خـاص لشعراء المنتدى..,,,

[العـــسر]

يا مرحبا بك يالريمي وصح الله لسانك على هذا النص الجميل

إستلم وإسمحلنا على التأخير :

من هاجس ٍ توخذ من أفكاره أفكار=ومن ضامر ٍ لأستقبل الود ... صانه
أرحب يا فكساره .. ومرسوله السار=ترحيبة ٍ ماهي إمجامل إخوانه
ترحيبة العجمي على قب الأمهار=لمقابلت .. موت الشرف .. وإحتضانه
قريت مرسالك .. ومضمون ما دار=تشكي إفتوق الجرْح قبل إحتقانه
لو كنت أقوصد في الغزل .. سر وإجهار=ما ودّي إن لي معْ هل الحب خانه
ما هوب لا كاري ... وكلّن وله كار=لكن حاضر ... لا طلبت إستعانه
دام المحبّه بحْر ... والبيض محّار=ما كل محّار ٍ تجي فيه .. دانه
قبلك من العشاق ... وافي / وبوّار=ضاعت إلحاهم بين حانه ومانه
في الحب صرْ أشواق قلبك إمن المار=صرّت دنانير القطوْ وإشحفانه
يكفيك شذّاب العراقيب .. لا طار=فإقبالتك ... وإن غبت ... ضرّك إلسانه
وإلا وليفك لا طغا حبّه .. وجار=في قلبك اللي باح سدّك عشانه
إن كانه إمقصّر معك ... صكّه ( إنذار )=وإن ما تسنّع .. (طرْد) .. كب الحصانه
تركّد ... ولاتقرب الما وهو حار=وإلى برد .. شوقه يردّك إوزانه
ياتي إموطّي الراس ...وإيسوق الأعذار=وإيحب خشم إرضا جنابك ... وكانه
جا بإستهانة ناظر ... ورفع منخار=إحرق مصارين الحشا بإحْقرانه
وإن طعتني ... كب الهوا قبل تنهار=قدّام .. يحْضنك القبر في طمانه
اللي جهش ويقول : لي ولْف غدار=يوم القيامه .. مايفيد إجهشانه
إحرص قبل ياتيك قصّاف الأعمار=بأعمالن إتقرّب لك الله وأمانه
ومن تاب لمجازي بجنتْه الأبرار=يجزاه خير إبما عمل من حسانه
تمّت وصلّى الله على سيد الأخيار=وإعداد ما صلّوا عليه إصحبانه