][ .. هــمــس الــقــوافــي .. !! ][

[شيخة الغلا]

ماعلى الدنيا عتب متصفح يحمل .. من الابداع والذوق الراقي .. الكثير اعجبني مادوّن هنا .. وأكييييد متابعه .. موفق ياعتب ..

[ما على الدنيا عتب]

شيخة الغلا

نورتي الصفحه بطلتس

ومرورتس وردتس هو الاروع

ولاتحرمينا من طلاتس في الموضوع

ومن ذوقتس

وياتس انشاءالله

[ما على الدنيا عتب]

ياصاحبي واللي خلق نعمة السمع
انك هنا بين المعاليق ثابت


ماجيت لك صدفه ولاجيت لي رمع
وأن غبت عني فرحتي معك غابت


غيري عبث ف الحب بسياسة القمع
لكن لاودت ولايوم جابت


الا محبك من عشق يحسن الجمع
ماشاب حبه لو قوافيه شابت


والدمع هذا اللي تشوفه ماهو دمع
أشعلت عيني لجل اشوفك وذابت


واللي ينزل منها على خدي الشمع
ارقد مادام الشوق في القلب نابت

[ما على الدنيا عتب]

اللي يبيــنا عيــت النفــس تبغيــه
واللي نبيــه .. عيا البخــت لا يجيـبه !! ..

أصل المودة نظـرة من معانيــه ..
خصـرن مضمـر والمعاني عجيبــة !! ..

من يــوم شفتـه خاطري مولع فيــه ..
قلـت البخـت ياسعـد منهـو يصيبـــه !! ..

أقفـى وصـد وقال يا من تهاويــه ..
خبــرك عتيـق وقلــت نفسي صعيبــة !! ..

يامن له الخـاطر شـفوقـن يراعيــه ..
أتبع هــوانا وغيــرنـا وش تبي بـه !!؟ ..

اللـي يداريــنا ترانا نـداريـــه ..
واللي تنكــر جعل ربي حسبيــه !! ..

[ما على الدنيا عتب]

دام الكـلام اليـوم ماعـاد ينطـاق
بين الولايف نبـرة الشـوق غرقـا
قال السديري عقب ماخاطره ضـاق
بيتن يخلـي ضامـي القلـب يشقـا
( ياليت ربي ماخلق حـب وفـراق
والا خلق حب(ن) على غير فرقا )
واليوم ضاعت بالمواجيب الاخـلاق
صار الغزل بيـن المواليـف يرقـا
دارت دواليب الزمن بين الاشـواق
يالصاحب اللي مـن سبايبـك نشقـا
عنيت لك في عالي الرجـم مشتـاق
وغنّيت لك مع تالي العصـر طرقـا
عن شوف غيرك شح شوفي ولا لاق
وسرقت ماتحت المحاديـب سرقـا
واليوم طعت اللي بالاشـوار بـوّاق
واللي بقـى لـك بالمحاجيـر يبقـا
من عانقوا دربـك قليليـن الاوفـاق
حالـك تغيـر والبـلا ويـن نلقـا
محدن يعالجني سوى شـوف بـرّاق
واقـول مابيـن الغناديـر فـرقـا
ياهيـه يالمشتـاق لاعـاد تشـتـاق
ويامعـدّي المرقـاب لاعـاد ترقـا
اخر نصيحه واحفظه وسط الاعماق
خل الرجم وانزل على راس برقـا


قصيدة للشاعر المرحوم
الامير محمد بن أحمد السديري رحمه الله

[ما على الدنيا عتب]

//

ياهـّم .. { جانـي ماكفانـي وحصلـت
جسمي قضاء .. وعظام جسمي نحيله


ياهــّم انا اخفيتك بصـدري ولا زلـت
اخفيك خوف اهل النفـوس العليلـه


اخاف قول اللي يقولـون لـو قلـت
اللـي سوالفهـم عـراض وطويلـه


ولو ان سنجار الجبل شـال ماشلـت
مبطي شكا ضيـم الحمـول الثقيلـه


اصبر ولو شفت الزمن مال ماملـت
واقول يمكـن يعتـدل عقـب ميلـه

//

\\

[ما على الدنيا عتب]

عـنـدي لياجيـتـه مــن الـشـوق مغلـيـه ... وعـنـدي بظـنـه كـــل عـمــره ودنـيــاه
لـيـه الجـفـى يسـقـي قـلـوب الموالـيـه ... وشلون وصل الشوق يرخص وننساه
تـعـبـت أدور فـــي بــحــوره مـوانـيــه ... ضاعت بي أمواجه ونا اشوف مرساه
فـرصــه أخـيــره للـعـتـب والمـشـاريـه ... دام الـعـتـب لـلـشـوق يـكـبـر ونــقــواه
ولا للـخـفـوق الـلــي تـعـلـق بـطـاريــه ... إلا الـقـلـم والـحــرف والــبــوك ودواه

[ما على الدنيا عتب]

مداخله !


يقول شخص ما .........



مالي بحب فتاةٍ من الناس حاجةً ............ إني رفعت القلب عن مَنْ يسكن الارضَ


ويقول ايضا.....

يابنت انا بالشعر صاحي ومجنون .......... أسكر مع الأوزان واصحي مع القاف

[ما على الدنيا عتب]

مشتاق
صـدقـني لـشوفـك ولقيـاكـ
وكل العيون بلا عيونك ممله
اسمك على لساني وشوقي لقياك
ورسمك ترى بوسط قلبي محله
كلي امل تجمعني الايام وياك
يامالك قلبي مع العقل كله

[ما على الدنيا عتب]

على ذكر الغـرام وشرهـة الغاليـن للغاليـ .. نبعد قفت وسومك واجدبـت خضـر البساتينـي
ضميتك بعد طولت الغياب ولا غفت لـي عيـن .. وانا لو أنت بحري واشربك ماأظـن تروينـي
انا ماعاتبك ليش الجفاء لأنـي اعرفـك زيـن .. لكنـي لاكتبـت الشعـر فـي مثلـك يسلينـي
ادور لك عذر بين الظروف وسجـة الساليـن .. وادله خاطري في كـل لحظـة بينـك وبينـي
عسى الله لايعيد الضيقة اللـي مسـا الاثنيـن .. بعد ما جرحتني مـن فراقـك ودمعـت عينـي
هذاك اليوم لينت الخفوق اللـي حشـا مايليـن .. لو تلين الرجال اللي علـى الشـدات قاسينـي
رحلت وضاقت الوجهات الاربع قلت اجيك منين .. ولابـه غيـر درب لـو سلكتـه مايوديـنـي
تغافلت الطريق اللي يجي بيتك مـن الصوبيـن .. احسب أني بشوفتك واحسب ان الوقت يمدينـي
تركت الدار بيساري وأخذت اول طريق يميـن .. وانا شهب العلوم تحدنـي والشـوق حادينـي
على وصل الهنوف اللي تمخطر بين حين وحين .. مرابعهـا القصيـد وبيتهـا بيـن الشراينـي
نبت في وصلها توت المحبة والكـرز والتيـن .. تمايل كـل غصـن شوقـه نـدف الرياحينـي
عليها دين ماتنسى الغـلا ولهـا عليّـة ديـن .. ماينقص مـن غلاهـا شـي دام الله محيينـي

محمد مريبد