قصيده في الصليلي من عنزه (((الشاعر عامـــر الحجرف )))

[عامر الحجرف]

الايامرحبابك يالصليلي وافي المشبور @على سلم الرجال اللي يعرفون المواجيبي
نيابه عن ارجالن قدم وجهك فالزوم احضور @اوبسمي قلتها ياللي معازيبك معازيبي
وفعل الطيب مثل اسمه يذعذع والحقيقه نور @وانا وانته سلايل مشبعين الطير والذيبي
اهل فعل القداء ولاالردى مثل الهباء منثور @وطويلين المدى يبدون في روس المراقيبي
مادام الطيب خير امن الردى والطيبين ابحور @اجل لابد احييبك ولا زرتك تحييبي
بدنين تاليتها مثل كحل الباكيات الحور @علينا نحترم قدر اخويانا والاصاحيبي
تفكر كيف نذكر واحدن قدله ثلاث اشهور @تجمل وانتقل مالبس ثوب الشك والريبي
وحسن العاقبه للمتقي ماهيب للمثبور@ابد مايفلحون اللي يحزون العراقيبي
ولد كل ارمله حنيا ظهرها كنه الباكور @مهددة النياق اللي ترغي شمخ النيبي
عسى ماني لهم شاكر ولا ني عندهم مشكور @اقوله واطلب الله خير من يقضي مطاليبي
ولا قلد على من يجحدون ويمدحون اقبور @ولا صلي ورى اللي مايجوز انه يصليبي
ولا اخلف من خطب سلمى ضحى يوم النفوس ابحور @وخذها يوم طار الستر عن بيض الرعابيبي
خلفنا من سلفنا ماختلفنا والزمان يدور@ابوي امزبن المجرم وناري من مشاهيبي
لنا فوق الفلا هي والنضا ثنتين سرج وكور @وحنا اخوان بدحه من عطيبين المضاريبي
لنا التاريخ بامر الله شهد ماهي شهادة زور @روينا وارتوينا من طويلات المغاريبي
لنا تاريخنا الثابت ولا فالطيبين اقصور@وفعل الطيب يبقى بين عصمان الشواريبي .
((( الشاعر : عامـــــــــــــر الحجرف )))
نصيحه لمشعل الصليلي لفعل الطيب بين اخوياه والعلم الغانم مثل من انتقل وترك وراه كل العلوم الطيبه بين اخوياه في العمل .

[فهد بن محسن]

صح لسانك ياعامر

ومن فعل الطيب يستاهل


تحياتي لك

[سعود الخويطري]

صح الله لسانك



وشكرا لك ياعامر الحجرف ولاهنت يالقرم

[مخلفين الهقاوي]

السلام عليكم ورحمة الله وبركاته
رد النـــقــيــب / مشعل مطلق الصليلي العنزي

على نصيحة الشاعر / عامر الحجرف


هلا حييت يالعجمي ابتحية وكل شي ميسور@ارحب بك واهلي بك مثل ما انت تهليبي
الاياحبني لاهل الوفاوالاالردي معثور@تعلمنا من الدنيا قبل يطلع بي الشيبي
اخذنا من الرجال الطيبه عبره واخذنا شور@ولاترسي البيوت الراسيه غير المناسيبي@
انا مقدر لك الخوة وزمان فات ماله دور@وترى اللي فات مات ولانبي كثر العذاريبي
واناونته هلا القصر الحمر يوم السبور سبور@جنايزهم قدم بيتك على روس الآطانيبي
ونا مالي بخلق الله ولا كحل العيون العور@ولا استر خطاغيري ولاارضا بالمهازيبي
لنا فزعة ولنا وقفة رجال تدحم الصابور@تخاويناعزاوينا على ضرب الهناديبي
عسى الله يرحم الميت وعسى الحيين للماجور@وعسى دنياك ياعامر توافيق وتراحيبي
والى منه حصل مني على راس الزمان فتور@تحاسبني تعاتبني قدم وجه المناديبي
انا في حكمة الآمر ونا في حكمة المامور@ازملاناودايعنا دبسه بروس الاشانيبي
والى منك بغيت الراي هاك الراي يامستور@لك الله ماانتسلح بندق تخطي ولا تصيبي
دليلي حكمتي عود مجرب حلوها ومرور@اخذت العلم من راسه على دور المكاسيبي
ونا الى من بغيت امدح ماغط النور ياهل النور@وانا احمي ماقفي ياصاح بحصان الاطاليبي
نعم فيكم ياخو بدحه وثلاث انعام يادكتور@عيال العود مرزوقي دروع للمحاريبي
ونا جدي مثل جدك ليا درهم الطابور@سلايل وايل الاول عريبين المجاذيبي
وانا ماني على ماقلت لا محلف ولا مجبور@الى منه قنب ذيبه يبي يقنب بعد ذيبي
تسلم وأستلم كاشي تحت راية هل الدستور@مثل ماقلت بالمبدا معازيبك معازيبي

[دمعة وداع]

راااااااااااائع
ما استمتعت به

سيدي الفاضل
صح اللسانك ودام نبضكــ لامتاعنا

ننتظر القادم بقوووووووووووه

[عبدالله بن دريب]

صح لسانك يا عامر.. على

القصيدة الرائعة

دمت مبدع.. أخيك..

[بندر العجمي]

صح الله لسانك



وجززززل وحضووورك جزل ولاعدمناك




وووجهكم بيض على المساجلات الجزززززززززله



اخووووووووكـ

[مسعطر]

شعارنا الكبار ..

عامر الحجرف .. مشعان الصليلي ..

صح ألسنتكم إلى ماله نهاية .. دمتم و دام إبداعكم ...

تقبلوا مروري ..

[مخلفين الهقاوي]

الــــــــــــــــســـــــــــلام عليكم ورحمة الله وبركاته




ارجو ان تدووووم المحبه بينكم


ويالصليلي صح لــســــــانك


وفالكمممممممممممممممم التوفيق واجزييييييييييييييييكم بشده



اللـــــــــــــــــــــــــــــــــــــــــــــــ ــــــــــه اوفقكم
اخوكم ولد روووووق

[محمدالنادر]

الاخ ..عامر الحجرف

صح لسااانك

ودام تواصلك

ودام ابداعك

وتقبل تحيآآآآتي

اخــــوكـــ,,,

مــحــمــ النـــأأأدر ـــد