سلام ياعجمان ياسلطنة يام...

[وسيع البنايد]

بسم الله الرحمن الرحيم
السلام عليكم ورحمة الله وبركاته
هذه قصيدة للشاعر ماضي العضيمان القيت في حفل كبير لقبيلة العجمان تحت رعاية امير قبيلة العجمان في الكويت/ سلطان بن سلمان بن حثلين

والقصيده تبين ان العجمان بماضيهم وحاضرهم وفيين بعهودهم وكلهم ولاء ووفاء لولاة الامر وانهم سيف على عنق من شذ وانحرف حتى لو كان من ابناءهم

الله علـى حفـلٍ حضـر فيـه مقـدام=شيخٍ فرق ذكـره عـن شيـوخ جيلـه
حطم بجـود ايديـه صعبـات الارقـام=كـنـه عــدوٍّ للسنـيـن البخـيـلـه
من طيب راسه.. فيه للفزعـه اعـرام=ومن خف نفسه تحسـب انـك زميلـه
علـى دروب المرجلـه حـث الاقـدام=ويحـثـنـا للمـرجـلـه ونغـديـلـه
سلطان بـن سلمـان شيـخٍ لنـا عـام=لاكبـرت القـالـه وضقـنـا نجيـلـه
ماهيب شيخـة بنـك او شيخـة اختـام=(راكـان) جــده لاتـومـر يجيـلـه
كن الحكي عيشـه وذكـر اسمـه اودام=مـن حبـنـا لــه كلـنـا ننتميـلـه
سـلام ياعجـمـان ياسلطـنـة يــام=ياعز .. يانومـاس ..يـا اعظـم قبيلـه
يامارثـة مذكـر وياتـرثـة اهـشـام=ياهـل السيـوف المرهفـات الصقيلـه
يانـوم عينـي شوفكـم طـول الايـام=الذكـر طيـب والمـواقـف جميـلـه
امجادكـم ماهـي سواليـف واحــلام=يحكيكـم التاريـخ مـا ينحكـي لــه
مْن (الصلب) قبله (للحسا) لين (الاوجام)=لَ..(كاظمـه) ودروبـكـم مستحيـلـه
مضاربٍ تشهـد لهـا مـاضِ الاعـوام=عدوكـم مــاداج فيـهـا ب(خيـلـه)
البـل غـدا للرمـح فنحورهـا اعـدام=وكم راس شيخٍ تحت حافـر الاصيلـه
شرسين عسريـن وكريميـن واحشـام=ويامكـثـر كـبـودٍ عليـكـم غليـلـه
كبيركـم تـركـع لهيْبَـتْـه الاصـنـام=كنـه طويـق ولـه مهـابـه جليـلـه
واوسطكم لربعـه كمـا درع واحـزام=من طيـب فعلـه يجذبـك ريـح هيلـه
واصغركم من الشيطنه شـق لـه خـام=قلاعتـه طَـرْفَـه ..وقلـبـه دليـلـه
عجمـان والعجمـان سبـعٍ وضرغـام=وفهـود وعـوال الظَفِـر والكحيـلـه
وباقي القبايـل بالفخـر تحمـل اوسـام=واصل الحصان حصان يِسمَـع صهيلـه
واليوم صرنـا بأمـن وارزاق وانعـام=وكلـن يبـي بيـت ويبيـلـه حليـلـه
ويبغي وظيفـه ويحسـب للشهـر تـام=ويشـوف لـه موتـر جديـدٍ موديلـه
الدار محكومـه علـى ديـن الاسـلام=والـرب واحـد كلنـا ننحـنـي لــه
وكـل القبايـل صـارت بحكـم حكـام=وحنـا مـع الحكـام يمـنـاً طويـلـه
محـبـه..وعـهـدٍ لشيـبـانـنـا دام=نعـم.. ومازلـنـا بأمـانـه نشيـلـه
وفي زحمة العلـم ومتاهـات الاقـلام=والمـخ يغْسَـل بيـن يــومٍ وليـلـه
شفنا ماشفتـوا مثـل تصويـر الافـلام=واثـره حقيقـه مـن عـدو وعميـلـه
شنّـوا علينـا حربهـم بعـض الازلام=واهـل الكفـر شبّـوا بـراس الفتيلـه
واهل الفتن صالـوا وجالـوا بالإعـلام=وصرنا نواجـه صـدق حملـه ثقيلـه
شبابنـا غُـرّر بـه وقِـيِـد بخـطـام=وحطـوه عملـه يـوم نفسـه ذليـلـه
واللي انحرف لوْنا له اخـوال واعمـام=ان ماقطـع راسـه نقـطـع رجيـلـه
ياشـرذمـه عـدوّنـا عقبـكـم قــام=ولاكسبتـوا غـيـر عــار وفشيـلـه
كـان الوعـد قـدام بـنـروح قــدام=ونبيع الانفـس فـي حيـاض الفضيلـه
حنـا خلقنـا الله علـى روس الاعـلام=والـصـف الاول مارضيـنـا بديـلـه
ومن دون حكـام البلـد خنجـرٍ سـام=في صدر مـن يمشـي دروب الرذيلـه
ودون البلـد فـولاذ مضـروب بلحـام=الـيَـد وحــده والـدوافـع نبيـلـه

[ابومحمد الشامري]

لا هنت يا وسيع البنايد على القصيدة التي قالها الشاعر المبدع ماضي العضيمان في حفل افتتاح منتدى مجالس العجمان تحت رعاية امير قبيلة الكويت سلطان بن سلمان بن حثلين حيث لاقت استحساناً رائعا اثناء الحفل الذي حضره ابناء قبيلة العجمان.

صح لسانك يا وسيع البنايد على النقل الرائع ولسان ماضي العضيمان.

[محمد الشامري]

الله الله

عز الله اني تشيشت وغترتي قيدها في وادي وانا في وادي

صح الله لسانك ولسان قايلها ياوسيع البنايد

ولاهنت على المشاركه الاكثر من رائعه

[راكان اليامي]

لاهنت ياوسيع البنايد وصح لسان ابن عضيمان