[&لحن الحياة&]

انت وطفلك وشوية عادات بسيطة





فيه ثلاث وسائل إذا تبي توصل لطفلك السلوك الي تحب يكون عليه /

1 : الطريقة المباشرة : وهي طرقة النصح و الإرشاد وذكر الفوائد و المضار . < ( وهالطريقة أبداً ماأنصح فيها للمراهقين )
2 : طريقة الإيحاء : وهي أنك تسرد القصص و الحكايات الهادفة الي تبين عواقب الأفعال و مصيرها ,
عن الغضب مثلاً إذا كان طفلك من النوع العصبي أو البر إذا كان الطفل ما يسمع كلامك .
3 : وآخر طريقة , طريقة القدوة : وهي طبعاً القدوة الحسنة لأن الطفل يميل لتقليد افعال من يتصلون به , يعني تلاحظ طفلك هادي ماأمداه دخل المدرسة ألا طالعه شياطينه .

-

و ( بحكم أني ماأحب أقرا كلام كثيييير و خصوصاً إذا كان الأسلوب مايشد
فّ بفترض أنكم مثلي .. وأسلوبي مدري عنه لأنه أول تجربه فّ بختصر كلام كثير بنقاط معينه )

/

من الأمور المهمة لتنمية شخصية الطفل و تخليه واثق من نفسه و شخصيته قوية .. عدة أشياء منها :

لاتركز على عيوبه وتجاهلها لأن الطفل غالباً يحب يسوي الأشياء الي تجذب أهله ويمارسها
يعني ركز على ايجابياته و شجعه عليها .
بس لاتمدحه واجد عشان ماتجيه شوفة نفس و يرفع خشمه عاد من ينزله ذيك الحزة
لكن استخدم كلمات صادقه و تأثر عليه .. مثلا : " فعلك هذا يعجبني , أسلوبك هذا جميل جداً " بدل : " انت رائع بالنسبة لعمرك " < تحقره كذا ماتمدحه

-

لاحظ أقل تقدم فيه و شجعه عليه و بشرط يكون إيجابي

-

أياني وأياك تقارنه بالي بعمره
لان له أثره سيء جداً عّ الطفل , أنت وهذا كبرك ماتحب أحد يقارنك بأحد
لأنه إذا كان فعل إيجابي يكون مدعاة للحسد وإذا سلبي مدعاة للعداوة والغرور

-

لاتهاوش ولدك واجد لانه يكون سبب لضعف الشخصية والشعور بالانهزامية
فلاتكثر من حكي : " ليش تسوي كذا ؟ , لاتلعبين بشعرك كذا "

-

إذا وصل طفلك عمره السنتين إبدا بالإستماع لوجهة نظره و شاوره بالأشياء الي تخصه

-

" أسسسستمع إلى أبنك "
وهذي كثير يسويها بس بلا مبالاة , ياتسمعه وهي تغسل المواعين وألا يسمعه وهو يقرأ الجريدة
والمشكلة أن أهم نقطه أنك تناظر في وجهه و تكون بمستوى ارتفاعه .. أمسك يده .. ضمه إذا كان متضايق .. نطط معه إذا مبسوط

-

شجعه على النظر لوجوه الناس عند الحديث معهم

-

خله يتعود يعتمد على نفسه
مثلاً رحتوا للبقالة عطه خمسة ريال وخله يشتري لنفسه و خله يختار اللبس الي يعجبه
بس مايمنع أنك تساعده بحيث ينسق صح ويشتري أكل صح