تصميم شركة سبيس زوون للأستضافة و التصميم و حلول الويب و دعم المواقع

العطيب · #1 25-12-2005, 09:19 AM

اسـعـد الله اوقاتـكـم بالخـيـر والـمـسـرات

اليكم هذه المتواضعه عسى ان ترتقي للذوقكم الراقي

::

::

يافريـد النـوع مـن ويـن الـرواقـه=وانت واقف من ثـلاث شهـور ضـدّي
جيت لك مهـدي مـن الاعمـاق باقـه=ورحـت منّـك بايـحٍ للنـاس ســدّي
كيـف تجهلنـي وانـا باسمـك بطاقـه=وكيف تنسانـي وانـا مـا هـو بـودّي
ياحبيبـي ويــن مفـهـوم الصـداقـه=ويـن قلبـك يـوم تعـلـن بالتـحـدّي
الحماقـه مـا تجـيـب الا الحمـاقـه=وانت بعـد اللـي تقولـه جبـت حـدّي
لا تهددنـي عـلـى قـطـع العـلاقـه=جعلـك فـدى ذود ابـوي وذود جـدّي
ما علـى شوفتـك يالصاحـب شفاقـه=كان تبغى الصـد مـن ذاليـوم صـدّي
ودام قلبـي طـاق شـيٍ مـا يطـاقـه=روح جعلك مـن مراحـك مـا تـردّي
ضيفك اللي ضـاف صالـون الحلاقـه=وكل يـوم وخدّتـه فـي يديـن هنـدّي
ولاّ انا اسرح عند ابـوي وفـي نياقـه=وانـزل بّهـا فـي مرابيعـه واشــدّي
وكـل يـومٍ مجتمـع لـي مـع رفاقـه=والربيـع الزيـن والخلفـات عـنـدّي
ويـش ابـي بـك يامـدوّر للرشـاقـه=وانت شكلك من مقامـك ماانـت قـدّي
فرجعتـي لـك مثـل صـدّام وعراقـه=حتـى لـوّك خاتـمٍ فـي وسـط يـدّي
وكان قلبـي يشتكـي لـي مـن فراقـه=مالـه الا دمعـةٍ مـن فــوق خــدّي
ويخسى..... ان كانه خرج بي عن نطاقه=ان بغـى يسـرع مـعـي ولاّ يـهـدّي
فيمكن اتعدّى الحـزن واكسـب سباقـه=بـس قـدري مـا علـى مثلـه تعـدّي

تسلم/ اخوي فهد المكودر على القصيدة الجميلة