السلام عليكم ورحمة الله وبركاته
من الارشيف للتواصل
لو كنت داري عن نواياك فيني=ما سارت رجيلي على الدرب بلها
من عقب ماتشتاق وتقول ويني=وتشره على روحي اذا عنك تلها
وان مر يومٍ مااجي لك..تجيني=وقلوبنا سر المحبه جملها
وياما معك احلا ليالي سنيني=مع شمعةٍ صدق الضماير شعلها
اناظر الخدين والشفتيني=سبحان ربًٍ يوم صور..! عسلها
وكم مرةٍ عقب الهوى والحنيني=بانت لي عيونك ودمعك شملها
عينٍ تهل الدمع من شوف عيني=وعينٍ من الفرقا يقطر زعلها
الله على الأيامٍ بينك وبيني=ياما وياما والاحاسيس ولها
هذا من اول يوم قلبك يبيني=واليوم..؟؟(شيطان المحبه فعلها).!