الا لا يجهلن احد علينا .... فنجهل فوق جهل الجاهلينا ....

[البرنسيس]

قصيده الفارس والشاعر الكبير / عمر ابن كلثوم

:

يقول اللي كلامـه نظـم فكـره=بدينـا والله الـوالـي يعيـنـا
تعالى من نصر عبـده ودينـه=عظيـم الشـان رب العالمينـا
بعث صفوة عبـاده بالرسالـه=رسول الخير خيـر المرسلينـا
رفيع القدر من هاشـم وهاشـم=سليل المجد وأصـل الماجدينـا
عليه أفضل صلاتـي والسلامـا=ومثـلـي رددّوا ياسامعـيـنـا
ومن بعـده سلامـي والتحيـه=علـى كـل الرجـال الغانمينـا
أعديّها عـن رخـوم الجزيـره=أرانـب بالدحـول وملبديـنـا
أبـي رد النبـا كلمـه وكلمـه=على من شن هجماتـه علينـا
تعال أنت البعيـد هنـاك قابـل=تعال أنته هنا وإخـذ السمينـا
بعد جيت العلوم العلـم عنـدي=ملكتـه ملـك يالثـور المتينـا
أنا لاشفت مثلك فـي طريقـي=أجنبّهـا عـن اليسـرى يمينـا
ألاَ ياذيـب دسمـات المـوايـد=على رجم الوفـا حنـا عوينـا
على ويش المراجـل لاتمرجـل=تموت المرجلـه حـدْ البطينـا
على ويش الحكايـا يالعمـاوي=ترى لو فيه لـك ذكـر ٍ حكينـا
نعد العلم بحسـاب الصيـارف=ونكشفهـا حسابـات الذهينـا
نصيب قلوب سـودان السرايـر=رمينـا والله الرامـي رميـنـا
وأنا ماني برامي مانـت قـدي=على الصابر تبي تاخـذ يقينـا
إذا هي بالفخـر وعلـوم جـدك=أنـا جـدي يسمّـى بالسنينـا
سلايل سيف ربـه والشريعـه=حسـام الديـن قطـاّع الوتينـا
تعرفه خالد المسلـول وصفـه=كمـا البـراّق بالظلمـا يبينـا
ترى مانته بنـد ٍ لـي مـلادي=عسى الله بالخطـاء مايبتلينـا
تقول إنك حكمت بنجـد واهـم=بدى غيـري لـك الله غافلينـا
حفظت العلم من صغري شربته=وأنا من قوم بالطيـب إرتوينـا
( نشرب إن وردنا الماء صفـوًا=ويشرب غيرنا كـدرًا وطينًـا )
إلى منّه شكى من نَشفْ . ريقه=عليـه الله كرامـه ماضِميـنـا
حملناها علـى حمـل الليالـي=وصرنا فـوق وأنتـم نازلينـا
خوالد يامريض إن كان تسمـع=نعيش أحرار حتـى لـو فنينـا
( إذا بلغ الرضيـع لنـا فطامًـا=تخر لـه الجبابـر ساجدينـا )
سلايل هبس وين أنـت غـادي=تضيـع دروب مثلـك ماغدينـا
علـى هونـك ووقفّهـا بحـدك=شياطيـن المعانـي حاضرينـا
على هونك وأنا بعطيك حجمـك=صغير ٍ من ( كديش ٍ ) صاغرينا
ولو إنك كبيـر الكـرش واجـد=صغير ٍ من صغايـر يالسمينـا
عليـه الله وأمانـه ياصغـيّـر=عليه الله يميـن ٍ مـن يمينـا
إذا تبغى الصحيح وقـدح زنـده=علـى القمـه وعاليهـا علينـا
أقول إسمع كلامي وإنتبـه لـه=رقينا المجـد والـذروه رقينـا
ولو إنك بهيـم ٍ جيـت سـاري=وأنا قلـت الوليـده والفطينـا
إثر بعض المناظر زول سكبـه=يغـش النـاس لكنّـه يبيـنـا
يبين الهيس مثلك فـي ثوانـي=ويأخـذ قَسـمْ حقـه ماسرينـا
عليه نشـبْ نيـران ٍ سعايـر=ونعطيـه الحقايـق باليميـنـا
يمين ٍ ضربهـا كـف النـداوي=عديم ٍ صكْ لـه خـرب ٍ بدينـا
خوالد ياضعيف الـراي وإفهـم=علـى مـر الليالـي خالديـنـا
سلايل هبس وملـوك الجزيـره=بمعنـى ياغشيـم الحاكميـنـا
حكمناها بحـد السيـف هنـدي=ملكنا التاج والعـرش إعتلينـا
( ألا لا يجلهـن أحـد عليـنـا=فنجهل فوق جهـل الجاهلينـا )
سلايل هبس وفحول المواقـف=لنا القاسي لـزوم إنّـه يلينـا
( لنا الدنيا وما أمسـى علينـا=ونبطش حين نبطش قادرينـا )
إلى منّـه بـدا راع السوالـف=وقال أذكـر بليلـه قـد غزينـا
أقول إسمع كلام الروس وإكتـم=بذيك العـام يالناقـص ولَينـا
على مثل الشياهيـن اللحوقـه=وعلى فج النحور العيس جينـا
ركبناها وجينـا مثـل عاصـف=وخشم اللي رفع خشمه وطينـا
( ملأنا البر حتى ضـاق عنـا=كذاك البحـر نملـؤه سفينـا )
بعد حكم أجود الزامـل بسيفـه=دخلنا نجد بالسيـف وسطينـا
قبل عام ألف هجري عشر حوله=بدينا بالشريـف بنجـد حينـا
وبعده حـول تسعيـن ٍ تمايـم=رسينا بالخليـج وصـار مينـا
ومن عقبه بعـد ميّـه حوالـي=رجعنا صوبهـا نجـد ورسينـا
دخلناهـا وزدنـا الفـر كــرّه=وحتى بيضـة البرقـاء حمينـا
هذاك طويق يعنـي نجـد كلـه=لك الله فـوق خشمـه معتلينـا
لو إنه ينطـق الظلـع وتكلّـم=يقول إنّا على الرجـم إرتكينـا
لنا التاريـخ ياميْـت العزيمـه=هنـا وهنـاك حنّـا محتمينـا
لنا التاريـخ صفحاتـه ملينـا=ك ت ب ناها وحنّا اللي قرينـا
وإذا به شـي يذكـر ويتواتـر=بدى ماصـار كلـه فـي يدينـا
سلايل هبس روس ٍ من شوامخ=مع الماضي وحاضرهـا وفينـا
عهود جدود مانخلـف وعدنـا=لشيخ الـدار عهـد الله عطينـا
وإذا تبغى ختـام القـول جلّـه=مـع دقاقـه ترانـا عارفيـنـا
ترى مالـك مقـام ولا حسبنـا=يموت الهيـس يحيـا مادرينـا

:

والله الله بالردود

[هادي بن فهاد]

لاهنت على الإيراد بارك الله فيك