الظبيـــــــــــــة الجــــافل

[عالي الهمة]

اخواني اعضاء وادارة ورواد المنتدى
اسمحوا لي ان اقدم لكم هدية متواضعه بين ايديكم

واهداء خاص للاخ الشاعر // سالم محمد اليامي اتمنى ان تنال رضاكم ورضاه


اقفت كما برق(ن) سرا في سواد اللــيــل
ولا تحققت عيني من الظبية الجافـل
وفزّت من المحوى وتسبـق سبوق الخيل
وبنت المها تسبق وتاريخهـا حافـــل

ولا جيتها صـدفــــة ولا ادوّر التعـــــليـل
ولا ادري بها الا يوم هجّت ونا غافل
تقود الجوازي يتبعنها وسرب العــــــيل
رشيقة لطيفة تفتح القلب لو قـــافــل

عنيدة خجولة تنحني بالخفـــا وتمـــيـل
ولا تنقنص للخاين الماكــــر السـافل
وسوم الدموع بخدّها مثل مجرا السيل
ويبكي محاجر عينها رمشها الهافـل

لها وجه يخجل نور بدر السما وسهيل
وغطّا على الزهرة غدا نورها اّاّفـــل
ولو دفّلت في البحر عوّد تقول النيــل
تعالج ملوحة بحر من ثغرها الــدافل

جميلة وزوّدها كثير الحيا تجمــيـــل
ولو شافها سالم نسي الفرض والنافل
ولا هي حليلة لاش ولاّ ردي الحيل
حليلة نسل لجواد وحده لها كــــــــافـل
_______________________________________
0000000000000000000000000000000000000000
وسلامتكم جميع 00000000السموحة نسيت ما احطها باطـار هههه

[العازميه]

يسعدني اكون اول وحده اشوه محد قبلي صح لسانك منتازه ياخوي

[عالي الهمة]

صح بدنش يا لعازميه
ويسعدني اكثر مرورش يا بنت الاكابر
بس مو كن يقولون ممتازه مو منتازه
او انتي تجودينها ادغام بدون غنّه ههههههههههههه
لاهنتي ع المرور

[فهد بن محسن]

الاخ عالي الهمه

صح لسانك ولا هنت


تحياتي لك