[الـهـادي]

السلام عليكم ورحمة الله وبركاته ..
الشاعر محمد بن ادهيم الغييثات الدوسرى قال فى مدح
الشيخ / عبدالله بن فهد الدامر رحمه الله و ابو فهد
يستاهل المدح والثنا جعله فى الجنه ..
يقول ابن دهيم ..

لا ضاق صدري ودّي اغنى اصوات=عند الضحى لاجيت روس العوالي
دنو لنا جمس ٍ جديد الحركــــات= من منوة السواق في كل حالي
توّه جديد كامــل ٍ بالـكفــالا ت = لامن نوينا البعد ما ضاق بالـــي
ودّي نسير صوب حامي الونيـّات=عيد الركايب اللّي حفاياً أهزالــي
عبدالله اللّى يرتكـي للثـقيــلات =و جزّاع لا شاف الخطا ما يمـالــي
يرسي إلى كثرت عليه الطلابـات = مثل هديب الشام للحـمل شـالــي
الكيف عنده في الدلال الـعذيـّات = ولا جيت تلقا في محلـّه ارجالــي
يفداه من هو ما يشيل الخسـارات =حافظ بلاه لحرمتـه و الـعيالــي
و يفداه من هو قاضب ٍ شيّه ومات = قضا بها ايليــن خطفتـه اليالــي
انتم لنا و حنّا لكـم فالقديمــات= و مركالنا لا صـك جـال ٍ بجالـــي
من لابه ٍ يثنون عند الـرديـات = لا جا نهار فيــه فــك التوالـي
عجمان ما مدحي لهم بالخرافات = كم صبّحوا نشـر الحفـيف الموالـي
مركاضهم يبرى الكبود الغليلات= الى ارتكز عج الرمــك و القتالــي
و لعل من جابك تمهد بجنــات= عساه يقبل عنـــد رب الجلالــي
و على النبى صليت انا بالتحيّات = اعداد ما هبّت جنـوب وشمالـــي

وقال الشاعر هذه القصيده فى مدح العجمان لما تربطه بهم من محبه وصداقه وخوه من قديم وتالى ..
يقول بن دهيم ..

الله يعزك دايــم ٍ مــن قبيله = قبيـلة ٍ يـلجـا بـها كل مظهود
اهل القدايم و العلـوم الجـميله= يشهد لهم التاريخ ما نبغي شـهود
عجمان لا ركبو على كل اصيله = خيّالـهم لامـن ركب يروي العود
عجمان لابار العميل بعميــله=لا عـود النباب و الـصلح مردود
عجمان يبرون الكبود الغـليله = لا جـا الملاقـا و امتلا الجو بارود
اهل القنازع مقحمين الدبيـله=لا جا نهار فيه طايـح و مـطرود
صديقهم ما قيل : يا عـــزتيله =و حريبهم يصبح من الغـبن ملهود
و صلاة ربى عدو بل المخيله =على الرسول الهاشمي خيـر مولود

وسـلامتـكـم ...