اكتب اسم الشاعر واللي بعدك يكتب قصيدة لهذا الشاعر ~

[مانع الوعيلي]

والله وفيك الخير يا جرح الايام
والله لاموت وموقفك ما نسيته


خاويتني والعمر خمسة عشر عام
وش عاد باقي فالوفاء ما عطيته


يا كبر معروفك وياكبر الاحلام
وفيَت معروفك وانا ماوفيته


مازخرف صدور الورق غير الاقلام
ولاشَين السان الرجاء غير ليته


ليتك وهم وعاملك مثل الأوهام
وليتك زعل وأموت أنا وما محيته


أنت العطا يوم العطا عوّد أرقام
في وقت لاوقته.. ولا البيت بيته


والله ماني لانتهى الوقت لوام
ولكن ضحكني حزني اللي بكيته


معاهدك باللي ضمن رزق الأيتام
لاعطيك كل اللي بعمرك رجيته


حتى خفوق راحت ضلوعه اقسام
أخذه أن كانه في محله لقيته







ابي
محمد بن الذيب

[][ .. خــجــل .. ][]

تخبر الدموع اللي سرت من عيونك ضيق = لقاهـا هـدب عينـي حزينـة وقلطهـا
وقامت تجمع من على محجري وتويـق = وإذا حولـت مـا عـاد يمديـه يلقطهـا
لكن ماعليها خوف خلق الدمـوع تريـق = خدودي لدمـعٍ مـن سبايبـك باسطهـا
صغاير الأمور أشيلها والكتـوف تطيـق = وعظايـم الأمـور تهزنـي وأتباسطهـا
وأنا ما علي من شلة الضحك والتعليـق = أعرف الخيول النـادرة مـن مرابطهـا
وأدوّر على الجزلة ولو إنها براس طويق = وضعاف النفوس الله من الأرض يسخطها
أبي شوفتك من دون موعـد ولاتنسيـق = لو إنك ما بين أقوى الرياجيل وأنشطهـا

طيب ابي [ مشعان البراق ]

[مانع الوعيلي]

1
لاتـكّـثـريــن الــكـــلام ولاتـزيـديــنــه=موضوعنـا منتهـي مـن ليـلـة الجمـعـه
عـــــزالله ان الــغـــلا ماتستـحـقـيـنـه= وعـزالله ان الهـوى ماعـاد بـه طمـعـه
روحي / وجـرح المحبـه لااااا تخلينـه= تــراه فــي حـاجـة المنـديـل والـدمـعـه
لكّـن امـانـه مـعـك مـافـات .. تنسيـنـه= وخليّـه بعْـد النجـوم الـلـي لـهـا لمـعـه
تنـادمـي فــي عـزايّـه بـيـنـك وبـيـنـه =وانــا علـيّـه هـمـوم الـوقـت مجتمـعـه
مـن يـوم هـذا الغـرام اللـي تقولينـه= ما اغلى من الروح غيرالاسم والسمعه
انـا لنفـسـي رضـيـت البـعـد وسنيـنـه= اشعلت شمعه .. وجيت اطفـي الشمعـه

ابي لمحمد بن فطيس

[البندري القحطاني]

ســـم .. وهـذي لمحمد بن فطيـس ..!

في كفها خاتم وفي خدها خال ...وفي عينها غيم وعمارات وبيوت
الخال شفته واضحٍ من ورى الشال ... والخاتم الماس مرصع بياقوت
والعمر في العشرين كني مانيب زال ... والجسم كنه من جبل ثلج منحوت
جبل ولكن لا طرقه الهوى مال ... وخطواتها ماهي بالأمتار بالفوت
ماهي تشوف الشمس من ظل الاظلال ... ومصيافها ما بين لندن وبيروت
الشمس لو تشرق على جسمها سال ... كنها مجسم محلبيه وبسكوت
ومن صغر مبسمها شقى حالها الحال ... ما تاكل الا اللوز والخوخ والتوت
ماهي تشوف الناس تمشي وتختال ... ومرٍ على جاكور ومرٍ على حوت
وخدامتين وهي بلا زوج وعيال ... وسمعتها تدعي الدريول يياقوت
وثلاث جوالات ماهو جوال ... ومن يوم خلقت كل شيٍ بريموت
لكن قلبي مالها فيه مثقال ...وش قرب البشت الحساوي من الكوت
ياجعلها للي خذت قلبي نعال ...اللي غلاها عندي الشرب والقوت
حوريةٍ من فوقها الليل شلال ... كنها صبحٍ فوقها الليل مكتوت
قلبي لها من كثرة الشوق مشخال ...وللسر عن كل المخاليق تابوت
تنحت لي من الحب في القلب تمثال ... وحبي لها ينحت على الساحه بيوت
في عينها ماكل رجال رجال ... وأقصى حدود الوصل في سلمها الصوت
زودٍ على القلب وعلى الحسن من آل ... روسٍ لهم روسٍ على متونها بشووت
الى رضت موتوا يا أهل روس الأموال ... وإلى زعلت جربت وش سكرة الموت
من دونها رجلي وراكب وخيال ... والسيف والأمواج والبحر والحوت


