من ارشيف الشاعرين مجاراه شاعر يام عامر الحجرف

[عامر الحجرف]

اخترنا لكم هذه المجاراه ارجو ان تجد صداها من بينكم ولكم مني ومن شاعر يام ابن بلال كل الحب والتقدير .

لاصـــــــار يابن بلال مافيه قانون= والبورصــه ما عاد فيهــــا انتعاشي
الفار نجس وفيه حمـى و طاعـون= يعدي اليا عرض مـــع الدرب ماشي
اجاهـده واللــــي معــه لين يفـنون= اهـل القلـــوب المــيته والغشــــاشي
اللي على طـرد القفا دوم يسعــون= لعل مـــــايبقى لهـــم حــــي عــاشي
واحدهم ان صلى مع اللي يصـلون= عــود على نهب اللحـــــم والعراشي
ان شاف ولاسمع عن شي مدفـون= جسرن على الرشوه ومرشيه راشي
يلقى ضعيف النفس حافي ومديون= يغــريه لـــين انه يعـــرف الخشاشي
ناسن اليا مـرو وشــافو يصـدون= وناســـن تنام ولاتحــتهـــا افــراشي
يمـــوت ميتهـــــم ولا عـنه يدرون= مثل الفراش اليا ضـوا اللــيل هاشي
عسا رجــال العرف واللي يعرفون= وهل القلوب الزاكـيه والهشـــــاشي
يفداهـــــم اللي فالمجالــس ينمون= واللي يناشــب حــــــرمته بالمعاشي
درت الرحى للحب والحب مطحون= وماعاد باقـــــي غـير حتحت قراشي
انا معك فــــــي كل مــاقلت وتمون= البورصــــه مـــاعاد فيهـــا انتعاشي

مجارات شاعر يام ابن بلال

لاصـرت يالحجرف على العرف مامون= اصرف لكلن شرهته وانت ماشي
العــــن اعيال ابليس وبليس ملعـــــون= وانته جمل زومـــان منته بحاشي
كم واحدن كنه عجـوزن على شــــــون= يشــبه لراس العنز مابه اعراشي
والعنز لوفــــي راســــها اذنين وقرون= لاخــــــير فيها لو تجي لك بلاشي
والهــــرج للـــــــي للمعاني يعرفــــون= عـراف غـير امصلحــين القراشي
وانا لراعــــي الطــيب بالطــيب مديون= ولاهمنـــي كثرت وقلت معــــاشي
همــي يخلي صــــاحي العقل مجــــنون= غيثن يجي ماهوب مثل الرشاشي
اسمــــه حــــيا والبدو يمـــه يشــــدون= الوجهته كـــن للرعــــايا اهتواشي
يجــــونه اللـــــي للجمــــايل يجـــازون= مــــــاوقدو نيرانهـــــــم بالقشاشي
قومــــن كــــرام وللاعادي يضـــــدون= عالــي فخرهــــم فوق ماهو يناشي
عن القدا والمقـــــديه مــــايصـــــدون= اكـرم من امزون السحاب النواشي
واللاش لـــوعـنده ثمــــانين ملــــيون= مثل العجـــــوز الرابضه بالفراشي
والارض ماخليت مـــــن اذناب قارون= ولادون عين الله عن الناس غاشي
كفـيل مـــــن دون العــوايد يحامــــون= ذباحــــت القعـــدان هــي والكباشي
أفدن لهم وجه الردي اســــود اللـــون= والوجــــه شــين ٍ والحكايا جراشي
من شـــين وجهه لوغسلته بصـــابون= ماكـــــنه إلا من وجـــــيه الجحاشي
والعذر للـــــــي للتمــــــــاثيل يوحـون= صدرت لو بعض المعــاني اعطاشي

[محمد نادر سويد]

الاخ عامر الحجرف صح لسانك

وصح لسان ابن بلال

عزالله انكم وافين ياثنين

ولافيكم شك جمل الله حا لكم

وبيض الله وجيهكم ابدعتو واتكنتو

معاني مفصله مرتبه حكم وتوضيح

تسلمون ولاهنتو تقبلو تحياتي ومروري

اخيكم

[ابونايف الوعيلي]

الاخ عامر صح لسانك وصح لسان ابن بلال

لاهنتوا كلكم مبدعين
يعطيكم العافيــة

[عامر الحجرف]

محمدنادر سويد لاهنت على مرورك الكريم تقبل تحياتي وتحيات شاعر يام
اخوك الشاعر عامر الحجرف

[عامر الحجرف]

ابونايف الوعيلي لاهنت وماعليكم زود اسعدنا مرورك الكريم تقبل تحياتي وتحيات شاعر يام