اهداء الى كل انسان مضيع الجاده في كلامه
ويتعلل بأن الخلاف لا يفسد للـود قضيـه
((حــــن هــــل الـسـمــرا))
اختـلاف الـراي مايفسـد قضيـه=قالها من قالهـا والقصـد واضـح
قالهـا اللـي ودّه يخـش الخطيـه=مادرى انها فاضحه والراي فاضـح
انت ياالواطي يابو نفـس(ن) دنيـه=لا تحسب انك علينا صرت ناصـح
ولا تحسب افكـارك العميـا ذكيـه=ولا تحسبك فارض نفسـك وناجـح
انت فاشل واسفـل مـن الاسفليـه=ولا انت كفو(ن) للملاقى والمناطـح
وكـان ردّت للعـلـوم الاولـيـه=للخيـول وللسـيـوف وللمـذابـح
يشهـد التاريـخ مايشهـد علـيّـه=يشهد التاريخ من كانـو (جـوارح)
الجـوارح بالفـعـل والمقـدريـه=ماهي مثل مسلسلة((كاسر وجارح))
مـن يمانينـا تـذوب العنتـريـه=ومن يمانينا انعرف ويش المشارح؟؟
مـن يعادينـا نــورّده المنـيـه=مات...ولاّ راح غصب عنه سامـح
السلامـه مـن يمانيـنـا هـديـه=ومن يعادينا خسى ماهـوب رابـح
يعني حنا فـي العصـور الجاهليـه=في الصداره وانت في الآخر تراوح
في المراجل مايسجـل لـك هويـه=والظفر مالـك معـه ايـة ملامـح
سمّهـا وان كـان تبغـي عنجهيـه=من سواتك مانفـع معـه التسامـح
((حن هل السمرا)) مطوّعة العصيه=من جعلنا ضد جاه المـوت نـازح
ومـن يوالينـا نعيّـفـه بخـويـه=بالظفر والطيـب وعـلاّق الذبايـح
والشجاعـه ((بالقبايل))سرمـديـه=والعوايـل مثلهـا لبسـت وشايـح
بالظفر نسمع لهـا علومـن طريـه=تنفع اللـي قلبـه يحـب النصايـح
ولاّ مـن مثلـك مباديّـه رديــه=مايصافِـح للحقـوق ولا يصافَـح
انت كفّك ماضـرى بمـد العطيـه=تكنز الدينـار وتحـوش المصالـح
والرجل لا صـار ماعنـده حميـه=مافلح دنيـا ولا فـي الديـن فالـح
وانت والله مفلس(ن) من ذي وذيـه=مانت صالح لاي حاجه منت صالح
الشـاعـر محـمـد فـهـد العرجـانـي
منقول من
الــــســــيــــاســـــي