[مسعطر]

يامل عينٍ من التفكير منصابه=الله علم في هوى قلبي وطاريّه
أسهيل بين وقّرب وقت طلابه=نجماً تعرفه هل الروحات والجيّه
نسنس براده وراح القيظ واحسابه=ولهل الولع والعسايف فيه ماريّه
ياحلو غربيه لمن هب هباّبه=مع طلعت الشمس جاك ادواه غربيّه
قربت احلول الوسامي والله أدرابه=نرجي الكرم من ولي العرش وسميّه
والله ومر باذر الوسمي وصّبابه=وقيل التريبي أملاتٍ خباريه
وقامت أفياض الزهور ولجت أعشابه=وجاتك نجوعٍ على ذكره لها نيّه
مزنٍ تحدر أقنوفه فيه لعّابه=من فوق سال الحشاد وهدّ واديه
ياراعي الحرّ الاشقر لاتباسابه=أتعب على الريش غابيه وبادّيه
وجود عشى شالع المظراب لومابه=قرانس بكرٍ يطرب شف راعيّه
يعجبك فعله لامنّه هّد قّظابه=وكم من سمينٍ تعشى من ثناديّه
لا طّوفو خبرةٍ لضّو شبّابه=في ضف شيخٍ بعيدات مناويّه
شيخٍ الى شاف ضيف الله حيابه=يامي ويفرح الى من جاه ياميّه
قالو شرى الابل وابارك بأول الجابه=صفرٍ لها في جميع الطرش فرقيّه
في قيمةٍ شيكها ماعدّ كتابه=سلام ياللي غلا الابل من مغازيّه
يامٍ هل الابل وأهل خيلٍ وكسابه=ونصرٍ من الله ألى نادى مناديّه
راكان مثل الاسد ناتيه وانهابه=لاجاتنا من خصيمٍ ناوي ٍ نيّه
يما عفى من سجينٍ مغلقٍ بابه=وياما نقظ حجةٍ عسره وملويه
تاريخ يامٍ يطّول وجه كتابه=وهذي تواريخهم باالكتب مقريه
ترك قصيدٍ سوات السيف بجرابه=ماهوب يقرا ولاتعرف معانيه

يقول واحد من الربع إن قصيد المدح مافيه إبداع ..
بقوله يقرا ذي و يغيّر رايه

صح لساااان ابيك الله يرحمه و يسكنه الجنة ..

و يستاهل الشيخ راكان بن حثلين ...

والله ومر باذر الوسمي وصّبابه=وقيل التريبي أملاتٍ خباريه

التريبي : عرق في الصمان ..

تقبل مروري ..