اختي العنقاء برد عليك بقصيده مشهوره
للشاعر بداح العنقري من بنو تميم واللي يعتبر من ( الحضر )
الله أحـد يـا مـا غـزينـا وجينـا
ويامـا ركبنـا حاميـات المشاويـح
ويامـا علـى أكـوارهـم اعتلينــا
ويامـا ركبناهن عصيـرن مراويـح
ويامـا تعـاطـت بالهنـادي يدينـا
ويامـا تقاسمنـا حـلال المصاليـح
وراك تزهـد ياريـش العيـن فينـا
تقـول خيال الحضر زيـن تصفيـح
الطيـب مـا هـو بـس للظاعنينـا
مقسمـن بيـن الوجيـه المفـاليـح
البـدو واللـي بـالقـرى نازلينــا
كلـن عطـاه الله من هبَّـة الريـح
يـوم الفضـول بحلتـك شـارعينـا
بالشلف ينحونـك سـوات الزنانيـح
يوم انجمر رمحي خذيـت السنينـا
وادعيت عنك الخيل صـمّ مدابيـح
هيـا عطينـا الحـق هيـا عطينـا
وإن مـا عطيتينـاه والله لا صيـح
أصيح صيحـة مـن غدالـه جنينـا
وإلا خلوجن ضيعوهـا السراريـح
يا عود ريحانـن بعـرض البطينـا
ومنين ما هب الهوا فاح لـه ريـح
لا خـوخ لا رمـان ولا هو بتينـا
مشمـش البصـرة ولا بالتـفافيـح
وخـدن كما قرطاستـن في يمينـا
وعيـون نجـل للمشقـا ذوابيــح
صخـف بلطـف بـانهـزاع بلينـا
يا غصن موزن هزعه ناسم الريـح
واللي يبي قصة القصيده يبشربها مع اني اظن ان الغالب يعرفها
واسمحي لي اني رديت عليك وانا مانيب عجمي لكن الشاهد الله اني اعتبر المنتدى محلي