ابن هادي راح قبله بين نـاب وبيـن نـاب=وعـدّ الرياحيّـه علـى شافـي مـع دوايـلـه
ولا مع الوهّـاب يـوم انّـه غـدى فـصٍ وذاب=ولا القطايط يـوم شافـوا فـي الزمـن هوايلـه
ولا جموع الزيد يوم انّه عـن الهوشـات تـاب=ولا مـع مـن لايـعـرف ان اليـالـي آيـلـه
حرايبٍ لو شافهـا طفـل المهـد شيّـب وشـاب=الوصف مايفّي الحدث ولو عطيت أقصـاي لـه
صبيّنا يهوي على الاعدا كمـا يهـوي الشهـاب=وكبيـرنـا والــي تقدّيـنـا مـعـه مثايـلـه
سـمٍ علىمنهـو يعادينـا وللطـيّـب طـيـاب=ان كـان للنّالـه ملـك حنّـا ملـووووك لنايلـه
اقسى من الحيد القوي وأسن مـن روس الحـراب=وأشد مـن قلـب الشقـي لاجـا الفقيـه يسايلـه
وابعد من نجوم السما واقنى من اجـواف القـراب=وأحب مـن علـم المطـر وألـذ مـن همايلـه
أحلم من الزهّاد واسفـه مـن مـدوّرة الشـراب=واحمق من الجاهل وأفض من الشعـاب السايلـه
تشوفنـا كـن حـن سكـارا ولانـذل ولانهـاب=ندمح ولا نخطي ولا نرضـى الخطـا ونكايلـه
قصور وحصون الدول ناتـي ونجعلهـا خـراب=تصبـح علـى ماقدمـت يدهـا وتمسـي زايلـه
حتّى ملوك الجن تخشانـا ولا ترضـى العتـاب=منّـا ولا تخفـا مواطـن جدّنـا وأصاااااايـلـه
كانه درى عنها يضـمّ الجمـع ويزيـد الزهـاب=ولا يـارد العـدّ الحـلـي الا بـعـد حثايـلـه
ذكرى ترى الذكرى تفيد الخلق ياسمـح الجنـاب=ولاعاش رجـلٍ يقبـل بسيـف الذليـل يعايلـه
قولوله انّه لابـدى يـوم الحظـا بعنـا الرقـاب=فامّـا عـروقٍ قاسيـه .. ولاّ عصـيٍ دايـلـه

الشاعر : علي بن مشرف

[حبيب]

أحلم من الزهّاد واسفـه مـن مـدوّرة الشـراب
واحمق من الجاهل وأفض من الشعـاب السايلـه

مبارك صح السانك والسان ابن مشرف

ولاهنت على نقل هذه الرائعه سلمت يمينك

لكن عندي استفسللر يامبار

وش المقصوود بذالبيت

ولا مع الوهّـاب يـوم انّـه غـدى فـصٍ وذاب
ولا القطايط يـوم شافـوا فـي الزمـن هوايلـه

انتظر ردك يامبارك؟؟؟


تحياتي

[مبارك المري]

حبيب



الف شكر على مرورك العذب


وبالنسبه للاستفسار اعتقد ان الشاعر اعلم به منا



لاكن


اللي يقرا القصيده من اولها يعرف معناها




راح الشاعر وقام يذكر معارك يام ابتداء من :

(في هيّـة الحايـر وهيّـة بـدر يلقالـه جـواب) __ هنا ذكر هيّة الحاير ..وهذي معلومه ومشهوره لدى الجميع
(وعـدّ الرياحيّـه علـى شافـي مـع دوايـلـه) ____ الرياحيه... وكلنا يعرفها ( اللي منتدى لمهايط يقولون انهم انتصروا فيها)
(ولا مع الوهّـاب يـوم انّـه غـدى فـصٍ وذاب) ___ اكيد فيه هيه بين يام و الوهاب ... هذا تفسيري

ونفس الشي القطايط



واتمنى من لديه المعلومه اكثر ان يفيدنا




مع خالص ودي و احترامي

[العوووود]

الاخ مبارك صح اللسانك ولسان ابن مشرف والنعم والله بيام كلهم

لاهنت يالقرم على مانقلته

تحياااااااااتي

[كستوري]

صحّت يمينك و صحّ لسان إبن مشرف يا مبارك .. إختيار جميل و قصيدة رائعة تستحق
الإحتفاظ بها .. تَسلَم عليها

[عبدالله الوعيلي]

صح السان الشاعـــــر علي بن مشرف
والله يعطيك العافيه يا مبـــــارك المري

[العنيد]

الله الله عليك يامبارك المري!!!

قصيدة ما عليها كلاااااااااااااااااااام حقيقه !!!!

رهيبه

رهيبه

رهيبه

فــــــــــــ صح الله لسااااااااااااااانك ملااااااااااااااااااااايين وصح الله لسااااااااااااااااااان شاعرنا علي بن مشرف!!!

بارك الله فيك اخي الفاضل مبارك المري!!!

لك كل الشكر والتقدير!!!! ولا تحرمنا طال عمرك من مثل هذه القصايد الزينه!!!!

[راكان اليامي]

صبيّنا يهوي على الاعـدا كمـا يهـوي الشهـاب
وكبيـرنـا والــي تقدّيـنـا مـعـه مثايـلـه

الله الله وصح لسانك يامبارك ولسان ابن مشرف

[علي اليامي]

تشوفنـا كـن حـن سكـارا ولانـذل ولانهـاب
ندمح ولا نخطي ولا نرضـى الخطـا ونكايلـه


قصور وحصون الدول ناتـي ونجعلهـا خـراب
تصبـح علـى ماقدمـت يدهـا وتمسـي زايلـه


حتّى ملوك الجن تخشانـا ولا ترضـى العتـاب
منّـا ولا تخفـا مواطـن جدّنـا وأصاااااايـلـه


الله الله صح لسان ابن مشرف ولسانك ولاهنت يامبارك المري