[مناحي الصميل]

ذهاب بلا اياب .. !!

لا لا تعذّر لي .. معاد أبغي .. ( عذر ) . ! = ومعاد انا أبغي .. لا سؤال .. ولا جواب . !
أستأذنك .. بيّحت ما .. ( كنّ ) .. الصدر . ! = وسجلّتك .. بـ/دفتر .. ( علاقتنا ) .. غياب . !
صبرت .. مافيه الكفايه .. ( والصبر ) . ؟؟ = ما عدّل أوضاعي .. ولا صلّح خراب . !!
ما همنّي .. قلبك .. سِمَح والا .. ضِجَر . ! = ولا همنّي .. هذا .. خطأ .. والا صواب . ؟!
وش العذر .. دام .. ( الخيانه .. والكِبر ) . ؟! = امعتّمه قلبك .. مثل عَتم .. السحاب . ؟!
وش العذر.. دامك تعرف ان .. الغدر = نكّس علاقات .. ( وبعد ) .. قطّع رقاب . !!
حفرت لي حفره .. وصارت لك .. ( قبر ) . ! = معاد تنفعني .. مشاريه وعتاب . !
عزّااه .. يوم ان كنت لك .. مثل .. البحر . ! = أتقاسم همومك .. وأذوق من العذاب .. !
أبغيك تذكرني .. ( انا ) .. بدّ البشر .. ! = أبقى معك .. وإن بانت لـ/دنياك .. ناب . !
واليا .. طلبت .. أقول لك : ( تآمر أمر ) . ! = حتى تحدّيت المهالك .. والصعاب . !
واليوم .. طعناتك .. تلقّاها .. الظهر . ! = ماكنت حاسب .. للغدر .. أيّة حساب . !
لا هنت .. وما قصّرت .. ولك .. ( كل الشكر ) . ! = وعلى حسب ما يعمل المؤمن .. يُثاب . !
أستأذنك .. بيّحت .. ما .. ( كنّ ) .. الصدر . ! = بأرحل .. وسجلّني .. ذهاب .. بلا .. اياب .. !!