وأتمتم :حيل ما أحبك!!.. ويضحك:حيل كذابه..

[سمو الرووح]

وأتمتم :حيل ما أحبك!!.. ويضحك:حيل كذابه..




أدوّرني | ولا ألقى .. أثر يكشف مكاني وين ..!

... أدوّرني | وأثاريني .. وطن مجفي من أحبابه


مَآ غير الهم يرسمني [ حكايآ ] ترفض التّلوين

..... سِوى بلون السواد اللي جروحه سبّة أتعابه ..

ثلاث سنين والفرحة تعاندني ثلاث سنين ،

........... وأنا من يوم مافارق " عيوني " أبكي غيابه


ثلاث سنين أصوّت له ويخنقني شهر تشرين ،

........... يزيد الجرح في صدري ويرميني على بابه .. !


ثلاث سنين أنزف له على سكّة جروح البين .. ،

........... ولايحضنّي إلا [ الهمْ ] وشارع فاقد أصحابه ..


أجمّع دمعتي / حزني / طعونٍ ماأعرف منين .. !

........... بقايا فرحتي / ضحكي .. وأطيّر للسماء أسرابه ..


تعبت أتنفسه ضيقة / و يكبر داخلي تخمين ..

........... يبي يرجع يلملمني ! بعد ماضعت بـ أسبابه !


وأنا في غيهبة حزني خذتني صورة لـ طفلين ..

........... ملامحهم تشابهنا ، وحتى الضحك متشابه ..


زوايا بيتنا.. جدراننا / همساتنا الأثنين.. !

........... بقايا نظرته ، تسريحته / شمّاعة ثيابه


أنا أذكرها محبتنا .. شقاوتنا / بيوت الطين ..

........... وصوتٍ لاسكن فكري .. سرحت أشكيه لألعابه .. !


يجيني ليش زعلانة..!ويحضن وجهي بكفين

........... وأتمتم حيل ما " أحبك " ويضحك حيل كذابه .. !


رسمته [ حلم ] فرّحني سكنّي واستحل العين ..

........... تعمّق داخل عروقي عشق طاهر محد صابه ..


زرعني في تفاصيله وغاب بضحكة الواشين ،

........... تعلّم منّهم يَقسِي .. حصدني شوق يغتابه


رحل و استاحشت روحي وقلبي إنشطر نصفين ..

........... تخبّى نصف في كمّه .. وذاك برفّ دولابه ..


كبيرة إنّي أخونه بسيطة نكون له وافين ..

...........أنا / و إحساسي / وكلمة ، تخبّت داخل كتابه ..


[ أحسّ بداخلي شعبٍ تعب من كثرة التوطين ..

........... تجرّد منّي ومنّي خذا من صدري ترابه ]

تعبت أستنزفه فيني آنينٍ إشتعل بي لين ،

........... طفى وهجه من أعماقي وذابت لـ / أجلي أهدابه


أغنّي له أنا بعدك صحاري ملّها التكوين

........... حزينة / تَعْزِفْ ضلوعي لحون بنغمة عتابه ..


فقدته / وإنكسر عشقٍ تبلّور فـ الخفايا زين ..

........... وضاعت معه احلامي و ضعت بزحمة

أطيابه ..


***

راقت لي واتمنى ان ترتقي لذائقتكم

[EmpeRoR]

مَآ غير الهم يرسمني [ حكايآ ] ترفض التّلوين

..... سِوى بلون السواد اللي جروحه سبّة أتعابه ..



بوووح رااائع.

لاهنتي اختي سمو الروح ويعطيش العافية..

لاعدمنا هالذوق

مروري..




رووووعه

[فهيد الكفيف]

كلمات كلها تبحر في بحور الروعه

واختيارات اعتدنا من صاحبة هذا الاسم

( سمو الروح )

ان تكون ذات طابع مختلف وذات جمال في المعنى


اشكرك على ما قدمتي



اتمنى لك التوفيق...

[king الوادي king]

لاهنتي على الموضوع

[المااسه]

صح السااااانش..
ولاهنتي والله يعطيش العافيه..

تحيااتي..

[سمو الرووح]

مرحبا بالجميع


وشكرا لحضوركم المشرف لي هنا ولاهنتوا


الأمبراطور711



فهيد الكفيف



king الوادي king



الماســــه


لكم كل التقدير والاحترام ..