[فدغوش آل خضير]

ألـى المهتــمّـين بالأدب الشعــبي ..

والى عشــاق و محبــي الشعـر النبــطي ...

والى المعجبيــن بشاعر الحكمـه والعاطــفه والوجدان ....


الشاعـر الاميـر : محمد الاحمـد السديــري

	مرقا العلا خطـر عسيـر صعـوده=ما يطلعه من لا تجلد علـى الكـود والبيـت مـا يبنـى بليـا عمـوده=والحيف يزعل من عن الحق مردود والحر يجزع يـوم توطـا حـدوده=وتشرهه نفسه على الطيب والـزود ولا يشتكي مـن لا تضـره لهـوده=إن شاف جور الحيف والعدل مفقود والوقت شفنا كـل بيضـه وسـوده=وشفنا نهاره مـع لياليـه مضهـود والغيم لو تسمع صواعـد رعـوده=لا ممطر وبـل ولا هـوب مريـود يا مدورين الطيب قيسـوا عـدوده=والطيب عد بين الاجـواد مـا رود والناس بارض الله تراهـم شهـوده=وحق بلا فعل على الرجـل مجحـود والنذل حيلات الـردى مـا تكـوده=واليا بغى الطولات ما يدرك الجـود عـن المراجـل قاصـرات زنـوده=طير العشا يصبر على كـل منقـود الخيل ما تشكـى مضاريـب عـوده=وبالقيض ما ركب القضا مثل صاهود يعيـش فـي الدنيـا همـه رقـوده=ولا نفضنـه قـرح الخيـل والقـود لعـل رحمـة خالـقـه ماتـعـوده=وعساه مع زمرة هل النـار بخلـود هـذا زمـان هايـبـات فـهـوده=والناس نادو عنتره بأسـم مسعـود واشوف لـي رجـل يعـدد جـدوده=لو ان ابوه وجدّه اضعف من الـدود كلّت من الماطـا رواسـي حيـوده=والبوم شاش ولابس (ن) درع داوود والنيص حطّ لهامة الـراس خـوده=عقب المذّله لـه طوابيـر وجنـود ماكـن شـئ فـي زمانـه يكـوده=شاهد بها الدنيـا سلامـات وركـود وحتى الغراب اليوم يفخـر بجـوده=والفار بذراعـه قطـع كـل بالـود والشرى والحرمـل تباهـت وروده=وقامت تشيل غصونه الماس وعقود ياحسين زانت لـه ليالـي سعـوده=وصدّق حياه بزايد الوبـل ورعـود