[..وصِيَّه ..]مِن قبل مُوتي أبكتِبها بدُون ألقاب.. ~

[M!Ss LeGeNd]

وصِيَّه مِن قبل مُوتي أبكتِبها بدُون ألقاب
عشان اللِّي يجي بَعدِي يتذكَّرني ويقراني




صَريحَه صَفحِتي هذي وبخلِّيها بدُون إحجَاب
بَسولِف للمَلا .. واللِّي على قلبي على لساني




بَعَلِّم غِيري وش فِيني مِن همُوم وشِقى وعتاب
وعلى فِكرَه ترى قلبي(حقيبه) كلَّها أحزاني




أبذكِر .. كِل ما أذكِر مَدام إن الزمَن ينعاب
أبغرق .. وأشعِل ظنُوني مَدام إن العُمر فاني




برسِّي مِن بُقى فيهُم وعَسَاها تِسلَم الأرقاب
وأبلفِظ آخر أنفاسِي عشان القاصِي والداني




ترى ما كِل مِن قـــرَّب قِريبٍ والغِياب غياب
ولا كِل شَخص يِضحَــــك لِي أعِــدِّه مِثل إخواني




أهاب المُوت في لحظه ولحظه المُوت مِنِّي يهاب
أواســـــي نفسي بنفسي وأكُون المَجنــــي الجــاني




أنا ما أكتِب شعوري عَشان ألقى صَدَى وإعجاب
أنا أكتِب .. لَجِل أرضِي جُروحي وضِيق كِتماني




وإذا قلبي غدا شايب من همومه بَعدني شاب
وعُمري توَّه صِغيِّر ... وقُــــويَه حِيـل أمتاني




أبد ما كِنت مِتصَوِّر تِجيني نشوة الأحباب
لأني ما عرفت [ الحُب ] .. إلاَّ يُوم ناداني




وقبل لا أقول كِلماتي وأودِّيني على المحراب
أبدفِن دَفتِري بإيدي .. مَدام الوَقت حدَّاني




إذا شمس اللِّقا غابت وتفارقنا بدُون أسباب
بتذكرني مَع الأيام ؟ .. وإلاَّ عادي تنساني




سؤال يدُور في بالي حبيبي والظنون إقراب
أنا إن رِحت عَن دربي يا غالي وين ألقاني ؟




وإذا كان الوصِلْ صَادِق ترى بُعدك عَلي كذاب
أفكِّـــر فِيك وفي حَالي .. حقيقه الحُب أعْمَاني




خذاني مِنْك وسواسٍ فِتَح للأسئِله .. أبواب
يخلِّيني أشِك إنِّك تِحِب لِك واحِد(ن) ثاني !!




يا خُوفِي الحَظ مَا يَصدِق مَعَاي ونِنتِهي أغراب
لأني كِل ما أحْــلِم أشوف .. الوَقت صحَّاني




حبيبي .. لا تِطمِّني وتِشقِق مِن غلاي ثِياب
أبَسكِن دُوم في بالِك و أبيك تِكُون عنواني




مَدام إنِّي لَجِل عِينِك زَعَل مِنِّي كِثير أصحاب
ترى لازم لَجل عِيني .. تِعَوِّض كِل حرماني




نويت أكتِب شِعِر عَنِّك مَدامِك للشِعِر طلاب
عسى يعجِبك ما باقي مِن حُروفي وألواني




أغمِّض عِيني وأكتِبلِك وأفتحهَا ألاقي كتاب !
شعوري إنصدم منِّي .. وأثاري هذا ديواني



مما ر1ق لي
أتمنى تنال اعجابكم
تحياتي
M!Ss LeGeNd

[M7MAD AL 3JMI]

إذا شمس اللِّقا غابت وتفارقنا بدُون أسباب
بتذكرني مَع الأيام ؟ .. وإلاَّ عادي تنساني



الله الله لآهنتي وصح الله لسان قايلها وتسلمين

[ليــه يازمـــن]

مِن قبل مُوتي أبكتِبها بدُون ألقاب.. ~

عسى الله يطول بعمرك

وشكرآعلى القصيده الرائعه ولك أجمل تحــــيه

[ناثرة الورد]

{{ M!Ss LeGeNd }}

/
\
/
مشكوره على هذه هالقصـيـده الرائـ ع ــه

الله يـ ع ـطيج الـ ع ـافيه

وعساج على القوه

ننتظر جديدج المميز

/
\
/
كل التحـــيهـ

[غالي الاثمان]

صح لسان الشاعر وتسلم عالنقل الرائع

[shmoo5_ al_ajmy]

m!ss

نقل مميز من شخصيه متميزه

كل الشكر علي ماقدمتي

[صالح أل صليع]

كل الشكر

بعد عمر طويل انشالله

تحياتي

[هادي بن فهاد]

صح لسان الشاعر وتسلم عالنقل الرائع

[M!Ss LeGeNd]

M7MAD AL 3JMI
&
ليــه يازمـــن
&
ناثرة الورد
&
غالي الاثمان
&
بنت المشاعر كلن لها شاعر
&
صالح أل صليع
&
هادي بن فهاد
تسلمون واللهاخواني واخواتي ع مروركم الر11ئع
أسعدني تو1جدكم الغالي
منورين

[ما على الدنيا عتب]

تسلم اناملتس عالقصيده

صح الله لسان شاعرها


تقبلي مروري