كفو كفو كفو كفو كفو كفو .. هل من مزيد ؟؟ ( يستاهل المدح )

[خالد بن رمثان]

السلام عليكم ورحمة الله وبركاته

..


.


..


.

هذي قصيده قلتها في السيد \ فلاح بن سعد بن حويله ال سعدى ..


وهي ماهيب واجد في حقه و هو يستاهل المدح كله ..


..


تفضلوا


..

يا بو سعد لا تحسب إني قاصر ٍ منـْـك القصيد=أنشهد إن أبيات مدحي تفتخر بك يالشلي
يا حظ فيك أبياتي اللي لو بصّوت من بعيد=جاتك ركايب هاجسي و المدح يغليها غلي
البارحه يومنـْـك تنشدني عن الشعر الجديد=قلت أبشر بعزك و أنا شعري حروفه تصطلي
يا راس مال اللي قضى عمره مع العالم وحيد=و إليا اعتزابك راحت همومه وكنك له ولي
عز الرفيق و فزعة المظيوم و ذراع العضيد=حلاّل صعبات المشاكل عون للي مبتلي
طلق الحجاج ورايك اللي تنطقه راي ٍ سديد=و مكرّم الضيفان ما تحسب طليين و طلي
صيتك ذكِر فعلك بكِر و العلم تاتيبه وكيد= و اللي تقوله تفعله بإذن الكريم المعتلي
و أنت الرصيد اللي بدور له إذا احتجت الرصيد=و بنوك فزعات النشاما تمتلي منك ملي
كفو كفو كفو كفو كفو كفو .. هل من مزيد ؟؟=في ذمتي لأزيد دام إن الطناخه تعتلي
فلاح شبل ٍ من أسد فافعل فديتك ما تريد=ما دام راسك من طناخة شايبك ماهو خلي
إبيك إمير ٍ خلّد الذكِر المجّمل و المجيد=عجل ٍ بمفزاعه بوقت الحرب صفه الأولي
إبيك ابن سعدى بوسط الهوش له باس ٍ شديد=اللي طلى حدب السيوف بدم عدوانه طلي
فلاح لو مابيني و بينك صلة قرب و عويد=لأقول بيت ٍ في ضميري يا حروفي عللي :
كايد يكيد اللي يكيد و بايد ٍ للمستبيد= ولا قال يا حرب أشعلي شبي فديتش وأشعلي
واللي حكابك فظهرك يالذيب .. جعله ما يصيد=أنشهد إنه لو يعرف الطيب .. ردد : مخبلي
و الحين لا تبطي علي و انشد عن الشعر الجديد=لـنّـك جديدي يالجديد اللي حروفه تصطلي

وسلامتكم ..