حاضرنا وما ضينا

[الصلاحي]

هذي القصيدة لا تعني احد وهذا من باب التشبيه وعسى ان تنفعكم

يافرق حاضرنا عن زين ماضينا=ماضينا ماضينا و عاداته الجميلات
يا زمان (ن) غيرة الروح فينا=وغيرة الناس الطباع و عادات
دنيا افتنتنا وصارت تغوينا=با زدهارها وعلمها وكثر الملذات
نقلد الغرب وبسواتهم سوينا=اقنينا ملابسهم معرية المحرمات
المجالس صارت بلاتوث تلهينا=وسوالف صمت وغماز جوالات
سالفته مقطع من فديو يعطينا=شوفو افلان وشين السوات
انتهول من فعلته ومن ما يروينا=فضحته ياشين وياشين الفضيحات
ولا عادبه علم(ن)يورد علينا=ولاعادبه سالفة تشفق بها المسمعات
المجالس كنب عن الرض يعلينا=والقهوهصارت كيسان وعصيرات
وضو حل محلها دفاية تدفينا=ودلالها صارت ترامس مصطفات
وقهوجيها هندي بشمال يقهوينا=يهز راسه ين الفناجيل والبيالات
لاقهوانا قال بابا مافيه هينا=بابا انا روح سواسوا نفرات
ولا مر الصبي يشبح فينا=لاشغل موتره وحرك المحركات
عود للمجلس راجع(ن)علينا=يبي يعزمنا ويكسب الجمالات
لادخل يرحب ويسلم ويسابينا=قعد في الصدر وظهر التيليفونات
يعزمنا وعينه تشر ما يبينا=الغدى معنا وعندكم بركات
نردله بطلبة و خابة هقاوينا=قال هجل عندنا عشا المعرضات
عجلين ولا نبي اليل يمسينا=سلمنا على شايب راعي الصملات
قلناله مع السلامة وحنا مودعينا=سبقنا لموتره ما ركبنا السيارات
لو حنا لرجال ماضينا نصينا=كان عينا الصبي راعي الفزعات
الضو مشبوبة والوجيه اتحيينا=يرحبنا ويهلي ويثني لنا الترحيبات
ومن صافي البن الشقر يقهوينا=طال اعلوم الوفا الطويلات
وبعادات الولين الطيبن ماسكينا=الرجال ماغرتم الدنيا والملهيات
سوالفهم تنعش الروح وتحيينا=قصايد الرجال واقوال(ن)محكمات
عاشرناهم وبطباعهم تحضرينا=السحرون الغرب بكثر التقنيات
فينا رجال عز(ن)وفاء صاملينا=ماسكين عاداتهم باليماني المكرمات
خذينا حضارتهم وعلم(ن)يغذينا=ولا انجرفنا في مجال التفاهات
قصيدتي اوجها لكل الفهمينا=لا تنسو عاداتكم الطيبة المذكرات
وختامها ذكر(ن)لربنا المحيينا=وصلاة على نبي المحسنات
صلو على من بالحق يهدينا=واثنو عليه وكثرو الصلوات
وسبحو بسم ربنا ووالينا=عدد ما لفت الارض من لفات