كن العيون من النظر عقبـك ايتـام=وكني ماريت الا انت من يوم ريتـك
وكنك معي وانا فقدتك مـن اعـوام=مـع الخيـال القـاك كنـي لقيتـك
يعني وصالك صعب واهدافي اوهام=يعنـي زرعتـك للقـدر ماجنيتـك
ويا قلب ياللي ورثك اجـروح وآلام=بليتنـي ماهـو بانـا اللـي بليتـك
ولعتني من عادني في الهـوى خـام=واسرفت بي وانا خطامـك عطيتـك
والا انت ياللي جيش عينيـك مقـدام=لا اقنعت منـك والرجـا مارجيتـك
عقب الوصال اللي على عين من لام=قدهو يكفيني عـن الوصـل صيتـك
وقدني الى مريت بالشـارع العـام=لديت من ما في الضميـر ودعيتـك
ياشينهـا يامحنـيٍ راس الابـهـام=ماقدر على شوفك وانا عنـد بيتـك