يطيب ولا يطيب

[مسفر بن درّام]

آه يا جرحً بقلبي يطيب ولا يطيب=وين بأحصّل علاج الجروح المزمنه
ما لقى بردي دفا ما لقى جرحي طبيب=ما لقى قلبي حفاوة يديناً تحضنه
يا عيوني والشقى ما على الدنيا غريب=هكذا ربي خلقها عذاب وملعنه
كل شيً في حياتي غدا عسر وصعيب=ما يسير السير حتى ولو كان أدهنه
يا زمان الظلم والجور وش باقي تجيب=كل همً يحرق القلب قلبي موطنه
ما بقى ألا يحترق ويتبخّر ريح طيب=إحتراق الجاوية فوق جمر المدخنه
كل ما لاحت بروق الحيا غاب النصيب=والحياة حظوظ ماهي بـ سهمٍ وأوزنه
الله أكبر يا ردا الحظ يا الذنب القطيب=يا عذابي ويش أسوي ووين أذهب منه
أتظاهر وأتجاهل وأنا جرحي عطيب=وأتحاشى ضؤ الأنظار لأحدً يفطنه
وإن هتف نسناس ذكراً من الماض القريب=أستثار العبرة إلي بقلبي مكمنه
وأشتغل في داخلي زلزلة رجف ونحيب=وأرسلت عين الشقى دمعها من مخزنه
لى متى يا دمعة الحزن وآمالي تخيب=كم بقى كم راح والعمر ما خذت ثمنه
السؤال اللي عليه الإجابة علم غيب=وش تكن الأفئدة وش تقول ألألسنه
كل ما ناديت الأفراح عيّت تستجيب=والشعور الحيّ مأقوا أتجبّر وأدفنه
السمر تحت القمر ليل فالروض العشيب=والله إنه من حياتي يعدل مية سنه
ما يصير تضيق بي يا فظا الغيّ الرحيب=توّ ليلي مبتدِء وأول الشي أهونه
شوف قلبي للهوا صايراً طيراً ربيب=شادياً ليله نهاره بصوته ولحنه
كل ما فاح الشذا من ثرا داراً قشيب=ركب مثل الريح وأدوت ضلوعي هيجنه
في هواه يسوق رجلي ورجلي ما تهيب=وين ما ميّل به الفيّ هذا مسكنه
باحثاً في عالم الغيّ عن واحد لعيب=حجته يكمل معه واجباته وسننه
مسرجً خيل المغازي على أحلامٍ ذهيب=والهوا يحداه وأنا فقدت الهيمنه
كيف ألمّ الريش في الريح لى جاء له هبيب=والذواري تنهب من أيسره ومن أيمنه
ما بقى لي غير ما للربابة والسبيب=صوت من سمعه من الإنس والجنّ أحزنه

[مسعطر]

كل شيً في حياتي غدا عسـر وصعيـب= ما يسير السير حتـى ولـو كـان أدهنـه

السؤال اللي عليـه الإجابـة علـم غيـب= وش تكـن الأفئـدة وش تقـول ألألسنـه

ما بقى لي غيـر مـا للربابـة و السبيـب= صوت من سمعه من الإنس و الجنّ أحزنه

الله الله الله ,,,, صح لسااانك يا مسفر .,,

جززلة من جزززل ,,,

ولا تحرمنا من خواتها ..

تقبل مروري ..

[الفرس]

ما بقى لي غير مـا للربابـة و السبيـب=صوت من سمعه من الإنس و الجنّ أحزنه

صح لسانك الاخ مسفر ...


ابيات معبره ... ومحزنه ..


تسلم على ذا الجزله ..

[عبدالرحمن آل ضبان]

ياسلام ياسلام على الابداعات يابن درام والله انك كفو وصح لسانك على ذا القصايد الجزله

وعادني بصفق لك مرة ثانية


وأعتقد إنها تمشي على لحن ناقتي يا ناقتي جزل جزل جزل اي والله

وأنا يكفيني بس ذا البيت :

وأشتغل في داخلي زلزلة رجف ونحيب=وأرسلت عين الشقى دمعها من مخزنه


إلى الأمام يا مسفر بن درام

[مسفر بن درّام]

مسعطر: صح بدنك وأشكر لك مرورك وتعليقك الجميل.

تحياتي لك

[مسفر بن درّام]

الفرس: صح بدنك أختي الكريمة أشكرك جزيل الشكر.

تحياتي لكي

[مسفر بن درّام]

ضنا مرزوق بن يام: صح بدنك تحياتي وشكري وإمتناني على المرور وعلى التصفيق يعطيك العافية.
تحياتي لك

[بندر العجمي]

مسفر بن درام



صح لسااااانك والله لايشينك




جزززززززله ولاعدمناك




اخيكـ

[مسفر بن درّام]

بندر بن خضير العجمي: صح بدنك ولك منى جزيل الشكر على مرورك الجميل ولا هنت.

[سعود الخويطري]

مسرجً خيل المغازي على أحـلامٍ ذهيـب = والهـوا يحـداه وأنـا فقـدت الهيمـنـه
كيف ألمّ الريش في الريح لى جاء له هبيب = والذواري تنهب من أيسـره ومـن أيمنـه
ما بقى لي غيـر مـا للربابـة والسبيـب = صوت من سمعه من الإنس والجنّ أحزنه


الله الله الله



مسفر بن درّام




صح الله لساانك ولاهنت مليار




شاعر جزل وتواجدك معنا مكسب وأضافه لـ الشعر والشعراء



وتقبل سلامي واشواقي