كيف مابكي راعي اللبده اخو شيخـه يالبريـه

[محسن الحجرف]

يـايــبا لبــــــيك

الله الله ببتديها كلمتن يوم الله قال =ارجعي يالنفس لله راضيه مرضى ورضيه
واشهد ان الله واحد وحمده في كل حال =ولاعتراض الا لغيره ما اخذ له والعطيه
قالها محمد ابو القاسم في ليله من الليال =للفراق القلب يحزن وعين للفرقا بكيه
يالله انك ترحم الي مطعمه دايم حلال =رطبٍ السانه بذكرك دايما صبح وعشيه
يالله انك ترزقه بمروا عطشه من الزلال =من بعدها لا عطش لا جوع يطري له طريه
يا يـبا يرحمك الاعظم ربي منشي الخيال =جل سبحانه وتعالى مخرج الميت وحيه
يايبا لبيك حي وميتن يا راس مال =والله انك راس مالي عصبة الراس ودويه
يا معلمني بعد ربٍ كريمٍ ذو الجلال =كيف اني اقطف الثمره من القصن برويه
ويامعلمني يا كيف ألبس على الراس العقال =وكيف انا البس غترتي وكيف استمعلك في انيه
ويا معلمني بحثك كيف عرفي لرجال =وكيف بخصي لرجال الطيبه ولا الرديه
ويا معلمني القصيده كيف تكتب بعتدال =الشطر اسمه شطر والبيت يجمع مع خويه
ويا معلمني بحور الشعر واسماها بكمال =وكيف اميز طرق الهجيني وطرقي للحديه
ويا معلمني الوصل وان الوصل اصل الوصال =وكيف ربي برحم اقسم لمن وصله غنيه
ويا معلمني بان الرب يفني لحتمال =ولبغيت الشي قول انشاء ربي فيه نيه
ويامعلمني لا ضاقت بي ومن حولي الجبال =غير ربي مالتجيله لا ولا غيره لجيه
علموني كيف ماابكي...! كيف مادمعي يسال =الا ببكي ثم بعد ببكي ولافيها غبيه
يا وجودي وجد عودا غاديله من الحلال = خيرت ابله مع فحلها ومن شرايدها لقيه
وياوجودي وجد صقارا قدى طيره ومال =راح يطرد صيدته وقفا ولا حوله رجيه
علموني كيف انا ماابكي على راعي الدلال =كيف ماابكي راعي اللبده اخو شيخه يالبريه
يالله انك ترحم الي مطعمه دايم حلال =رطبٍ السانه بذكرك دايما صبح وعشيه