((( يـــــــــــــــــــــــــــــــــــــــــــــــــ ـــام )))

[محمدالمحلكم]

سلام عليكم
يسعدني ان اقدم لكم هذي القصيده وعسى ان تحوز على رضاكم

ابن المحلكم بـدع فبهـا ولا حانـي=يبـدع بيـوت جزيـلات معانيهـا
لرجال يام غصب روضت قيفانـي=رضوتها لجلهـم غصـب بغنيهـا
واخترت جزل القوافي جزل وسماني=للابـت الـي تشرفنـي بطاريهـا
يا يام يالابتـي ذربيـن الايمانـي=اعـهـود جـدانـا لازم نوفيـهـا
نوفي بعهد الوفاء من عهـد جدانـي=لموحـد الـدار مالكهـا وراعيهـا
ونبايعـك ياملاكنـا ياكحيـلانـي=يامالـك الـدار يامـره وناهيـهـا
يا يام قول معي فـي كـل ميدانـي=الله يخلـى الملـك لـدار حاميهـا
والله يعز الملـك ويعـز سلطانـي=حكام دولـه عسـى ربـي يخليهـا
والله يعـز البلـد ويعـز نجرانـي=دار عزيزه بعز الـي سكـن فيهـا
يام حماة الوطن من كـل عدوانـي=يام سيـوف صقيلـه بيـد واليهـا
يام هل المدح والطـولات كرمانـي=وعدوهم مـن مضاربهـا تجليهـا
يام تعـز الرفيـق وتمـن الجانـي=يامن بها الخايف ويامـن بذاريهـا
يام تحب الضيوف وتكـرم العانـي=تفـرح بضيفانهـا تفـزع لعانيهـا
وفعـول جـدان لـروس تيجانـي=نفخر بفعل الوفاء نفخـر بماضيهـا
وان جاء نهار القاء والهوش ظفراني=ياويل منهـو نـوى يـام يعاديهـا
وفى المعركه لا ترقص كل شيطاني=يخضع ليام لما صاحـت عزاويهـا
ياكم خذو من عقيـد قـاد فرسانـي=وياكم خذو ذود قوم ٍ من مراعيهـا
وانا من وعيل يوم الحرب شجاعني=وعيل رعـي عريبـات ٍ مجانيهـا
وانا ابن مطلق ويعرف وقع شيباني=في صفحت المجد ماضيها واساميها
وعيدو معي قول ابن سمره بنجراني=نجران محد قبل يـام سكـن فيهـا