أبـي (( أبو فراس الحمداني ))

[شيخة الغلا]

استلمي يالبندري .. ولاعاد تعودينها

دَعوتـُكَ للجَفــن القريـْــحِ المسهـَّــدِ = لــديّ، وللنـــوم القليــل المُشـــرَّدِ
ومـــا ذاك بُخــلا بالحيــــاةِ وإنهــا = لأولُ مبــــذولٍ لأولِ مُــجـتـــــــدِ
وما الأسر مما ضقت ذرعا بحمله = وما الخطب مما أن أقول له قـَـــدِ
وما زل عني أن شخصا معرضــا = لنبل العد ىإن لم يصب فكأنْ قـَـدِ
ولســـت أبالي إنْ ظفــرت بمطلبٍ = يكونُ رخيصًا أو بوسْــمٍ مُــــزوَّدِ
ولكنني أختــــار مـــوت بنــي أبي = على صهوات الخيل غيـــر موسدِ
وتأبى وآبـــى أن أمــــوتَ مـُـوسدًا = بأيدي النصارى موتَ أكمـــدَ أكبدِ
نضوت على الأيام ثـوب جــلادتي = ولكنني لـــم أنـض ثـــوب التجلــدِ
دعوتك والأبــواب ترتـــجُ دوننـــا = فكن خيــــرَ مدعــــوٍّ وأكرمَ منجدِ
فمثلك مــن يـُـدعى لكــلِّ عظيمــة = ومثلي منْ يفدى بكــــلِّ مُسـَـــــوَّدِ
أناديكَ لا أني أخافُ من الـــرَّدى = ولا أرتجيْ تأخيرَ يومٍ إلى غَــــــدِ
متى تـُخلفُ الأيامُ مثلي لكـُــمْ فتى = طويلَ نجادِ السيف رحبَ المقلـَّـــدِ
متى تلدُ الأيـــام مثـلي لكــــم فتى = شديدًا على البأســـاءِ غيـــرَ مُلَهَّـــدِ
يطاعنُ عن أعـراضكم بلســـانـِـهِ = ويضربُ عنكمْ بالحســـامِ المُهنــَّـدِ
فما كلُّ منْ شاء المعالي ينــالهـــا = ولا كل سيَّارٍ إلى المجد يَهتــَـــدِي
وإنك للمولى الــذي بــكَ أقتـــدي = وإنك للنجمُ الــــذي بـــه أهتــَــدي
وأنت الذي عرَّفتني طـُــرقَ العلا = وأنت الــــــذي أهويتني كلَّ مقصدِ
وأنت الـــذي بلغتني كـــل رتبــة = مشيت إليهـــــا فوق أعناق حُسَّدي
فيا مُلبسي النعمى التي جلَّ قدرها = لقد أخـْـلـَقـَتَ تلـك الثيــــابُ فجَـدِّدِ!

بّدي لـ فهد بن عسكر الضاعني ..

