روحي تحبك والغلا ذابحني=ودي بشوفك ياحياتي وانا افداك
حب(ن) قديم(ن) في الظماير سكني=داخل حنايا القلب رسمك وموطاك
اهواك انا ولاحد غيرك فتني=لك صادق الاحساس والعمر يفداك
اهواك ياساكن بفكري وظني=ارعاك بعيوني وادور على رضاك
اصون حبك بالغلا لو محني=غالى معي ياكبر حبك ومغلاك
انته وانا والاصل منك ومني=كل السعاده والامل في محياك
حكم الزمن مبعدك يازين عني=روح المشاعر تشتكي طول فرقاك
بادر بوصلك مايفيد التمني=وانا مقدر لك ظروفك وبرعاااك
عساك في دنياك دوم متهني=تحفظك عين الرب دايم وترعاك
اشتاق لك واخط شعري وفني= لوكان شعري مايكفي مزاياك
احساس شاعر