[فهد بن ناصر]

ياونتي يوم قالو مـات ابـو ماجـد=ونت قصّير على أغلى واطيب اخواني
انشهد انه هجدنـي البارحـه هاجـد=علمِ هجدني على الغـرات وابكانـي
العلم جانـي وانـا فـدبـي متواجـد=وبغيت أهلل واكبر غار مـا امدانـي
كبدي بجدها من سيوف الحزن باجـد=صبح الشؤيفات صبحنـي ومسانـي
واكبدي اللي عليها الحـزن متراجـد=وجعه محرم وذو الحجـه وشعبانـي
مرحوم ياللي يجـود بكـل ماياجـد=وابرك لياليه لاجا البيـت ضيفانـي
ترحبيتـه تستبقهـا ضحكـه الناجـد=ومـرات كفـه لوجـه الله سفطانـي
الدّيـن المستقيـم الراكـع السـاجـد=كريم وجه وكريـم يميـن ولسانـي
ياموت يوم الهواشـم جمعهـم واجـد=ماخذت غير ابو ماجد واحـدٍ ثانـي!
يالله تجبر عزانا عقـب ابـو ماجـد=وبرحمتك ترحمه ياخيـر رحمانـي