[فهد بن محسن]

المشاركة الأصلية كتبت بواسطة البركان الثائر

قصيدة في أل سفران ولها تكمله عن قريب أن شاء الله

وبسم الله الرحمن علام الأسرار=يصلي له المسلم خشوع(ن)وطاعه
حمي المصطفي مع صاحبه داخل الغار=وبيّن له النصر المبين بنزاعه
نشر دعوة الأسلام في كل الأقطار=وطاعت قبايلها ثقيف وخزاعه
هو الخالق الرازق هو النافع الضار=عسي الله يهديني طريق القناعه
ومن بعد ذكر الله نبي جزل الأشعار=وهزل القوافي ما عليها طماعه
لا شفت الثمينه حيل أجازف بالأسعار=وأنا أفهم بسوق البيع نوع البضاعه
علي الهون أجيب البيت شاعر وبيطار=وهجسي وهاجوسي هجومه دفاعه
وتشرب محيط الشعر وعيون وأنهار=وعندي علي ضعف المعاني مناعه
أنا للمثايل كني الوالد البار=ولاني معودّها علي الأنهزاعه
بسجل لكم تاريخ وأفعال الأخيار=بتصوير فكري عبر سلك الأذاعه
قصيده بربعي يا الأجاويد تذكار=وقول(ن)علي فعل(ن)ينومس سماعه
سفارين للعاني وللضيف والجار=سفارين وأدناهم يكف الجماعه
سفارين مثل الموت قصاف الأعمار=هل الجود والمعروف وأهل الشجاعه
ولدهم يهز طويق مع ضلع سنجار=قبل ياصل العشرين حفظ الوداعه
تعلّم من الأخيار الأحرار وأختار=جميع العلوم الغانمه كل ساعه
تعوّد وهو توّه علي شبة النار=وبنّي البيوت المنوّره في الرفاعه
تربّي علي عزّة طويلين الأشبار=وذيب الغداري مكسبه من ذراعه
بسطّر فعايلهم علي قب الأمهار=زمان المغازي والجهل والمجاعه
علي شان تبقي للزّمن تاج وشعار=قروض(ن)علينا مثل قرض الزراعه

كفو كفو كفوو كفوو

ونعم بال سفران ... من غير قصور في الباقين

الاخ الشاعر\ البركان الثاير


صح لسانك مليوووووووون ,, وتسلم والله ,, وبيض الله وجهك على ذا القصيدة الجزله


عداك العيب .. وقصيدك جزل ووافي ,,, وتعتبر مدرسة في الوزن والقوافي

تحياتي لك