[فهـد العجمي]

ااالله ااالله على الاختيار يالشيخه

قل لأم سلطان تكفى يابو نوره = (( من بادي الوقت وهذا طبع الايامي ))
الوقت جبار والأحياء مجبوره = أقفت وهي ضاميه واقفيت أنا ضامي
الوصل مرفوع والحيلات مجروره = والبعد مجزوم والتوديع الزامي
كني وكنها بليلن وجهها نوره = داخل اميه يوادع غوصة الشامي
كنها وكني بليلن دمعها جوره = كلمة خلافه توادع منصب اسلامي
أنثى تثنى من الأثناء مغروره = الخصر صوام والمردوف ماصامي
مجمع بني نوح جا في وجه سنيوره = في خدها سامي وفي خدها حامي
لاقالت ابصم على حبي ودستوره = أبصم وتقرا اسمها في بصمة ابهامي
وان قالت اكتب قصيدن فيه لي صوره = أكتب على بابها والناس نيامي
ياغاية من ورى ذالباب مستوره = في بيتنا مرمي وفي بيتكم رامي

وايضا لشاعر القبيله / فهد بن ناجع بن عسكر العجمي

[مانع الوعيلي]

يقول من عدى على راس الآشم
بديت مقعاد الفضا دون قصري


و حطيت لي بين النظيمات معلم
يوم أستوى فكري على حد سطري


قم يا قصيدي فوق قافٍ و معجم
و من فوق وزنٍ ما ثعى فيه كسري


قل الرفيق اللي عن اللاش يكرم
وين السراج الى غدا الليل غدري؟


لا حامت الدنيا و جا شربها سم
ربعه يجون اثنين و ادري و يدري


هذا إلا من دبرت ساق له دم
و هذا إلا من اقبلت جاه يجري


مايستوي دجله مع اليم الالطم
و لا يستوي مع موقف الحر وكري


وقل الغلام اللي على الناس يزهم
وش خانة المطلب إلا صار يسري


أكبر مصيبه لا نشدك الردي كم
كم قد عطيتك و اصبح الرد عسري


عز اليمين و لا تحرا ولد عم
و لا تحتري من كيلو الناس شبري


و قل للذي يملك تسلي عن الهم
حد التسلي باحمر النوط وأشري


أحدٍ منامه كمل الليل ما تم
و أحدٍ منامه فأول الليل بدري


ما يستوي نومٍ على طارف الكم
مع نوم ديباجات أبو قلب شذري


و قل الطبيب اللي درس خلق الاعظم
ملجا سقيم الحال لا صار خطري


ما كل جرحٍ لا خذا وقت يلتم
و لا كل كسرٍ عقب الأجبار جبري


كان التأم جرح أمرؤ القيس و اقسم
عن قول شعره وأتبع الحلف نذري


و كان أنجبر كسر المهلهل و لا عم
بالسيف الاصقل كل بكري و بكري


و قل للذي ينشد عن الشاعر اعلم
أن القصيده و ابنها فوق جمري


أما قصيدٍ يرتعي ذوق الآصم
و الا بلاش و كلمتي طوع لأمري


لو تبخل المزنه ولو ييبس اليم
ما يبست بحوري و لا جف حبري


و قل للذي لامني أقفيت يهتم
يرحم نظيره لعنبو جد عذري


إما حصل لي مغبشٍ فوق بي أم
و الا سريت لفارع الطول عبري





ابي للشاعر سلطان الهاجري

[لبيك]

استلم هذا لسلطان

جات في وقتها

البارحـه عينـي جفـا النـوم موقهـا=تسبـر سنـا بـرق رفيفـه يشوقـهـا
جعلـه مـن المنشـى ينثـر مخايـلـه=مـن مزنـه غـرا تكاشـف بروقـهـا
لامرهـا العسـاس مـن غـب سيلهـا=عيـن خباريـهـا ووكــد حقوقـهـا
مدهـال ذود ماتقـرع مــن الطـنـف=لاقرعـت بعـض الرياجـيـل نوقـهـا
البـل تبـي رجـل عـزومـه قـويـه=ولانتـوت عـن دربـهـا مايعوقـهـا
لايسمـع العـاذل ولايسـمـع الــردي=رعايـه الربلـه ليبـسـت عروقـهـا
يـامـا رعيـنـا مشـبـر مارعـوبـه=اهــل الغنـيـم تـدقـق اربـوقـهـا
مافيـه ياكـود الشـقـاري وخلطـهـا=وفيه الخزامـي اللـي طـوال عنوقهـا
ترعابـه العـري ويبـنـي شحهـمـا=عقـب الدهـر خطـر تزايـد فتوقـهـا
يازينهـا ليـاجـت عـقـب المعـشـا=والنـار تشعـم والمعامـيـل فوقـهـا
اليـا لفـت عقـب العتيـم وتفاهـقـت=وغسلـت شمايلهـا ورفيـت شقوقهـا
هـذي تغـرز مـن غـلاهـا وقـدرهـا=وهـذي يـقـدم للنشـامـا غبوقـهـا
واليا اصبحت تسرح علي الروض الادني=اليا اشرقـت الشمـس بـاول شروقهـا
لهبـك النسـنـاس تشفـيـك خنـتـه=ويكفيك عـن ريـح الخزامـي نشوقهـا
وراعي الوظيفه يرتخص عـن وظيفتـه=يرعابهـا القافـر ويتـبـع طروقـهـا
كلـه لعينـا الشايـب اللـي يحبـهـا=عـودا يقـلـط للنشـامـي حقوقـهـا
لايجـرح العانـي ولايزعـل الـخـوي=وعوق الخصوم اللـي وساعـا حلوقهـا
اللـي يحـب الطيـب يلـقـاه عـنـده=واللـي يــدور للـمـراره يذوقـهـا
ومن لايحـوش المرجلـه فـي شبابـه=واليا انتحـت صعـب وعسـر لحوقهـا
وختامهـا منـي صـلاه علـي النبـي=عـداد ماتنـشـي وتـبـرق بروقـهـا

