تـعــال يــاعابـــــــر

[حبيب]

عابر طاروق جديد لاهنت على بحر جديد

تعال ياعابر= ياعود يامثابر
وتر يومنا عابر = يالاح ياملاحي
ياشايب الرحمن = عوذ من الشيطان
اعزاز وايضا اخوان = يالاح ياملاحي

["بدر العجمي"]

اررحب وش ذالطاروق بنحاول ههههه انت مانقدرك الله يعين

جيناك يمنادى=ياشين ياغادى
والوضع متحادى=يالاحى يملاحى
غير لنا الموجه=والبحر به موجه
مانبغى العوجه=يالاحى يملاحى

["بدر العجمي"]

اشوه شغلنا مظبوط ابتلشت ابطباعتها ههههه مكثرها

[حبيب]

طيب ياعابر والبحر سهل وانت شايب خبيرر

حاظر بغيرها = صوبك نسيرها
بندقك عايرها=يالاحى يملاحى
بنت الهوا ياعود=مندونها مووجود
لكن رح للذود=يالاحى يملاحى

["بدر العجمي"]

اررحب السموحه على التاخير اخرنى اسنافى مثلك وشرواك

انا على اليمه=والعلم ذا ظمه
حذراك والزمه=يلاحى يملاحى
البنت معتبره=ودور الخبره
وانا رعى الدبره=يالاحى يملاحى

[حبيب]

طيب طيب

لو انك طويب=مادامك شويب
البنت لحبيب=يلاحى يملاحى
ياعود ياقاضي = محدٍترى راضي=
بالمحزم الفاضي= يلاحى يملاحى

["بدر العجمي"]

ارحب ياحبيب

العود طع شوره=راسك وباكوره
تحتاج لك دوره=يالاحى يملاحى
الله يحماكم=جاكم وماجاكم
يامكبر اللحاكم=يلاحى يملاحى

[حبيب]

صح السانك ياعابر هات بيتك ولاهنت ختامها عندك

شباب متعلم=ومعلم ..معلم
ياعود يامسلم=يالاحى ياملاحى
نهاية المشوار=انقدم الاعذار
يالشاعر البيطار=يالاحى ياملاحى

["بدر العجمي"]

صح اللسانك ياحبيب

حبيب سبع انعام=كريم وابن اكرام
فى مستوى الحكام=يلاحى يملاحى
انته علينا اتمون=وانا لكم ممنون
وهلا هلا مليوون=يالاحى يملاحى

[فهد بن محسن]

الله الله

طافتني والله متابعة اللعبه مباشره .. ولكن لازم تعوضونا ان شا الله



تحياتي لكم ولاهنتو وهذا هو المطلوب