ياللي من غيابك تعلمت فرقاك

[سمو الرووح]

ياللي من .. غيابك .. تعلمت فرقاك
شكرا على هجرك .. وشكرا على الصد

منته بناسـي .. لكن .. الغير نساك
ظلمك و هجرك .. حيل زايد عن الحد

منته بقاسـي .. لكن .. الغير قساك
وأجبرك تقسى فالمحبة .. وفي البعد

حاولت انا أنسى .. مـا بقى من بقاياك
واترك دروبك .. واصبح اليوم .. مرتد

وأحاول أرحل .. وابتعد عنك .. وانساك
وانسى الغلا .. وانسى المحبة مع الود

لكن معذب .. خافقي اليوم .. ذكراك
دايم يجيني .. كلمـا جيت .. أبرقد

تعال .. شفني .. كلما حل .. طرياك
والله .. دمع العين .. بالعين يشتد !!

وش .. قيمة الدنيا .. رفيقي بلياك ؟
يعني كذا يرضيك .. دمعـي على الخد ؟

هذا إختيارك .. وإنت حر .. بدنياك
و أنا إختياري واضح .. حظ أسود

الحب قاتل .. دامـه اليوم .. نساك
والهجر ظالم .. بالمحبة .. وأنا اشهد

تعال شفني .. كلما قلت .. أبنساك
أكذب ليا من قلت .. بنساك من جد

أفـارق الدنيـا .. ولا أعيش فرقاك
لكن على .. ما قيل .. شكرا على الصد !

مما راق لي

[السهم]

كلمات جميلة تعكس واقع الحال في زمننا الحالي ( زمن القطيعة و الفرقة )

كل الشكر لش على هذا الاختيار الرائع و المعبر ...

[سمو الرووح]

مرحبا ومسهلا

أخي الفاضل / السهم

اسعدني مرورك الكريم ولاهنت.