خلها على الله .

[غــروك وغــيروك]

السلام عليكم ورحمة الله وبركاته ..


هذي قصيده للشاعر المبدع فيصل العدواني جازتلي واتمنى انها اجوزلكم ...

خلها على الله ماهي اول خساره،، وياقلبي اصبر يمكن تكون خيره
ان كان ماوده يجي باختياره،، اللي خلقه الله خلق ناس غيره


ليت عرف البعد وشلون ناره،، ماكان يبعد عني وبروح ديره
الشوق بعثرني وطال انتظاره،، يعني خلاص الحب هذا مصيره


فواز عطني من باكيتك زقاره،، وخدر لي الشاهي وخليه شيره
بجر صوت ماجلبته الحضاره مراث شايب مختلف في مسيره


بعض الشعر يفقع عليك المراره،، وبعضه يداوي كل نفس كسيره
انا لعبت القاف واربكت كاره،، لكن عفته يوم حاسو مريره


من صارو الشعار نوره وساره،، وسيمون اسمر يقود المسيره
بكره يصير الشعر رهن استعاره،، يعني تقبل لو تهيجن شكيره


النفس طابت يوم كشف الستاره،، ويوم الكبيره تستوي بالصغيره
دام انها ساحه لوي واستداره،، بشوم عنها وياعساها سفيره


بطران ؟؟ لا والله شيخ البطاره،، واعز نفسي عن نفوس حقيره
واعرف اميز بدوها من زباره،، واللي خدم مهما وصل يتبع اميره


بنهي اناالموضوع وش لي بعاره،، وارد للي ماتأنب ضميره
خلن ظلمني ماعدلني قراره، وهو سبة احزاني وقلبي اسيره


اقفى ولا ادري وين صارت ادياره،، والمشكله ماعاد لي معه سيره
قامت تعذر جيته والزياره،، وانا جروحي من بعاده خطيره


اومنى بكفه وابتسم لي بحقـــاره،، وعرفت ريح المسك من نفخ كيره
هو يحسب ان الغــــدر فن وشطــــــــــاره،، بس مادرى ماطار بالحب طيره


فواز وينك ماتمد الزقاره؟؟ في حروة الساعه ابي لي تعميره
يمكن مع الدخان تطخ الحراره،، وخص اذا شاهيك ياخوك شيره


وخلها على الله ماهي اول خساره واللي خلقه الله خلق ناس غيره

تحيااااااااتي

[الغروب]

غــروك وغــيروك

اختيار موفق لقصيدة جزله

وصح نقلك وصح لسان شاعرها

دمت بخير.

[البندري القحطاني]

اقفى ولا ادري وين صارت ادياره،، والمشكله ماعاد لي معه سيره
قامت تعذر جيته والزياره،، وانا جروحي من بعاده خطيره

قصيده روعه لشااعر رااائع ,,

لاهنت وتسلم ايديك

[ناثرة الورد]

{{ غـروك وغيـروك }}

/
\
/

مشكوره على هالمـوضـوع الرائـ ع

الله يـ ع ـطيـج الـ ع ـافيه

وعساج على القوه

ننتظر جديدج المميز

/
\
/

كل التحـــيهـ

[ما على الدنيا عتب]

تسلم يمينك عالنقل

وصح الله لسان شاعرها

تقبل مروري

[غــروك وغــيروك]

لاهنتو جميعاً على الردود الطيبه

ناثره الورد ترا مانيب بنت ههههههههههههاي والله يعطيش العاافيه على الرد

تحياااااااتي