حط صوره وركب عليها بيت شعر

[سمو الرووح]

جميل ما نقلته لنا اخي الفاضل / خالد ابن محمد .. لاهنت .

[سمو الرووح]

[سمو الرووح]

اقول يادمع تكفى اصبر توه وضعنا ينحاس
يقول الدمع من قاله اوضاعك مبطي محيوسه

اقول يادمع لا اصبر توه باقي فينا احساس
يقول الدمع اقول اسكت وقلبك لازم ادوسه

:

مما قراءة واعجبني .

[عليل المحبه]

خل الشبابيك تحكـي قصـة غيابـك
من كثر ما احكي لها واحضن ستايرها
باحت دموع الوله كله مـن اسبابـك
وانـا انتظـر طلتـك يالله تيسـرهـا

[ضيعتني الهقاوي]

يابوي جعلك للبقا والمكاسيب....عمري بدونك يالذ ّرا ويـش أبـي بـه

يابوي تسأل عن شفاك المراقيب....طلعـة سواتـك للنّوايـف غريبـه

أبسألك وش به غزا وجهك الشيب....والقلب لايـع والنواظـر شحيبـه

وش بك تحاتي لانوى الموت تغريب.....تخشى علينا بالليّالـي الكئيبـه

خذ دلّتك واركى على مسند الجيب.....وعطني شماغك بلثمه وأحتمي به

ونروّح لأرض ٍ بها العشب والطيب....وتسمع كلام ٍ يالغلا تحتفـي بـه

يابوي بنتك لاانحكى بالتّجاريب.....كل ٍ يشـق لهيبـه الصّيـت جيبـه

يابوي ماني من سوات المخاريب....اللّي تجيـب لعليَـة القـوم خيبـه

وماني من اللّي لامشت حفّها الرّيب.....أنا من اللّـي مايدنّـس حليبـه

مرفوع شاني عن غرام المكاتيب......وأكبر من انّني أرتضي بالحبيبـه

أنا غرامي لاابتدوا بالتّراحيب.....نفوس الأوادم فـي وجـودي رحيبـه

وان كان زيني فتنة ٍ للمصاويب......أحـط وجهـي بالحريـق ولهيبـه

زيني أبيعه وأشتري سمعه الطّيب.....اسم ٍ ينومس بالصّروح الذ ّهيبـه

وان كان عندي ( بالحلا) شي ٍ اصعيب.....عندي جدود ٍ مارضت بالغليبه

دموع القبايل فـي لقانـا مساكيب.....كـن المقابـر لاحضرنـا قريبـه

خضّبت لك كفّي من العز تخضيب.....ورفعت راسي للنّجـوم الصّعيبـه

والله لأسدّك بالفعول المصاليب......والله لأشيلـك بالرخـا والمصيبـه

طلع المعالي ماانحكم للشّواريب.....بنت ٍ وأناطح فـارس القـوم طيبـه

وياشيخي إبشر لوتدور الدّواليب......بنتك إلا منّه عوى الذّيب ( ذيبـه)

[عمَرس]

جعل السحاب اللي معه برق ورعود
......................يمطر على دار وليفي سكنها
يسقي وطن منتوقة العنق ياسعود
...................مالي وطن بالعارض الى وطنها

[أبو سالم المصراني]

بيض الله وجهك با لليمين در على الموضوع الطيب و ابشر المشاركة

[عمَرس]

ليت (السفر) بين المحبين ممــــنـوع
تحجز(جوازت) المـــــــــحبين بالذات

حتى لوأن ( السفر) حق مـــشروع
المشكلة.. لأهل الهوى حزن وآهات

لاغـــاب (خلّك) والرجاء فيه مقـــطوع
لابه (رسايل) تاصلك واتصـــــــالات

الخط مغلق...كنّه (الكرت) مـــــنزوع
من ضيقتك تلعن جميـع اشتراكـــات

تضرب على الكفّين والقلب مفــجوع
تضيق بك عقبه جميـع المســـاحـات

[سمو الرووح]

الله الله على الدرر

لاهنت أخي الفاضل / خالد ابن محمد على الكلماات الرااائعة

شكرا لك .. وننتطر منك المزيد


دمت بخير وعافية يارب.

[سمو الرووح]

مَدرِيْ القَصَايَدْ فِيكْ وَشْ مَمكِنْ تَكُونْ ؟
لا صِرتْ [ صَفحَةْ ] مَالَهَا بَالغَلـا طَيْ ..؟
مَا أبِيْكْ تَسألْ كَيِفْ أنَا أغلِيْكْ وَشلُونْ ؟
الحِبْ كِلَهْ فِيكْ أنَا أشُوفَهْ .. [ شَوَيْ ]
يَكفِيْ أشُوفَكْ:
[ كِـــــــــــــــــــــــــلْ شَيٍ بَهَا الكُونْ ]
وَأشُوفْ كِلْ الكَونْ دُونَكْ :
[ وَلاشَيْ ] .


م / ن