محاورة بين سلطان الهاجري وسعد بن جدلان الاكلبي ( بيشة )

[ابو جابر المري]

المحاورة التي جرت بين كلا من سعد بن جدلان الأكلبي و سلطان بن وسام الهاجري :

يا سلامي ردةٍ من بقيق إلى الجنـوب=الهبوب تدفهـا و السعـد يبـرا لهـا
ما اقدر اصدق صدوق و لا أكذب كذوب=لين أشوف الغترة اللي يطيح عقالهـا

مرحبا ترحيبة كنها رسم النصوب=كلما نشّت يسير العرب باضلالها
صاحبي قد له سنة قلبـه دبـوب=لا لقا له صخرة ماتشال اشتالها

انت مندوب الأذاني و مندوب القلوب=و الحقيقة كل حسنة بعشـر أمثالهـا
شلتها من قو باسي و لا نيب مغصوب=و انت حتى العوسجة تنسدح بضلالها

أنت دايم منشغل في الحساني و الذنوب=تحسب ان رب الملا ما خلقك الا لهـا
ما نبي نور القمر يختفي قدم الغـروب=تأخذه يمنى الهـوا بالهـوا لشمالهـا

ليش تهرج كذا و انت شعب من الشعوب=الشعـوب لحالها والـملـوك لحالهـا
ما نعرف الأجرب الا اليا حـك الجنـوب=و الفرس ما تشـره إلا علـى خيالهـا

انت يا سلطان ما انتب على العليا مغصوب=خلهـا ترتـاح احـلا لكـم و احـلا لهـا
أنـا حـراث المـزارع و طحـّان الحبـوب=لا طحـن لـك حبـة مـا عطـاك بدالهـا

أنت ابن جدلان ما انته بعلام الغيوب=كل يوم يا سعد حالتك يرثـى لهـا