[صالح ال كحله]

اخواني اخواتي اعضاء وزورا مجالس العجمان الرائعهـ

اتمنى ان تنال اعجابكم هذه الكيبورديه الحصريه هنا للمجالس .

.

ياحرف شعري قم وفز وغرد=وارسم قصيده وانتبه تعميها
قل للذي وده يعرف اش ذوقي=ذوقي رفيع (ن) لا بغيت اطريها
حبيبتي فيها الوصايف ... زينه=وعقل وثقل ما احد(ن) كفو يغويها
الوصف لو ودي عجزت اوصف=تترس اعيون اللي يناظر فيها
حبيبتي باستاذنش ... باوضح=ملامح(ن) تتعب قلم راويها
انا دخيل اعيونش اللي ترسل =غارات من رمشش علي يرميها
لا تلحقين القلب الاقشر حده = تكفي هموم ... خافيه حاويها
اي والله احبش و انا كلي لش =وان ما كفت والله لا ضويها
كان الغلا وصل الى الغيبوبه =غيبوبتي.. والله... ما اخليها
لبيه..... ياللي لا .. ازعلت .. ماترضى =بالهون ... ما يدرون وش يرضيها
الى انعقد حاجب.... وحول حاجب =ترد... عاليها ..... على واطيها
فيها ترف فيها دلع يعجبني =لايق عليها ما احد ...ايخطيها
وفيها غرورالطفلة... الحبوبه =وفيها تغنج ... ما احد(ن) يصخيها
اموت واحيا ....وانتثر لارضاها =وان رحت انا..... ياجعلني فاديها
يا لابسة تاج... الجمال المخفي =جمال شكل وروح... من يوفيها
ويا مغوية قلب الحبيب العاشق =حرام تعذيب ... البشر يكفيها
هذي حروفي وانتي المقصوده =وشعري يطاوع لا ..حضر طاريها
اسف انا طلعت... بعض اعيوبش =واعيوبها فيها..... وانا هاويها

.

.

وسلامتكمــ ....