أبوي وعجز القاف يحصـي خصايلـه

[عاليه الاخلاق]

السلام عليكم ورحمة الله وبركاته

قصيدة أعجبتني لشاعر / فهد العواد توفى والده وكتب هذه القصيده المرثيه في والده رحمه الله رحمة واسعة

معذور ياقلبٍ علـى الصبـر ماقـوا = الصبـر يغضـي لـو بدتلـه بدايلـه
قـدام عينـي حـل بالغالـي الـقـدر = واقفا بتـاج الـراس واقفـت رحايلـه
ياكبـر فرجتنـا وياشـيـن دارنــا = من عقب نـور الـدار زارع خمايلـه
اقفا عزيز الجار .. اقفا مـن الوفـى = أبوي وعجز القاف يحصـي خصايلـه
اقفا مـن الاجـواد كفٍ مـن الصخـا = اقفا عزيـز النفـس مـن دار زايلـه
اقفا حكيم الرأي فـي ساعـة القضـا = يا تاهـت الحكمـة وضاعـت دلايلـه
عضيـد بالشـدات ومدهـال بالرخـا = وتفـرج الكربـات عذبـت مثايـلـه
ممشاه بالدنيـا علـى الحـق والهـدى = ويجود وقت الكـود ويكسـي هزايلـه
يغزل حجاجه لَقبـل الضيـف وابتسـم = هـلا ورحـب والمواجيـب طايـلـه
يذبح سمان الحيل خوفـاً مـن القصـا = ويحرص على جمعـة بـداره نزايلـه
مسراه درب العـز والجـود والنقـاء = ويا جته عوجا النـاس مـا دار قايلـه
يابوي جزلاتك من الصعـب تنحصـي = والله لـوان القـاف طعسـن وهايلـه
فعايلـك يشهـد لهـا راعـي الثنـاء = وحتى الثناء يابوي مـن الطيـر نايلـه
من الله وثم منك فـي قاحـل الوطـى = جعلـت لـه رزق تعاطـت جزايلـه
واسسـت دار مـا تغاليـت خيرهـا = وحمله علـى متنيـك يابـوي شايلـه
وحل القضاء غصبٍ علينا بلا رضـا = حقٍ ومكروهٍ ولابـه امحايـلـه
وارجي من اللي يسمع العبـد لدعـا = الواحـد اللـي كـل عينـن تخايـلـه
ينزل فقيد الروح فـي جنـة الرضـا = وبالقبر يرحـم والـدي مـن قوايلـه
ياغافـر الـزلات ويامحـرك العصـا = تغفـر لمـن خافـك بقـول وعمايلـه
يارابطاً وصلك بمـن ياصـل الرحـم = أبـوي والله مـا قطـع فـي سلايلـه
أنت الكريـم وتكـرم العبـد بالكـرم = من رزقك الواسع عطا ابـوي سايلـه
جعلت مـن يؤمـن بعظمتـك شاهـده = الجار ..وهذي الـدار تشهـد نثايلـه
ومن أمنوا واوصوا على الحق والصبر = في رحمتك مـن كـان هـذي فعايلـه
يا الله يارحمـن يـا مجـزل العطـاء = وما فيه نفس الا لهـا الـرزق كايلـه
يا منزلٍ نورك علـى صفـوة البشـر = رحمـة وتخبرنـا بعظمـة هوايـلـه
تحسن له المثوى .. وتنور لـه القبـر = ومن جنة الفـردوس تشفـي علايلـه
ومن كوثر الهادي تعوضه عن الظمـأ = والعشـرة القـدوة عساهـم خلايلـه
وعلى الصراط انـك تقديلـه الخطى = وكتابـه بيمـنـاه لافــي شمايـلـه
وتمدنـا بالصبـر يـا دايــم البـقـا = ولتواخـذ أعيونٍ تـذارف همايلـه
النفس تحزن .. لا اعتراضٍ على القدر = وانـت الـذي تعلـم بعدلـه ومايـلـه
له فرجة يقصر عنـه طايـل البصـر = وأحس من فقـداه انـا الـدار جايلـه
يالله وفقنـا علـى قـدر مــا هـقـا = وسدد اخطانـا ليـن نوفـي جمايلـه

منقووووله

دعواتكم لوالدي رحمه الله رحمة واسعة
أسأل الله ان ويتغمده بواسع رحمته ويسكنه فسيح جناته

لاتبخلو أخواني الأعضاء بالدعاء لوالدي رحمه الله وتقبل الله دعانا ودعاكم

ورحم موتانا وموتاكم وموتى المسلمين اجمعين