قصيده في الشيخ طلال بن فيصل بن خرصان
شفت الرجال أشكال مثل البعارين
مير الحموله مالها إللا جملها
أحدن حذف حمله والآخر بليهين
لازادت الحمله برك ثم حملها
ياشيخ ابن خرصان ياحي ذا العين
للمرجله قمه و راسك جبلها
أنا أشهد إنك شيخ يابن السلاطين
والمرجله تاج وراسك نقلها
شيخ من شيوخ الرجال المسمين
إعلومهم بالطيب محدن جهلها
سلالة أحفاد الرجال الميامين
اللي نهار الضد تابس بللها
و أمير قوم مثل سيف بحدين
وناس تعرضله يجيها أجلها
قلته وأنا من لابتن توفي الدين
عتيبه الهيلا عريبه سللها
ومن عزوة الحرشاء كعام المعادين
أهل السيوف اللي تلامع سللها
ذوي زياد أهل مهيوبه من إسنين
ومهيوب يعرف هو وسيمة ابلها
وكل القبائل بالمراجل وفيين
والمرجله تعرف ومنهم أهلها
( الشاعر بادي بن ثنيان الزيادي العتيبي )