حنا ترى ( يـــام ) العريضه ندعس رقاب العـــــدا ...

[صالح ال كحله]

الى كل متطاول ... يبحث ويحرف في تواريخ القبائل بدون دليل
فكل قبيلة لها تاريخها ... المثبت والذي هو ليس بحاجة لنا ..
وليست الجمل المحرفه هي التي ترفع قبيله او تنقص من اخرى ,,

فكلا مخبوووور ..... ولا يصح الا الصحيح


حصريا لمجالس العجمان ,,,, واهديها لكل مطنوووخ في راسه حمياااا .....

ياللي تحرف في تواريخ العرب .. مالك ...جــــــدا
الظاهر.. ان راسك من اللوعات يالغاوي خـــوي

ربعكــ... رجـال ٍ ما بهم شـــكه .. ولا فيهم... ردا
تاريخهم ماهو بحاجة .. جملة ٍ من .. فوضــــوي

انشد كبار الســن وانشد .. من يعلمك ... القــــدا
ويخبركــ باللي تبي ..ويوردك عـــد(ن)..ٍ.... روي

لاشك تاريخ العرب ... لاتلمسه .. جعلك فـــــــدا
من .. فعلهم يزوي الكبود اللي... بها العله زوي

ربعي بني مــــره .. بعيدين المغازي .. والمـــــدا
اللابة اللي .. فعلها يكــــوي... معاديها... كـــوي

تبغي الوكااااد ... اقول لك يا ضايع اليمه بــــــدا
بدااا ... بداا ...ترى القوي فوقه بعد فعل ٍ قـــوي

حنا ترى (يـــام) العريضه ندعس رقاب العـــــدا
الى اختلف ممشاه عدلنـاه..... للـدرب الســـــوي

امن الكويت الى جبل نجران ... لا جاها النـــــدا
تاتيكــ ... من قو الحمايا .لاجل ابن عم.. وخـوي

والكذب ما يرفع قبيله ...والحكي يذهب ســـــدا
وكلا وله فعله واشوف اخطاك تدوي بك... دوي

يا راقد اصحى ... من منامكـ لا يسريك الحـــــدا
امن وطمان وكيس عيش وكشته وضحك وشوي

غير احمد الله واشكره ... دملك .. به غيب وصدا
جنب.. ترى المرقاب به ذيب ٍ .. تعـــلاك يعـــــوي

وسلامتكمــ

[يوران]

يشرفني اني اكون بأول رد على القصيده الرائعه

حنا ترى (يـــام) العريضه ندعس رقاب العـــــدا = الى اختلف ممشاه عدلنـاه..... للـدرب الســـــوي
امن الكويت الى جبل نجران ... لا جاها النـــــدا = تاتيكــ ... من قو الحمايا .لاجل ابن عم.. وخـوي

صح لسانك اخوي صالح

ولاهنت

[راكان اليامي]

لاهنـــــــــــــــــــــــــــــــــت وصح لسانك يابن كحله

[سعود الخويطري]

ربعي بني مــــره .. بعيدين المغازي .. والمـــــدا = اللابة اللي .. فعلها يكــــوي... معاديها... كـــوي

تبغي الوكااااد ... اقول لك يا ضايع اليمه بــــــدا = بدااا ... بداا ...ترى القوي فوقه بعد فعل ٍ قـــوي

حنا ترى (يـــام) العريضه ندعس رقاب العـــــدا = الى اختلف ممشاه عدلنـاه..... للـدرب الســـــوي


الله الله



صح الله لسانك يابن كحله



وكفو وتقول وتطول وسلمت يمناك




وتقبل سلامي واشواقي

[راكان المحفوظي]

اررررررحب يابو علي



صح لسانك يالقرم على القصيده الجزله بيض الله وجهك



وفي انتظار ابداعك



تقبل ارق التحايا

[هداج تيماء]

قصيدة رائعة صح لسانك يا الشاعر المبدع صالح ال كحله جزل جزل

[عـسـاه خـيـر]

صح السانك ولاهنت يا السنافي قصيده جززله

[ابومحمد الشامري]

صح لسانك مليون يا ابو علي قصيدة جزله الله لا يهينك يا السنافي ولا يتطاول على ال مره ويام الا حاقد او سفيه

[الفرس]

صح لسان الشاعر القدير صالح ال كحله ..


اي خلك وياهم .. والله ان يعجزون مابلغوا مناهم ...!!



ولاهنت على ذا القويه ..

[مهرة النسيان]

الله الله الله

ربعي بني مــــره .. بعيدين المغازي .. والمـــــدا = اللابة اللي .. فعلها يكــــوي... معاديها... كـــوي
تبغي الوكااااد ... اقول لك يا ضايع اليمه بــــــدا = بدااا ... بداا ...ترى القوي فوقه بعد فعل ٍ قـــوي
حنا ترى (يـــام) العريضه ندعس رقاب العـــــدا = الى اختلف ممشاه عدلنـاه..... للـدرب الســـــوي

اي والله بدا وبدا وبدا ..

قووويه وجزززله من شاعر قوي ..!!

صح لسانك مدد بلا عدد والله لا يهينك ..