[ شذى الجوري ]

[خالد وبس]

*

مدخل :-


من وين ما لقّيت وجهي .. لقيتك
فـ البيت .. والشارع .. ولذة منامي

وشلون ابروى منك .. لامن ضميتك
يا مصدر الهامي .. وسر اهتمامي

قل ما شئت

فـ والذي نفسي بيده
[ أن تبقى ] أعظم وأرقى وأعذب وأغلا .. ممتلكاتي في هذه الحياه ..!


أستعذب عتابك
وأهيم في دلالك
وأغرق بـ حنانك
وأعشق أدق تفاصيلك الى حد الثماله !


اذأً :-

قل ما شئت

*



عجباً .. لـ عظيم اشتياقي ..!
ابتعد [ عنك ] ساعه .. فـ يؤلمني هذا الشوق بـ عظمته وسطوته
واقترب منك رويداً رويداً .. بـ ذات الشوق المؤلم
فـ لا اجد ما اقوله


*



ابكي من الفرقى .. وهي ما بعد جات
كم كنت اتمنى ان اكون صاحب هذه المقوله
لـ يقيني ان من قالها .. لم يعاني هذه الحاله بـ قدر ما اعانيها انا
ليس تقليلاً من شعره .. وشعوره اتجاه من احب ..!
ولكن .. وبـ ثقتي بكِ يا أميرتي .. هو تقليلاً من شأن من قيلت فيه .. والسبب ؟

لا يوجد فـ هذا الكوكب
من يستحقها
غيرك ..!



*


تصفّحت [سجلّ حياتي] .. منذو نعومة اظفاري
فـ لم اجد .. مايستحق الذكر
سوى انت ..!

مخرج :-


كني بك .. من الشوق جالس تذكّر
صوتي و بحّة صوتي .. وضحكتي لك ..!

[خالد وبس]

اذكرنـي ..!



*

اذكرني ان ضاقت عليك الوسيعه = لا تركن احساسك .. ورى حاجز الصمت
انا حفظتك .. مثل حفظ الوديعه = وارعاك لامن قمت .. وارعاك .. لا نمت
في غيبتك .. دقات قلبي سريعه = وفي جيّتك .. كني معك .. تو ما همت
لا تاخذك الايام عني .. ذريعه = يا واقعيّ .. وحلمي .. اللي تحلّمت
وش ذنبي انك عايشٍ .. فالطليعه = ووش ذنبي اني في حياتك .. تأقلمت
تقول انا امثّل .. جمال الطبيعه = وانا انبهرت بسحرك .. ولا تكلمت!

[خالد وبس]

اقفايتي غير ..!


*

بكره ليا منا توادعنا .. على خير = وقفّيت عنك .. وعاد لك خاطرٍ .. في
وايقنت بـ اني غير .. واقفايتي غير = وما عاد باقي من دموعك .. ولا شي
تذكر ان لك قيمه وحشمه وتقدير = ومعزّةٍ في خافقي .. ماهي بشوي!

[خالد وبس]

رجال فوق الارض
والا تحتها ..!


*

فيني شموخ وعنفوان .. وانافه=رجال .. وامثّل ثمانين رجال
لو لا القساوه .. والجَهَد .. والصلافه = يمكن اجي عُرضة .. هل القيل والقال
الغيت من قاموس فكري .. [حسافه] = حتى لو اني واقفٍ .. فوق الاطلال
واللي ينزّل قيمته .. شخص تافه = يطيح من عين اقرب الناس .. فالحال
والا انت يا نبض المغنّي .. وقافه = يا من كتبت اسمك على روس الاقذال
خذ بصمة العاشق .. وهاك اعترافه = لا زلت حبي .. والهوى معك .. لا زال
(ف) ان غبت مع ميل الزمن .. وانحرافه = قل: اشهد ان اللي تحت الارض .. رجال!

[خالد وبس]

صمتي
وعقدة لساني .. وسيد الغواني ..!


*

احساسي .. ونبضي .. ونزف المعاني = عيّت تساعدني .. وتمشي قبلها
يا ربّي .. أحلل عقدة من لساني = وجمّل طواريقي .. وحقّق أملها
دفنت من صمتي .. بحور ومواني = وحطّمت بيديني قصورٍ .. باهلها
خذ راحتك .. لا تبتسم يا زماني = وان ما كفاك اللي حصل .. خذ بدلها
(ف)ان شفتني جالس لحالي .. أعاني = عرّض على ذيك المضارب .. وسلها
قل شفت انا خالد .. يعدّ الثواني = وعروق قلبه .. من قسى البعد .. ولهى
اما اسعفوه .. بسيد كل الغواني = والا اتركوه يموت في معتقلها!

[خالد وبس]

*

أخرج عن المألوف .. في كل حاجه=واطلع من العالم .. ومن مجتمعها
وان قلت بعض الحب ياخي .. سماجه=قلت لك: هذي كلمتي .. واستمعها
والله لو القلب .. يعرف خراجه=ما شفت جسمي معك .. والقلب معها!

[خالد وبس]

تخليد المشاعر .. بـ هدوء ..!

ياما كتبت من الشعر لين .. كوّنت = صرحٍ من الالماس للناس .. خالد
ما يعرفون الناس عني .. انا وانت = الا انك الهامي .. وانا بإسم .. خالد!

وبس

[خالد وبس]

*

اترك لي اعراض السهد والصبابه = من حقي تداعب .. شجوني شجوني
منت اول اللي قد جرحني .. غيابه = لكنك اول من كشف .. عن جنوني
اتركني ابكي .. من هواك وعذابه= (ف) الدمُع دمعي والعيونُ عيوني!

[خالد وبس]

**

انا مستعدّ .. اكذّب عيوني الثنتين = ما احب اتظاهر بانّي .. الفاهم الناقد
(ف) لا تهتم يا [قلبي] .. ترى كل شيٍّ زين = فداك الحريق اللي ورى الصدر .. يتواقد
اذا هزّني طاري الغلا .. والعرب ممسين = تبسّمت مع طاريك .. حتى وانا راقد
لازالت مشاعر شاعرك .. مثل سور الصين = عليها تموت وتندفن .. نظرة الحاقد!

[خالد وبس]

*

عداك اللوم .. يـا سمـح المحيّـا=ما دام اللي رسمتـه .. مـا تهيّـا
اعرفك زين .. واعرف قلبك .. انه=مـا يحيـا .. بالفـراق وبالجفيّـا
لكن ظروفنـا .. عيّـت علينـا=ووقتي .. جعله امحق وقت .. عيّـا
حبيبي .. بسألك بالله .. وجاوب=متى اجي .. واتشمّس .. واتفيّـا!