[ شذى الجوري ]

[خالد وبس]

حاول تحب بجنون .. وتعشق اوجودي = ولا تضايق .. وتتأثّر من غيابي
قلبك على قلبي .. ومودك على مودي = ومبطي وانا في هواك .. مسجل اعجابي!

[خالد وبس]

....!

تعبت من صفحةٍ .. ماغير احدّثها = ياللي غيابك غياب .. وجيّتك جيّه
انت اول وثاني احبابي .. وثالثها = لو لاك ما عشت .. في جو الرومانسيه
يفداك من همّش السمعه .. ولوّثها = وخلاني اغضّ طرفي .. وابعد شويه!

[خالد وبس]

تشتاق لي .. والظروف تردها عنّي = واخاف من شوقها .. يثّر بصحتها !

[خالد وبس]

طيب وش الفايده .. لا اسرفت في ضمّي؟ = ما دام عينك .. تناظر واحدٍ غيري
حتى ولو ما جبرتك .. تلتفت يمّي = اقل شي احفظ .. احساسي .. وتقديري!

[خالد وبس]

على جدار الصمت .. سجلت لك بيت = يمكن تمرّه وانت ماشي .. وتقراه
لو ان كلمة (ليت) .. تنفع اهل (ليت) = ما شفت قلبٍ .. ياخذ دواه من داه!

[خالد وبس]

قديمه بس ندوّنها !؟
لاني شفتها متسربه في اكثر من منتدى

اضحك مع هذا .. وهذا .. وهذاك = وان عوّدت للصدق .. ما عاد لي خلق
ليت الزمان اللي ظلمني بفرقاك = وهز الضمير .. وعقّد حجاجي الطلق
خلاني انسى كل ما فيك .. وانساك = اقل شي ارتاح .. من عبرة الحلق!

[خالد وبس]

كتمت اشواقي اللي ما كتمها صوتي المبحوح = وبانت ضيقتي للناس .. من داخل ومن برا

[خالد وبس]

الله على شهر نوفمبر .. وديسمبر = دخلني بعالم النسيان .. والذكرى
الشوق والحب .. لا يِمتر .. ولا يِشبر = شف كيف خلاني اتعوّد على المسرى
اشوفه بعيني اليمنى .. وهو يكبر = واضحك معه .. واغمز اله .. بعيني اليسرى
وجهي عليه ابيض .. ووجه الزمان اغبر = قدام نحلم .. ونبقى فالهوى .. اسرى!

[خالد وبس]

اشتقت للجوري !؟

رققت لك قلبٍ ما كان يترقّق = واحساس لا بعده .. ولا قبله احساس
حلمٍ جذبني من بعيد .. وتحقّق = لين اصطفيتك ليّ .. من بد هالناس
ليتك تصدق بس .. ليتك تصدّق = اني بدونك عايش بمرحلة .. ياس
اصلاً لو انّك يا حبيبي .. تدقّق = لاحظتني وانا معك .. حاني الراس
لكن تراك اليوم .. منت بموفّق = قفّيت .. وانا ضيقتي بين الانفاس!

[خالد وبس]

ترانيم الغرام .. وصوته !؟

احذر تجيك الغيره الممقوته = وتغار لك من حاجةً .. ما تسوى
اسمع ترانيم الغرام .. وصوته = وخلك مثل ما كنت اعرفك .. اقوى
والشعر .. لو تقرا جميع بيوته = وتفهم جميع حروفه .. وما تحوى
يمكن تحس بحاجةٍ .. مكبوته = تِطهى على الضلع القصير .. وتشوى
لكن ترا العاشق .. يحس بموته = لا شاف من يهوى .. لموته يهوى
كلٍ يشوف اللي يحبه .. قوته = وانا ما اشوفك غير .. مثل الحلوى!