الهواجس سم وافكاري وعسل = والهواجس في عسل فكري تذوب
كن زهور القلب من عقب النحل = سمّها ثعبان همي بالغروب
يازهر قد زان عوده ثم ذبل = ماتردك يا فع ٍ ذيك الهبوب
انما تـَنثِرك مع ذاك الامل = او تسوقك صوب نيران الشبوب
يا صعوبة سهل ويا اصعب سهل = كم تخوض النفس دونك من حروب
اصبري يا نفس ما يُوجب وَجَل = لا تتوبي دام وقتك ما يتوب
احذري يا نفس عثرات الزلل = واحذري ما تشتهينه كل صوب
وان ثقيل الهم ضيف ٍ لك نزل = اكرمي ضيفك ترا الضيفه وجوب
اكرمي ضيفك تصبّر او خجل = وش سواتك دامك بملقى الدروب
الصدر قد ضاق من كثر العلل = اصبحت انفاس ٍ لصدري تنوب
ودامها تزداد لازم احتمل = في حمولي صاير ٍ كني امغصوب
ضاقت الدنيا وزادت بي ملل = من شمال وشرق من غرب وجنوب
العمر لحظات ولحظاتي هَمَل = في صحاري العمر ترعاها وتجوب
لحظه بلحظه بدا كيفَ و هل = دامها لحظه وكل شي امحسوب
عشتها زحمه وزحمتها مَهَل = والمَهَل عزمه قتل عزم القلوب
يا عُمر يا ليت ما يطول الاجل = دامني عفت التعاسه والشحوب