والي عقبي((حمدان المري))

[EmpeRoR]

استأذنك .. بسافـر ايـام .. وآجيـك
وان طالـت ايّـام السفـر .. لاتحاتـي
حتى ولـو طوّلـت .. مانـي بناسيـك
ياللي بدونك .. ويش تسـوا حياتـي؟
تامر على حاجه؟؟ .. بودّعـك واليـك
عسى عوّض الايـام .. فـي المقبلاتـي
حتى يدي .. ماودّهـا تفـارق يديـك
ساكت .. وانا اشوف البلا في سكاتـي
ماشفتني لارحت منك .. التفـت فيـك
بـلاي والله (( روحتـي والتفـاتـي))
لكن قبـل مـاروح .. ودي اوصيـك
وانت الوحيـد اللـي يقـدّر وصاتـي
لاحدٍ سالك .. وقالك ((وين مغليك؟؟))
قلـه: "لـوازم لاقضـاهـا بيـاتـي"
وان طروا النسيـان .. مانـي بناسيـك
يـاراس مالـي فـي الحيـاه .. وغناتـي
وان طروا السلـوان .. مانـي بساليـك
طيفك معي حتـى وانـا فـي صلاتـي
قلبي .. وهـو قلبـي اذا مـرّ طاريـك
لولا ضلوعـي .. كـان عـزوا مماتـي
لو جض صدري .. كان يمديـه ياتيـك
ويبـات عنـدك .. ويهنـى بالمبـاتـي
انا .. وقلبي .. والغلا .. ساكـنٍ فيـك
وانته .. وقلبك .. والغلا .. وسط ذاتـي
غلاك .. مثل الحكـم عنـد المماليـك
اكبر طموحـي .. لا .. كـل امنياتـي
شف فـي غيابـي ايّ حاجـه تسليـك
لاني بعدك .. اسلى مـع (( ذكرياتـي))
احـاول اذكـر .. اي شـيٍ يطريـك
"واقول هو سوا .. وانـا ذي سواتـي "
كني مـوادع .. كـل شـيٍ حواليـك
وكني حسبت حساب ((حزة وفاتـي))
احب .. لاني مقدر انسـاك .. وآبيـك
ولا اقـدر اخليـك .. ياللـي تحاتـي
معنى احب .. وماقدر انسـى واخليـك
((يعني بدونك ويش تسـوا حياتـي؟))


اللي بعدي الشاعر سعد بن علوش

[][ .. خــجــل .. ][]

يا زين هـ القصيده .. وبس

با ارحل وباتي . إذاني اقدر آتي = بس آخاف ارحل ولا عاد اقدر آتي
لأن هذا حظي ، وهذي صدوفه = يكره استقراري ويلغي اشتاتي
وعاد عقلي كل ماجيت اتشتت = يحسب اشتاتي على قدر امنياتي
والبلا . ان كل ماعقلي تمنّى = ما حصل لا في اشتاتي ولا ثباتي
يمكن ان وضعي وضع سيئ ويمكن = ما تحمّل جسمي كبار اشهواتــي
والدليل ان ودّي ما ارحل .. وشفني = اربط اشلائي بمحزم ذكرياتـي

طيب ابي لـ الشاعر :-
[ محمد جار الله السهلي ]